مش ســـياســــه و بــس

فقه الإختلاف

2011-07-02T23:42:00.001+02:00

الإختلاف فى الرأى لا يفسد للود قضية
حقيقى؟
يعنى الكلام ده مش أى كلام و طحينة؟
بيحصل فعلا؟

يعنى ممكن كدة أختلف أنا و انت و أخر اليوم نمشى و احنا لسه اصحاب؟

تحولت الكلمة من مثل إلى حكمة و من حكمة إلى أمنية نتمناها فى منامنا , ثم تدريجيا أصبحت تاريخ , ثم خرافة تحكى للأطفال قبل النوم , و أصبح الإختلاف فى الرأى يفسد للود قضية .

ليه؟

عشان احنا اتربينا غلط

اتربينا ان رأينا صواب لا يحتمل الخطأ وأى رأى أخر خطأ لا يحتمل الصواب
ولأن معظمنا عاش تحت نظام شمولى سادى تعفنى استبدادى زاد عن الستون عاما بقليل فلم يتعود على الإختلاف فى الرأى لأنه لم يدرك ماهية الرأى طوال حياته

فالرأى رأى المدرس فى المدرسة

و رأى الدكتور فى الكلية

و رأى المدير فى العمل

ورأى ريسنا بابا مبارك

حتى لو كان خطأ

وبالتالى اعتدنا أن نحتفظ برأينا داخلنا حتى نصبح نحن فى موقع السيطرة و نستبد بالرأى كسنة للحياة تربينا عليها

لكن بعد أن تم الإطاحة بمبارك و سقوط سوطه المدوى_ جهاز أمن الدولة المخيف, أصبح الرأى أمرا من الممكن أن نعبر عنه بدون خوف , ولأول مرة لا يوجد ما نخاف منه , فانطلق السهم من قوسه انطلاقة هوجاء لا تعرف قواعد إلا اخترقتها.

فالعامل تمرد على رئيسه

و الصغير تطاول على الكبير

و المظلوم انتفض على الظالم

ولكن

بلا عقل

بلا منطق

بلا تفكير

مع انكسار طوق الخوف و خروج الحرية للنور أصبح الكل يريد أن يعبر و يعبر و أحيانا بدون أن يفكر فيما تحمله أفكاره أو أفعاله من أثر على الأخرين

وانعكس هذا على كل نواحى الحياة

ففى بيئة العمل أصبح العامل يبحث عن الزيادة فى الأجر , دون أن يدير عجلة الإنتاج و رئيسه يرى أنه لا يبذل ما فى وسعه وبالتالى لا يستحق زيادة وبين الإثنان هناك نظام إدارى كله أخطاء أتت على العدالة الإجتماعية و جعلت كلا منهما يدور فى حلقة مفرغة من التشبث بالفكر دون التفكير

وفى السياسة أصبح كل فصيل سياسى يحمل العداء المحكم لمن ينافسه و يبحث عن نقاط ضعفه ليهاجمها و يحقق منها نقاط مكسب تحت عباءة حرية التعبير عن الرأى بحثا عن قطع من الكعكة يضيفها لرصيده دون أن يبحث عن مصلحة الوطن العليا أولا و انشغل كل فصيل منهم فى كيفية إثبات أن الأخر على خطأ فى تعصب شديد ربما قبل أوانه بكثير , متناسيا أنه كفصيل سياسى لايزال وليدا يحبو أول خطواته .. و أن تقبله للأخر و الإستفاده منه لتحقيق المصلحة العليا للوطن أهم من الهجوم عليه

وحتى فى الرياضة أصبح الخلاف على هدف سببا كافيا لإفتعال مشاجرة يصاب فيها الكثيرين,ولا أدعى أن هذا لا يحدث فى الخارج .. ولكن استيقظوا.. ليس لدينا شرطة أو أمن حتى نفعل ما يحلو لنا ونترك الفرصة لأى مخرب باستغلال الفوضى و انشغال حماة البلد بهذه الأحداث الخطيرة ليعيث فسادا بالبلد

و فى الشارع أصبح سائق الميكروباص يعبر هو الأخر عن رأيه بطريقته .. فهو يعتبر الشارع ملكه لأنه يستطيع .. يستطيع ماذا ؟ يستطيع كل شىء , و أنت لا تستطيع أى شىء ففرض علي الشارع رأيه و ثقافته التى حرم من التعبير عنها من خلال قوانين اعتبرها مقيدة لحريته فصار لدينا سببا للإزدحام فى كل مناطق الجمهورية ألا وهو حرية سائقى الميكروباص من القوانين المنظمة للمرور

وتناسى الجميع ثقافة مهمة جدا , وهى ثقافة الإختلاف, فمع الحرية فى التعبير جاءت الصدمة, أننا لسنا وحدنا فى هذا الكون ,وأن هناك حتما من يفكر غيرنا , ومن يحمل رأيا مخالفا لنا وبدلا من تقبل هذا الإختلاف , أصبح محلا للهجوم فى كل مجال ممكن,و كأن ديكتاتورية الفرد انتقلت بالعدوى للشعب فأصبح لدينا ديكتاتورا صغيرا في كل مكان بمصر وهذا لابد أن يتنبه الناس له و يحاولوا تغييره فى أسرع وقت

ولكى نتقبل هذا الفكر الجديد_فكر التقبل للأخر_ لابد أولا ان نؤمن بأهميته فالفكر , أى فكر يحتمل الصواب و الخطأ و أى فكر مخالف يجب أن نستمع له أولا و نفكر فيه قبل أن نهاجمه أو نرفضه , و الأهم ألا ننبذه حتى لو لم نقتنع به

لأن أول بذور التطرف فى الفكر .. هى اعتناق الفكر من مبدأ دفاعى , فالفكرة المرفوضة قد تجعل صاحبها يتشبث بها أكثر و أكثر وكلما زاد الهجوم , زاد التطرف وزادت الفجوة , و فى النهاية تختفى نقاط التلاقى و تضيع معها المصالح المشتركة التى هى نواة أى تعاون بناء.

والإختلاف كان دوما سنة الحياة

يقول الله عز وجل :(لكل جعلنا منكم شرعة ومنهاجاً ولو شاء الله لجعلكم أمة واحدة ولكن ليبلوكم فيما اتاكم فاستبقوا الخيرات إلى الله مرجعكم جميعاً فينبئكم بما كنتم فيه تختلفون)

ويقول أيضا:

(ومن آياته خلق السموات والأرض واختلاف السنتكم والوانكم... )

يجب أن نبدأ بالبحث عن نقاط التلاقى وسط بحار الإختلاف , لنبدأ حوارا بناءا يصب فى مصلحة وطننا , فى كل مكان : فى العمل , فى الشارع , فى المنزل , فى العمل السياسى .. و نتوقف عن اتهام كل فكر مختلف بأنه إما خائن أو عميل أو جاهل أو أى صفة مشينة يمكن أن نطلقها لمجرد أنه مختلف معنا فى الرأى

ولنؤمن دائما أن فى الإختلاف تنوع , وفى التنوع دوما جديد .. و الجديد هو ما نحتاجة دوما لنتطور ونتقدم , لأن سبب ركودنا كان الجمود الناتج عن عدم تقبل أى أفكار مختلفة .. وهذا كان أكبر معوق أدى لتراجعنا سنوات بعد سنوات

شكرا فودافون

2010-11-18T01:19:00.003+02:00

إللى حصل فى الكام يوم إللى إتعرض فيهم إعلان فودافون.

رجعلى الأمل فى حاجات كتير قوى .

رجعلى الأمل فى إننا شعب إيجابى .. كل مشكلته إنه إعتاد الخوف

شعب ليه رأى ..

وقادر على التعبير عن رأيه بإحترام و تحضر ..

شعب عظيم ..

رجعلى الأمل فى التغيير

مش بس فى معناه السياسى لكن فى معناه الشامل .

لو حطينا إيدينا على مناطق الضعف ..

وقدرنا ننظم توجهاتنا ..

حتتحول مجهوداتنا للبناء مش مجرد المشاهدة و مصمصة الشفايف

كلنا شفنا الكليب بتاع إعلان فودافون إللى مس عباس بن فرناس بشكل غير لائق , وأنا شخصيا حسيت بالإمتعاض من كل حاجة فيه , من أول لحظة .. لأخر لحظة , و دخلت على الفيديو و حطيت تعليق , كان فى طبعا كالعادة ناس بتشتم , وناس تانية بتصفق بحرارة لإبداع فودافون فى الإعلان .. وحرية الفكر .. وكلام كتير ممكن نردده فى غير مكانه , لكن الغالبية كانت بتعبر بشكل كويس ومتحضر.

و أكتر واحد لفت إنتباهى .. دردوش .. أيون .. دردوش .. عشان هو مش قال لأ و بس .. لكن قال نعمين

زى ما طالب بحقه بتحضر و بشكل لائق تماما , شكر القائمين على الشركة وقدم نصيحة لكل من يريد أن يعبر عن رأيه بألا يتجاوز الخطوط الحمراء و يهين الناس.

تحية لدردوش من القلب

و أشكر فودافون إيجبت على إستجابتها لرأى الجمهور .. حتى لو كان هذا لحماية مصالحها فى المقام الأول و الحفاظ على عملاءها وسط المنافسة الشرسة فى هذا القطاع .

كل عام و أنتم بخير

2010-11-14T05:56:00.001+02:00

أهنئكم بعيد الأضحى المبارك, و أسأل الله أن يبارك لكم فى مالكم و أهلكم و يستجيب دعائكم

***

أفتكر فى نفس الوقت ده السنه إللى فاتت , إزاى كان شعور العيد مختلف تماما عن أى سنة فى عمرى , كنت السنة إللى فاتت وحيد تماما , بينى و بين أقرب الناس لى مئات الكيلومترات تفصلنى عنهم , وقتها شعرت بقيمة الأسرة , وبقيمة الأصدقاء , ووقتها عرفت الفرق بين الدفء و البرودة .

و سألت ربنا إن السنة دى يكون عيدى مختلف , و أكون فيه سعيد .. سعيد بالدفء و الألفة و سعيد بوقتى مع من أحب.

و أحمد الله على أنه استجاب دعائى

***

عشة الفراخ

2010-10-09T08:22:00.034+02:00

سألت نفسى سؤالا

ماذا تفعل القروية عند الإمساك بدجاجة ؟ كيف تتغلب على فرق السرعة ؟ و سهولة الحركة و المرونة التى تكون دائما فى صالح الدجاجة ؟

فى البداية تدخل السيدة القروية على العشة .. تنادى على الدجاجة مصدرة أصوات توارثتها الأجيال .. دون دراية حقيقية بمصدرها ولا بفاعليتها,ربما تكون أصوات اعتاد قدماء المصريون على إصدارها للنداء أو ربما كانت هذه الأصوات فى يوم من الأيام بإحدى اللغات الميتة اسما للدجاج, لكن كل هذا لا يخطر على بال القروية البسيطة. تنادى على الدجاجة و تقول لها " متخافيش .. تعالى هنا بس" إلا أن الدجاجة تستمر فى المراوغة .

هنا تبدأ السيدة القروية فى إستغلال ذكاءها الفطرى .. تمسك بالقليل من الطعام و تشير به للدجاجة ... وهنا تسقط الدجاجة فريسة للفخ و يقع المحظور.

إلا أن هذه الحيلة البارعة أحيانا ما تفشل .. إما لخوف الدجاجة من السيدة فلا تقربها .. أو ربما ببساطة لعدم شعورها بالجوع .. قد نظن هنا أن الدجاجة قد انتصرت , و أن القروية ستمضى بسهولة بحثا عن طعام أخر لهذا اليوم. لكن هيهات.. دائما ما تنتصر القروية فى هذه المعركة .. مازال فى جبعتها الكثير و الكثير , تفكر القروية أكثر و أكثر .. بماذا تتميز الدجاجة ؟ بالشباب و الحيوية ؟ بالسرعة ؟ بصغر الحجم ؟ هنا تنادى بحنجرة تغذت بالسمن البلدى" يا صميدة .. تعالى هاتلى الفرخة دى .. إنت يا وله .. إنت روحت فين ؟"

هنا يأتى صميدة لينهى المسألة فى دقائق .

ولأن باقى الدجاج ترك الدجاجة فريسة سهلة .. ظنا منه أنه بهذا قد نجا من موت محقق كاد أن يلحق به , يأتى اليوم الذى تنال فيه كل دجاجة بالعشة نفس المصير.

أسأل نفسى سؤالا ؟ هل ما حدث لإبراهيم عيسى يرتبط بشكل أو بأخر بتلك الحكاية ؟

من فى هذه القضية يمثل السيدة العجوز السمينة؟ من يمثل صميدة ؟ الأهم هل إبراهيم عيسى مسلوب الإرادة كما فى حالة الدجاجة ؟

هل مستوى الحرية الذى نعم به فى بضع السنوات الماضية كان فقط نوعا من الحرية المحكومة ؟ و نزعها كان مجرد وقت ؟

هل عجز النظام المتزايد أمام الكثير من القضايا دفعه للعودة إلى نقطة الصفر فى مجال الحريات .. ربما لتأمين انتقال صامت للسلطة و تحويل الجمهورية إلى نظام الملكية مرة أخرى ؟ ولكن هذه المرة تنتقل لفلاح مصرى و ليس لسليل عائلة محمد على العثمانية فى عهد ما قبل الإنقلاب(الثورة) ؟

ربما نحن أمام بداية حكم ملكى .. فكما كتب فى التاريخ أن محمد على وقف على باب بيته و الناس تطالبه بتولى حكم مصر .. وقبل على إستحياء .. سيأتى من يقول أن الناس وقفت تترجى ولى العهد الحالى لتولى الحكم !!!!

هل ما حدث هو فعلا صفقة بين الوفد و الحكومة نظير بعض المقاعد فى مجلس الشعب ؟

سمعت أحدهم يقول ساخرا " ليه بس مبارك معملش الضربة الجوية على مصر و حكم اسرائيل 30 سنة " أشعر بالقشعريرة تسرى فى أوصالى بمجرد التفكير فيما قد يحدث لإسرائيل حينئذ!

هل ما يحدث مع عمرو أديب و إبراهيم عيسى هو رسالة صامتة من النظام للشعب بأنه لا تراجع و لا إستسلام عن فكرة أصبح الحديث عنها أمر معتاد و الإعتراف بها أمر ملتوى ؟

السؤال الحقيقى هو .. لماذا قرر النظام اسكات أصوات المعارضين بهذا الاسلوب الفج ؟ هل أخذ الضوء الأخضر من أمريكا ؟أم أنه فقط يحصد جائزته بعد دوره البطولى فى عودة المفاوضات بين اسرائيل و الفلسطينيين؟

هل لأبيات الشعر الرائعة لجاهين أى علاقة بنا ؟

إقلع غماك يا تور وارفض تلف
اكسر تروس الساقية واشتم وتف
قال بس خطوة كمان .. وخطوة كمان ..
يا اوصل نهاية السكة يا البير يجف
عجبي!!

همممم

2010-09-30T08:34:00.001+03:00

لا أعرف ماذا حدث, بمجرد أن اتخذت قرارا بالكتابة عن شىء مبهج توقفت عن الكتابة !لم أجد ما أتحدث عنه , هل لأنى لم أعد أعرف شيئا مبهجا فى حياتنا لأتحدث عنه ؟ لا أظن هذا و إلا فلم لم تنقطع الإبتسامة فى وجوه الناس ,لتمتزج مع علامات وخطها الزمن على جباههم من الشقاء و التعب و الحزن الدفين؟ أم توقفت لأنى وجدت كتابتى لا يمكن أن تخرج إلا لتعبر عن شىء أشعر به وليس شيئا أقرره !

السؤال هو .. ما الذى يحافظ على الإبتسامة فى وجوه أشقى الناس ؟ هل هذا جزء من قدرة الإنسان على البقاء ؟ جزء من طاقته الدفينه التى تبقى على ما تبقى من نور داخله ؟ أم هى حالة من الإنكار يدخل فيها محاولا خلق جو ينسى فيه همومه الحقيقية ؟

لابد من أن البهجة و الشقاء متلازمان .. ما يحدث هو أن يزداد أحدهما على حساب الأخر و سرعان ما يعود الضعيف قويا و يتغلب على ضعفه فلا يبقى للمشاهد سوى صورة باهته تشبه أمواج البحر المتلاطمة.

هل أنا سعيد ؟

نعم .. ولم لا ؟ لكنى أشعر بالرضى فى دائرتى الصغيرة , لكن كلما اتسعت الدائرة يقل الشعور بالرضا , لو أن متطلباتى فى حدود حاجاتى الأساسية من الطعام و الشراب .. فأنا من أسعد الناس , لكن الدائرة يجب أن تتسع أكثر .. لو زاد عليها المال و الغنى , تجدنى سعيدا ملىء بالطموح لغد أفضل , لو شملت الراحة و سبل الرفاهية كإمتلاك سيارة أو شراء ملابس باهظة الثمن قد تبدأ سعادتى بالإهتزاز فالطموح و التطلع للأفضل لا يتوقف .. أما لو اتسع تفكيرى للبحث فى امور أخرى كحاجتى لوطن قوى يشعرنى بالأمان أو عمل مريح بلا متاعب يومية , أو حتى جوا صافيا صحوا .. هنا قد تجد السعادة تقل شيئا فشيئا .. وهنا يبدأ التفاوت بين الناس

فالذى لا يجد قوت يومه هو بالتأكيد إنسان تعيس .. من لا يجد المأوى أو الملبس أو حتى حنان الأم و إحتواء الأب لن تجد عنده الكثير ليسعد به,ومن لا يملك سيارة قد تجده أسعد من أخر يملكها ولا يقنع بها , قد تجد أخر تعيس لحال البلد و فى نفس الوقت ستجد من يجد البلد فى أفضل حال.

ما الذى يحدد كل هذا ؟ حقيقة لا أعرف .. هل هى القناعة ؟ أم عدم وضوح الرؤية ؟ هل سعادة الفقير نابعة من عدم إكتراثه للمزيد؟ لا يمكنك تحديد سبب واحد لهذا .

لو سألت رجل دين سيقول لك

السعادة مثلها مثل أى شيء أخر هبة من الخالق عز وجل يهبها لمن يشاء و ينزعها ممن يشاء,قدرها له فى رزقه قبل أن يولد .

ولو سألت يساريا لقال لك

السعادة تتحقق لو حققت المساواة بين الناس فى كل شيء .

ولو سألت رئيس الجمهورية سيقول لك

السعادة تتحقق معى فقط!!!!!!!!

انظر لها من أى منظور تحب .. لكن حاول دوما أن تبقى سعيدا من داخلك , اترك همومك ولا تحملها أينما ذهبت ... تخلص منها فى أقرب فرصة و احتفظ دوما بالتفكير الإيجابى القادر على تغيير الواقع و اترك التفكير السلبى لأنه سيمنعك من التقدم .

هات جنيه

2010-09-04T23:21:00.000+02:00

الكلام عن الفساد فى مصر .. يشبه شخص أعطى ظهره للجبل .. ثم اتهم كل من يشير للجبل بالكذب و التحريض و الإدعاء, بل إن الحديث عن حجم الفساد فى مصر أصبح بين البسطاء يمثل جزءا أقل مما يمثله الفساد فى الواقع لسبب بسيط.. أن الحجم الحقيقى للفساد أصبح يختبىء فى ثنايا وخبايا خليط طبقة الساسة و رجال المال و الأعمال و تطبيق إستراتيجيات مثل "دارى عليا و أدارى أنا عليك".

ولو سألنا نفسنا إيه وصل الأمور لهذا الحد.. مش حنلاقى خيط نبدأ منه .. تراكمات سكتنا عليها بسلبيتنا وصلتنا لحد هنا .. تعالوا نسمع حكاية المواطن أ.م إللى بيقدم ورقه للجيش و بيعمل ورقة الفيش الرباعى (وده زى الصحيفة الجنائية بياخد فيه البصمة بس خاص بالجيش )

المواطن دخل المكتب ..يحمل شنطة على كتفه و مرتديا نظارة ذهبية اللون.. وجد أمامه رجل يجلس على مكتب و يقف أمامه مواطن يعطيه أوراقة .. مد المواطن يده داخل جيبه و أخرج ورقة نقدية .. سأله الرجل .. إنت تبع قسم إيه ؟ قال له المواطن .. أنا مش من هنا بس كل سنه و إنت طيب بقى !! ثم أعطاه الورقة النقدية لزوم العيدية .. قبل الرجل الورق بدون أى تعبير على وجهه ثم أشار له ليأخذ دوره حتى يتم الإجراءات

دخل المواطن أ.م على الرجل الجالس

أ.م: السلام عليكم

الرجل: وعليكم السلام , كل سنه و إنت طيب

أ.م: و إنت طيب

الرجل: خير ؟

أ.م: خير إن شاء الله .. جاى أعمل فيش رباعى

الرجل: عايزة ليه ؟ ( و دى تيمه محفوظة عند موظفين الحكومة .. لازم يكلكعلك الموضوع عشان تفهم إنه بيقبل الرشوة و معندوش مشكلة بس المواطن بتاعنا كان عنده مشكلة)

أ.م:الفيش الرباعى حضرتك مش بتاع حاجة غير الجيش .. حكون عايزة ليه؟

الرجل متجاهلا النبرة المتصاعدة : الشنطة إللى معاك دى فاضية ولا إيه ؟

أ.م: لا فيها ورق

الرجل بإبتسامة صفرا:شكلك يا بيه مش فاهمنى

أ.م: لا أنا فاهمك كويس

الرجل: طب هات 2 جنيه

أ.م: إتفضل

الرجل: روح المكتب إللى هناك ده

طبعا الراجل عند المكتب إللى هناك متابع إللى تجرأ و رفض يدفع الإتاوة مضيعش وقت

الرجل:هات جنيه

أ.م:إتفضل

مسك إيده بكل رقة و رسم لوحة سيرياليه على الفيش و بهدله إيده حبر و بعدين قاله هات جنيه

أ.م: بتاع إيه ؟

الرجل: بتاع الرابسو

يخرج أ.م منديل معطر و يمسح يده قائلا: معايا منديل شكرا

الرجل: برضه هات جنيه(ببجاحه)

أ.م: إتفضل

الرجل هنا المفروض يقول ل أ.م ما يفعله لاحقا: مع إنى مش المفروض أقولك يا أستاذ لكن ...

يقاطعه أ.م بنفاذ صبر:خلاص متقولش

يدير ظهره للرجل و يخرج من الحجرة , طبعا أ.م كان يعرف مسبقا ماذا يفعل بعد ذلك لهذا لم يبالى بترك الرجل

الحكاية ليست من نسج خيالى .. بل واقع حدث بدون أى تحبيش أو تغيير

نلاحظ هنا عده ظواهر جديدة ,فمثلا بعد أن كان الموظف الحكومى هو الشخصية المطحونه المغلوبة على أمرها التى تفتح الدرج على إستحياء فى السر ,أصبح الموظف الحكومى رمزا صغيرا للإستبداد السائد فى مصر , كأنه تفريغ لشحنه قهر على من هم دونه أو من يحتاجون جهوده الجبارة

أصبحت الرشوة إتاوة على المواطن أداؤها و هو صاغر لهم وإلا فالويل والتعطيل له.. و عمل الموظف الحكومى أصبح خدمه -بعد أداء الإتاوة- يؤديها ولم تعد واجبا عليه تنفيذه بكل ضمير.

بعد أن كان المواطن أحيانا يعطى المال على سبيل المساعدة أو المكافئة بعد حصوله على خدمته كتعبير عن الإمتنان أو إعطاء الحلاوة مثلا .. أصبحت تؤخذ قسرا من الشخص نظير عدم إيقاف المراكب السائرة .

و السؤال .. ما هو دورنا ؟

تخيل معي الأتى .. أنت الأن فى ألمانيا أو إنجلترا أو أى بلد أوروبى

دخلت مكتب حكومى لطلب خدمة ما .. فوجئت بالموظف يطلب رشوة نظير أداء خدمة لك .. مثلا ينقصك ورقة و هو سيتجاهل هذا و يكمل الإجراءات نظير مبلغ من المال .. طلبت الشرطة .. جاءت و إعتقلت الرجل

س1- هل ستأتى الشرطة فى مصر إذا طلبتها ؟

س2-لو جاءت هل ستأخذ إجراء ؟ أم ستتعامل بسلبية ؟

س3-لو حررت محضر .. و إتضح أن الموظف قريبه مستشار فلان الفلانى .. أو العقيد علان الفلانى .. هل سيأخذ كل ذى حق حقه؟

س4-هل أنت إيجابى لدرجة أنك ستطلب الشرطة أصلا ؟

س5-هل سترد الشرطة على التليفون ؟

و عجبى يا مصر

2010-08-27T11:19:00.000+02:00

صعب على الواحد إنه يتكلم عن وطنه و هو مكسور الجناح

لكن وطننا بقى مكسور الجناح

مالهوش كبير ولا ليه مقلاع تاخده الرياح

بناسه مش بإيد الإحتلال

بإيد وزير كان أو محتال

لما يبقى عندك كل عام 700 ألف رحال

عايز يسيب البلد و هى على ده الحال

مين يعمر .. مين يغيرها من حال لحال؟

لما كنا زمان بنلعب

كانت البلد حالها بيقلب ..

كانوا فين ؟ ومين خلاها تقلب ؟

الحمل زاد و الحلو راب

مين إللى يسعد قلب شاخ ؟

فين زمان و أيام زمان ؟

لما كان المصرى يقول أنا و كله يشاور

لما كان كان الغرب يشاور و يتحاور

حنعمل إيه فى المارد؟

لما كان الغادى والرايح

بيشوفها أمه و يهتفلها من كل قلبه

فين عيالك دلوقتى منك ؟

مين بيهتفلك؟

مين يديكى شربة مية تروى عطشك ؟

لما أولادك يدبحوكى والسكين بدمه و يقولوا بنحبك ؟

يبقى مين حيقفلك و يداوى جرحك ؟

( М€ŝЋМΣŞĦ 27/8/2010)

inspired by

يا مراكبى

القاهرة التى تلهمنى

طبيب ؟؟ يعنى إيه طبيب ؟

2010-08-14T23:18:00.000+02:00

المشهد الأول:

استيقظ محمود فى ذلك اليوم , وبدأ كالعادة فى النظر إلى تلك البقعة الأخذة فى الإتساع بالسقف, إلتقطت أذنه صوت الشيخ المنشاوى يأتى من محل الطعمية أسفل المبنى .. نظر فى الساعة وجدها تقترب من الظهيرة, تعجب من الصمت الذى يغلف المنزل .. لماذا لا يسمع والدته تناديه كما اعتادت .. تطلب منه الإستيقاظ لتناول طعام الإفطار ؟

إعتادت الحاجة _هكذا يحب أن يناديها_ أن تتجادل معه كل يوم من أجل الإستيقاظ مبكرا .. و إعتاد هو أن يذهب من حجرة لحجرة حتى يتسنى له سرقة لحظات من النوم فى غفلة منها .. أين كل هذا اليوم ؟

نزل من السرير و ذهب لحجرتها .. وجدها نائمة , تركها وحاول عدم إصدار صوت , إنها فرصته سيذهب ليعد لها طعام الإفطار , ثم يوقظها.

توجه إلى المطبخ .. و أعد بسرعة إفطارا , ثوجه لحجرتها , مد يده يهزها مناديا " إستيقظى يا حاجة "

***

المشهد الثانى:

يتعالى صوت سيارة الإسعاف وهى تقترب من ذلك المستشفى الشهير بالإسكندرية , وسط سيل السيارات المزدحمة .. لم يبذل أى من قائدى السيارات المحيطة جهدا حقيقيا للإفساح لسيارة الإسعاف .. مما اضطر السائق للسير فى الإتجاه المعاكس حتى وصل لمدخل المستشفى .. نزل محمود منها و جرى نحو قسم الطوارىء بحثا عن طبيب .. ثم إصطحبه مسرعا وهو يشرح له حالة أمه, كان رجال الإسعاف فى هذا الوقت قد نقلوا أمه إلى داخل المستشفى ,كانت شاحبة و فاقدة للوعى .

***

المشهد الثالث:

يقترب الطبيب من محمود و بيده نتيجة التحاليل

-" والدتك السكر لديها مرتفع جدا .. وصل إلى 475 .. لقد دخلت فى غيبوبة سكر وحالتها غير مستقرة "

-"ماذا ؟ أمى لا تعانى من مرض السكر .. ماذا تقول ؟"

-"حسنا .. فى بعض الأحيان لا يعرف المريض أنه يعانى من المرض إلا إذا حدث شيء يرفع السكر .. فى حالة والدتك أظن أن إرتفاع درجة الحرارة هو السبب.. يؤسفنى أن أبلغك ... لا يمكن للمستشفى إستقبال هذه الحالة"

-"ماذا ؟ أرجوك يا دكتور .. لا يوجد مكان أخر نذهب إليه .. لا تقلق بخصوص التأمين .. سأدفع كل ما تطلبونه"

-" أسف .. لكن هذه سياسة المستشفى.. لا يمكننا إستقبال هذه الحالة"

***

المشهد الرابع......الخامس ...... السادس

-" لا يمكننا إستقبال هذه الحالة"

***

المشهد السابع

تدخل السيارة المستشفى الميري .. المستشفى الوحيد الذى قبل أن يستقبل أمه .. لا يعرف محمود لماذا يصر الجميع أن يناديها بإسم " الحالة " ؟

يأتى إليه طبيب صغير فى السن .. يسأله بلا أى إنفعالات .. " الحالة دى مالها ؟ " يجيبه محمود " أمى فى غيبوبة سكر .. و لا توجد مستشفى تريد إستقبالها .. أرجوك افعل شيئا "

ينظر له الطبيب دون أن يرد .. ثم يأمر ممرضة بأن تقيس الحرارة لها , تلتفت له الممرضة وتقول " حرارتها 41 يا دكتور .. أنا بقول ننقلها الحميات أحسن " . هنا بدأ محمود بالبكاء قائلا " أرجوك يا دكتور .. أمى لن تتحمل أن تنتقل هكذا بدون أى رعاية .. أفعلوا أى شيء أرجوكم "

***

المشهد الثامن

قسم مرضى السكر و الروماتيزم بالمستشفى .. يتكون القسم حجرة كبيرة تقارب مساحتها ملعب تنس أو أكبر قليلا .. ممتلئة بالأسرة المتجاورة , يجلس محمود على طرف الفراش .. و حوله أقاربه .. بينما يرقد فى الفراش المقابل جسد سيدة فى النزع الأخير .. تعالى بكاء إبنها مما زاد من صعوبة الموقف , تبادل الموجودين بالقسم النظر إلى هذا السرير و تباينت ردود فعلهم .. بعضهم بدا عليه الجزع .. خوفا من أن يلاقى نفس المصير .. و البعض بدا عليه التعود على هذا .. نظر محمود إلى رجل جالس على سرير قريب له .. وكأن هذه النظرة كانت إيذانا ببدء الحديث .. وجه له الرجل الكلام قائلا " هذه رابع حالة وفاه منذ أمس , الغلابة إللى زينا ملهومش غير ربنا يدعوله , أنا محتاج علاج على نفقة الدولة .. والدولة مشغولة تسفر الوزرا بتوعها يتعالجوا فى أوروبا, أما الغلابة إللى زينا متجوزش عليهوم غير الرحمة"

***

المشهد التاسع

تنادى الممرضة على محمود .. يذهب إليها متلهفا لأى خبر جديد , تناوله مقياس حرارة .. ينظر لها نظرة إستفهام , تقول له وهى تدون شيئا بالدفتر حط الترمومتر ده فى بق مامتك و سيبه دقيقتين كدة و جيبه تانى "

***

المشهد العاشر:

-"أرجوك يا دكتور .. أريد نقل أمى من المستشفى , لأى مستشفى أخرى"

-" لن تقبلها أى مستشفى أخرى .. المستشفيات الخاصة لا تقبل أى حالة غير مضمونة "

-" ما معنى هذا ؟ أين أنقلها إذن ؟ الرعاية الطبية هنا غير أدمية بالمرة , أريد نقلها على الأقل فى غرفة خاصة ."

-" لن تحصل على أى رعاية أفضل لو دفعت مقابل نقلها لغرفة خاصة .. نصيحتى لك حاول أن تتقبل الأمر الواقع ,لا يوجد ما يعيب هذه المستشفى سوى الروتين.. أما الرعاية الطبية فهى الأن تحت إشراف أفضل أطباء الإسكندرية .. هذه المستشفى بها أفضل دكاترة كلية الطب "

-"أنا لا أري سوى طلبة تتدرب على المرضى .. أين الرعاية التى تتكلم عنها ؟ حتى الممرضة تنادينى لكى أقيس الحرارة لأمى ؟ أى روتين هذا الذى تتكلم عنه ؟"

***

المشهد الأول

استيقظ محمود فى ذلك اليوم , وبدأ كالعادة فى النظر إلى تلك البقعة المتسعة بالسقف, إلتقطت أذنه صوت الشيخ المنشاوى يأتى من محل الطعمية أسفل المبنى .. نظر فى الساعة وجدها تعدت وقت الظهيرة, كان الصمت يغلف المنزل .. لماذا لا يسمع والدته تناديه كما اعتادت .. تطلب منه الإستيقاظ لتناول طعام الإفطار ؟

إعتادت الحاجة _هكذا كان يحب أن يناديها_ أن تتجادل معه كل يوم من أجل الإستيقاظ مبكرا .. و إعتاد هو أن يذهب من حجرة لحجرة حتى يتسنى له سرقة لحظات من النوم فى غفلة منها .. أين كل هذا اليوم ؟

نزل من السرير و ذهب لحجرتها .. نظر إلى السرير الخالى .. رأى إنعكاس صورته على المرآة المقابلة .. ذقنه الغير حليقة .. ملابسه الرثة .. نزلت دمعة من عينه .. وأغلق الباب

مادة 212

2010-08-02T18:16:00.002+03:00

السجاير

2010-07-28T16:50:00.001+03:00

بعتذر أولا عن الإبتعاد عن التدوين الفترة إللى فاتت, كنت مشغول جدا, و خصوصا إن الأيام دى عايش لوحدى ومضطر أعمل كل حاجة لنفسى بنفسى, يعنى مثلا الكام يوم إللى فاتو كنت بغسل الطبق إللى باكل فيه .. حاجه كدة ولا فى الأحلام, و بما إن علاقتى بالأكل علاقة تشبه القطب الشمالى بالشمالى أو الموجب بالموجب أخوه .. فطبعا كان لازم كل الأكل يتخزن فى الديييب فريزر قبل ما أُترك وحدى بالمنزل ولهذا السبب بالذات وجدت الوقت الكافى الأن للكتابة ... على ما الأكل يسخن .. تعالوا اتفضلوا معايا بالهنا والشفا.

حكتب عن طريقة جديدة للإقلاع عن التدخين, الطريقة دى تعتمد أولا على شرطين :

الشرط الأول إنك حترجع تانى للتدخين

الشرط التانى إنك لو مرجعتش للتدخين يبقى الطريقة مش هى السبب أكيد فى حاجة جدت

الموضوع ببساطة إنى كنت قاعد مع جماعة(لأ مش إخوان مسلمين) وواحد فيهم عزم على التانى بسيجارة لقيت التانى بيقوله .. أنا مش بدخن خلاص, بقالى 3 أيام , انا سمعت الكلمة و فرحت بصراحة , حرام الواحد يضيع صحته على السجاير.

المهم واحد سأله إنت حاولت تبطل قبل كدة؟ رد عليه وقاله أنا بعمل الموضوع ده كل فترة !!!- آه هنا بقى الموضوع بدأ ياخد شكل منحنى, يعنى إييه ؟ يا فرحة ما تمت- بدأ يفسر بقى الفكرة بتاعته , قال أنا باجى كل فترة و أقول أنا حبطل 3 أيام .. و أقوم حالف إنى حبطل 3 أيام عشان بالحلفان ده أشيل فكرة التدخين من دماغى .. هو ليه الواحد لما بيخش الجامع مبيفكرش انه يدخن ؟ ولا فى صلاة الجمعة ياخدله سيجارة؟ عشان هو عقله عارف إنه مينفعش .. فبيشيل الفكرة من دماغه خالص .

بصراحة هى فكرة غريبة عليا , بس فى مثل بيقول .. نص العمى ولا العمى كله , هو بالشكل ده ممكن تصدف معاه مرة و يبطل فترة و يقول مش راجع تانى للتدخين .. ولا أنتو إيه رأيكو ؟

يالا الأكل خلص خلاص , اتفضلوا معانا

البشر

2010-07-01T05:20:00.001+03:00

أنا قابلت بشر كتير , من أماكن كتير فى مصرنا المحروسة .. لكن واحد لفت إنتباهى أكتر من أى حد , إنت ممكن لو عديت على واحد عمل حاجة كويسة متاخدش بالك .. لأن جزء من عقلنا بيعتبر الأصل فى السلوك هو إنك تعمل الصالح من الأعمال لكن لو قابلت واحد عمل معاك تصرف مخالف للمتوقع.. بيعلق فى ذاكرتك... أنا قابلت الشخص ده, إللى علق فى ذاكرتى!

الشخص ده على وجه التحديد كان على النقيض تماما لكل حاجة حلوة عرفتها.

ممكن تقابل واحد كداب؟
طب واحد شايف نفسه بيفهم وكل إللى حواليه حمير مع إنه مش فاهم حاجة فى أى حاجة ؟
طب واحد بيحب يظلم بهدف تحقيق الذات و يدوس على الضعيف من باب إنه يقدر يدوس ؟
طب واحد يكدب فى وشك ويقول كلام على ناس محصلش .. مش كلام عادى لأ كلام يودى علاقتكم فى داهية, يقول مثلا فلان قال عليك إمبارح إنك إنت إللى بوظت كذا .. أو فلان قال إنت إتكلمت عليا إمبارح و قولت كذا وكذا؟
طب قابلت واحد عنده عقدة إضطهاد مركبة على حبة غرور؟
عمرك شوفت واحد أخوه جاله سرطان و حب يسافر يشوفه.. جه ياخد إذن من الشخص ده يقوله الشخص ده بالحرف الواحد "الإخوات قرابة درجة تانية ؟" بعدها بإسبوع أخوه مات من غير ما يشوفه.. وعلى ما وصل لأهله ملحقش دفنته؟!!!

طب و لو لقيت الشخص ده جبان جدا , يعنى علاقته بأى حد أعلى منه قائمة على مبدأ واحد .. إعمل خدك مداس. وعلاقته بأى حد أقل منه .. دووووس يا معلم. عمرك شوفت واحد بيسرق عينى عينك ويطلب منك تساعده فى السرقة ,لما ترفض يشوه صورتك كأنك إنت إللى واكل حقه؟ شوفت واحد المصلحة بتحكمه وتستعبده؟ يعنى لو مصلحته معاك الصبح و خلصت الضهر يقلب عليك بالليل من غير سبب كأنه بيعوض معاملته الكويسة ليك؟ بلاش ده كله .. عمرك كرهت بنى ادم بكل خلية فى جسمك ؟ مش قصدى تزعل منه , لأ تكرهه بمعنى الكلمة, تشوفه تحس بحاجه جواك كده تخليك مش قادر تبصله؟مش بس عشان كل حاجة وحشة عملها فيك و معاك .. لأ عشان كل حاجة وحشة لسة بيعملها مع ناس حبيتهم وحبوك .. و بتحس مع كل لحظة بتعدى إن إللى بيحصلهم بيحصلك إنت كمان.

و ده كان أول شخص يعلم قلبى معنى الكره!

حدادا على خالد

2010-06-27T01:21:00.002+03:00

مصر 2070

2010-06-21T03:12:00.000+03:00

كنت أشاهد فيلم وثائقى عن الأندلس.. الفيلم نظمته مجموعة تتبنى تصحيح التاريخ الذى تم طمسه فى أسبانيا عقب سقوط غرناطة,تتبنى هذه المجموع بحث أكثر من رائع عن حضارة المسلمين فى الأندلس و علاقتها بأوروبا الحديثة.

لفت إنتباهى مقطع يتحدث عن يوميات أحد علماء الغرب فى تلك الحقبة , والذى ساهم فى نقل المعرفة من الأندلس إلى اوروبا, هذا العالم خرج كعادة ميسورى الحال فى أوروبا إلى فرنسا فى هذا الوقت لتلقى العلم, يقول العالم فى يومياته "لقد وجدت هناك أناس متغطرسون, يدعون العلم ويتباهون بالقليل من المعرفة, يرتدون ثياب العالم لتدارى تحتها جهلهم و ضيق أفقهم, أدركت أن العلم الذى أبغيه ليس هناك, وتوجهت إلى الأندلس..... تعلمت على يد أعظم علماء هذا العصر"

عند عودة هذا العالم إلى أوروبا مع بعض قرناءه .. قرر إقامة قلعة علمية تنشر ما تعلموه فى الأندلس من أصول الفلسفة والطب و الهندسة ومختلف العلوم, هذه القلعة تعرف اليوم بإسم أكسفورد!
كان هذا فى حضارة تباهت أمام العالم أجمع بإنجازاتها فى كل المجالات, الزراعة والطب و الهندسة والمعمار والفن والموسيقى والشعر... حضارة بنيت بالعلم و أكبرت العلماء.

***

عند سقوط القنبلة الذرية على هيروشيما .. كانت اليابان على إستعداد للإستسلام,اجتمع الإمبراطور اليابانى لبحث شروط إستسلامه مع قادته العسكريين, أدركت أن السلاح الجديد من الفظاعة بحيث يمحو مدنا بأكملها فى لمح البصر - كانت جريمة لم يزل مرتكبها طليقا بدون حساب حتى الأن, كدليل حى على أن العدالة الدولية ما هى إلا عدالة مبنية على القوة لا على العدل - ثم تبعتها نجازاكى وسقطت هى الأخرى بعد سقوط القنبلة الثانية والتى أسقطتها أمريكا فقط لتختبر فى تجربة ميدانية تأثير قنبلة مصنوعة من البولتونيوم و أخرى من اليورانيوم(سبب إلقاء القنبلة الثانية كان قياس حجم الدمار التى تحدثه كل قنبلة و أيهما أفضل.. حيث اختارت أمريكا مدينتين متقاربتين فى الكثافة السكانية .. الخ لإجراء التجربة), و استسلمت اليابان بدون قيد أو شرط فى الحال لإيقاف هذا العدو الذى لا يرحم من سفك المزيد من دماء الأبرياء,إلا أنها بدأت حربا من نوع أخر.. حربا جعلها فى بضع سنوات دولة عظمى لا بالسلاح , إنما بالعلم و المعرفة.

لقد إتجهت اليابان إلى التعليم, وجعلته الأولوية القصوى لديها, و أنشأت أجيالا جديدة لم يعهدها العالم , بل ووصل فيها المعلم إلى درجات تقترب من التقديس .. لأنه اللبنه الأولى فى بناء مجتمع سليم... ونجحت

ووصلت اليابان إلى تكنولوجيا هذا السلاح لكنها لم تصنعه ولم تحاول حتى إختباره للإستخدام العسكرى, اهتمت بتطويره و زيادة معدلات الأمان فى المفاعلات النووية حتى أصبحت أحد الأعضاء الدائمين بمجلس الأمن دليلا على أنها رغم الهزيمة أستعادت مكانتها وسط الكبار, السؤال الأن بعد مرور أكثر من نصف قرن على نهاية الحرب العالمية الثانية, كم اسبوعا يلزم اليابان لصناعة ترسانة نووية عسكرية؟ وصواريخ عابرة للقارات ؟ و جيش مسلح بأحدث عتاد يابانى يتفوق على دولا عظمى أخرى ؟

كل هذا لم يأتى من إتباع خطوات أو نقل تجارب من دول أخرى .. بل جاء نتيجة أمران:

الإيمان بقيمة القوة البشرية وتوظيفها و تدريبها وتعليمها على أعلى مستوى

الإيمان بأن تقدم الدول يأتى أولا بتوفير درجة عالية من الأمان و الحرية والعدالة الإجتماعية بحيث يصبح القانون على مستوى الفرد مطبق على درجة عالية من المساواة وحرية الفرد فوق كل إعتبار وحقوق الفرد مكفولة ومصانة .. فيبدع و يتقدم.

لم نسمع يوما عن أفغانستان متقدمة .. أو موزمبيق تخترع دواء جديدا ؟ ما الفرق بينها و بين ألمانيا؟ أو انجلترا؟ بل ما الفرق بين كل الدول العربية و أمريكا أو حتى اسرائيل؟

حتى اسرائيل تطبق الديموقراطية بين شعبها .. وأى مواطن إسرائيلى له الحق فى محاسبة وزير أو رئيس وزراء(هناك رئيس الوزراء له صلاحيات رئيس جمهورية أى دولة عربية) حتى أثناء وجوده فى منصبه!

***

العلم فى مصر 0102

الثانوية العامة.. يتعهد وزير التربية و التعليم أن يدمر الطالب المتوسط و يمحو الطالب تحت المتوسط من الوجود مع تقليم أطراف الطالب العادى و تنكيس الطالب المتفوق تحت مستوى58% حتى يثبت أنه نجح فى تطوير التعليم. وقد تطلب منه لتحقيق هذا عدة مراحل:

-مرحلة أنفلوانزا الخنازير و إلغاء أبواب كاملة من المناهج لمختلف السنين

-مرحلة الإنكار و الإعلان فى الصحف أن مدة الدراسة التى انخفضت لأكثر من النصف فى التيرم الأول لم يصاحبها أى تخفيض فى المناهج و أن الطلبة الأن يتجرعون العلم بمعلقة كبيرة لتعويض الفارق الزمنى.

-مرحلة التفنيش(الفينيش).. ودى مرحلة معروفة لمحترفى مورتال كومبات .. حيث تقوم بعمل حركة قاضية قد تجعلك تلتهم رأس خصمك أو تقسمه نصفين بضربة واحدة.. بالنسبة للوزيرالهمام كانت المرحلة دى هى إعادة كل ما تم حذفة من المنهج ليصبح مقررا على الطلبة فى فترة زمنية قصيرة جدا لا تكفى, وبذلك يضمن أنه مهما كان المدرس الخصوصى معجزا, لن يتمكن من شرح كامل المنهج لطلابه , وبالتالى يضمن أن أعلى مجموع هذا العام مش حيزيد عن خمسة وتمانين فى المية .

مننساش ان ده معناه طبعا ان المدارس مشرحتش هى كمان المنهج كامل .. بس دى كان حلها سهل خالص , ورقة تلف على الطلبة يمضوا عليها أنهم أكملوا المنهج بالكامل فى المدرسة و توته توته فرغت الحدوته.

***

النتيجة؟

مصر 0702

رئيس الوزراء يكتب أسمه بخمس أخطاء إملائية فقط.. تحية لنبوغه الرهيب!!!

الوزير فلان الفلانى .. يفتتح كُتاب جاردن سيتى بعد أن أثبتت التجارب أن العودة للكُتاب هى خير و سيلة للقضاء على الدروس الخصوصية

***
مصر 0102 فيها طلبة فى تالته إعدادى و أولى ثانوى مش بتعرف تكتب إسمها .. السؤال البديهى مش هما نجحوا إزاى ولا مين كان بيزور إمتحاناتهم كل سنه... السؤال البديهى , التعليم فى مصر رايح على فين بالظبط؟
***

الدروس جت قبل المدرس ولا المدرس هو إللى عمل الدروس الخصوصية؟

ياترى لو كان مرتب المدرس 0003 جنيه فى الشهر كان نزل يتمرمط فى البيوت والمعاهد ؟

لوكان المدرس بيروح البيت من المدرسة عشان يرتاح فى بيته من يوم عمل طويل .. كان راح المدرسة تانى يوم عشان ينام فى الحصة بتاعته؟

لوكان المدرس بيخش يشرح فى المدرسة زى ما بيشرح فى الدرس الخصوصى.. و بيوزع على الطلبة ملخصاته عشان يساعدهم فى المذاكرة كان بقى الطالب بيجيب شهادة مرضية مضروبة يزوغ بيها و يقعد فى البيت؟

لو كان التعليم فى مصر بيوفر تكافؤ الفرص ؟ يعنى مثلا يعمل امتحان قدرات لكل طالب, يحدد مواطن قوته و ضعفة, يحتفظ فى المدرسة بسجل تقييم للطالب يحدد كل صغيرة و كبيرة, من أول معدل ذكاؤه حتى الأعمال المناسبة له عندما يتخرج و يبحث عن وظيفة .. لو كان فى أخصائيين اجتماعيين لبحث مشاكل الطلبة التى تعوقهم عن التعليم و تخفض من تقدمهم العلمى , لو كان فى كليات قمة تختار الطلبة بناء على منح المتميزين منهم منح مجانية و الباقى يدفع مصاريف دراسية تستخدم للإنفاق على البحث العلمي للكلية, بدلا من إنفاق القادرين منهم على الكورسات ألاف الجنيهات كل عام لتدخل جيوب المعيدين و الدكاترة ولا تطور من التعليم الجامعى,

لو كان التعليم الفنى فى مصر و المدارس الثانوية الصناعية تدرس منهج عملى يواكب عصرنا الحالى ليخرج لنا فنيين مؤهلين للعمل وإنشاء المشروعات المغذية للصناعات الكبيرة.. أو حتى مؤهلين لعمل أى شىء سوى أن يعملوا سباكين و بوابين فى عمارات جاردن سيتى وكفر عبده.

طب لو كان أى وزير تعليم بيجيى .. بيجيى يشرف على خطة موضوعة على يد خبراء فى مجال التعليم .. يكملها و يتأكد من تنفيذها بكل دقة و يسير على نهج سابقه للنهوض بالتعليم.. بدل ما كل وزير يجي ينبش فى الأرض يطلع الكوز السحرى و يدعكه .. و العفريت يحطلة التجربة الدنماركية عشان يجربها فى عهده إللى بينتهى فى الأخر بكارثه تزيد من عشوائية وتشابك مشكلة التعليم فى مصر

لو كانت الجامعات تقوم بقياس جودة شرح الدكاترة و المعيدين بدون محاباه و إحالة من يقصر منهم فى التعليم إلى العمل المكتبى, وتراقب عن كثب الإنفاق على البحث العلمى داخل الجامعات (إللى ميزانيته حاجة تكسف بجد) و تستفيد من الباحثين الجادين وتوفر لهم الإمكانيات بقدر المستطاع, بدلا من أن يحارب الجيل القديم الجيل الجديد و يسخر من أفكاره الجديدة(طبعا بينتهى الوضع إن كل الدكاترة الجديدة بترجع من حيث أتت لتعمل فى بيئة تقدر و تقيم العقول المتميزة) .

لو كانت المعامل البحثية التى تتبرع بها كبرى الشركات فى مصر لحساب الجامعات الحكومية تفتح للطلبة و المعيدين الجادين , وتحاول بقدر الإمكان الإستفادة من الإمكانيات المتاحة.

لو ميزانية البحث العلمى بقت نص ميزانية الداخلية

لو العشوائية اختفت من قرارات الحكومة

تفتكر كانت تبقى مصر 0702 مختلفة؟

هوليوود

2010-06-09T01:07:00.066+03:00

قرأت عند مدونة من نور مقال بعنوان ترجمة الفيلم السينمائي...إستعدادا لترشيحه فى الأوسكار ..المقالة دى بخصوص نفس الموضوع... السينما.

منذ بداية ظهور فن التصوير السينمائى فى بدايات القرن العشرين, اثار هذا الفن إنتباه وأنظار قادة الصهيونية فى العالم, ولأن اليهود بصفة عامة يتميزون ببعد نظر و حسن تخطيط مشهود له بالكفاءة , فقد أدركوا منذ اللحظات الأولى لتلك الصناعة الوليدة أن مستقبلها شديد الأهمية لهم,فكانوا أول من استثمروا فيها و ببذخ,يكفى أن تقرأوا هذا لتدركوا حجم النفوذ الصهيونى فى آله الإعلام الأمريكية:

How deeply Jewish is Hollywood?

News Corp. President Peter Chernin (Jewish), Paramount Pictures Chairman Brad Grey (Jewish), Walt Disney Co . Chief Executive Robert Iger (Jewish),Sony Pictures Chairman Michael Lynton (surprise, Dutch Jew), Warner Bros. Chairman Barry Meyer (Jewish), CBS Corp. Chief Executive Leslie Moonves (so Jewish his great uncle was the first prime minister of Israel), MGM Chairman Harry Sloan (Jewish) and NBCUniversal Chief Executive Jeff Zucker (mega-Jewish).

للأسف هوليوود كانت ولا تزال منبر للدعاية الصهيونية,بل و مركزا لنشر السموم
نشر ثقافة الإنحلال الأخلاقى
نشر ما تريده الدعاية الصهيونية لتشويه العرب والمسلمين
هذه ليست نظرية مؤامرة بل حقيقة يمكن إثباتها .

ولأنها خلاقة و مبدعة ورائدة فى هذا المجال منذ بدايته,فكل من يريد المنافسة ينافس بناء على قواعدها هى,مؤخرا أصبح الحديث عن تطوير الإعلام فى عدد من الدول,لا يعنى إلا مزيد من الفتيات و قليل من القماش,لماذا؟

لأن الحرية تعنى فى نظرهم الإنتقال لما يفعله الغرب وترك ما وجدنا عليه آباءنا, لأن التطوير الذى يناسبهم ويرضيهم لا يكون إلا بزيادة الإباحية بدعوى أن تلك هى الحرية.. لم ينظروا إلى عواقب ذلك .. ولا إلى الإختلاف النوعى فى بناء المجتمع الغربى عما هو موجود هنا فى الشرق, هناك كوارث موقوته عندهم لا نسمع عنها فى مجتمعنا..و لو تبعناهم ستجد طريقها إلينا, وقد بدأت ظواهر جديدة فى مجتمعهم فى الظهور فى الفترة الأخيرة,مطلقة ناقوس الخطر.

مثلا هل سمعتم عن أب عنده 13 عاما ؟ أو أم عندها 5سنوات ؟؟؟

لو دققنا النظر إلى التغير فى الأفلام الأمريكية سنجد أنها تتحول تدريجيا فى مشاهدها الخارجة من ما يسمى فى تصنيف الأفلام

~~Softcore Pornography~~

إلى

~~Hardcore Pornography~~

مما يعنى باللغة الدارجة التحول من مشاهد إباحية لا تظهر أجزاء معينة من الجسم إلى أفلام بدأت فى تصوير هذه الأجزاء بشكل صريح, يمكن معرفة هذا التحول من مقياس الفيلم الذى يحدد المرحلة السنية التى يمكنها مشاهدة الفيلم.. هذا المقياس يتدرج من أفلام الأطفال .. إلى أفلام لا يقل المتفرج عليها عن 18 عاما .. سواء بسبب مشاهد دموية,أو محتوى إباحى, إخترعوها لكى تساعد الأباء على منع أطفالهم من مشاهدة هذه النوعية من الأفلام لو كانت تحتوى مشاهد غير لائقة, هذا التحور تسير نحوه الآن السينما الهوليوودية و يسير وراءها باقى القطيع,ولكن السؤال .. هل قام القطيع بالتفكير فى أطفاله كما فكر فيه الغرب ؟؟؟؟!!!!!!

مهما كانت درجة حرص الأباء على عدم مشاهدة أبناءهم لأفلام فوق مستوى إدراكهم, أو لا تناسب مرحلتهم السنية .. فوجود هذه الأفلام التى تتحدث عن مواضيع إباحية .. أو حتى تعرض مشاهد إباحية ضمن سياق الفيلم بشكل مفتوح ومتاح للجميع على القنوات الفضائية يجعل أفكار الأطفال فوق مستواهم السنى .. مما يمهد لهم الطريق لإعتياد ثقافة معينة.. ثقافة محرمة!

قد نقول أننا لم نبلغ هذه المرحلة.. نعم .. لم نبلغ مرحلة السينما الأمريكية الأن فى أفلامنا.. لأنها كما قلنا سباقة,لكن وصلنا لمرحلة قريبة..سواء فى المحتوى أو حتى فى المشاهد.. والأمثلة عديدة.

دورة الفيلم فى السينما المصرية .. يبدأ فى السينما مرورا بالديفيدي والفيديو.. ثم القنوات الفضائية... هذه الدورة تأخذ عام إلى عامين حتى يصل الفيلم إلى متناول الطفل.. وإذا كانت الرقابة صارمة .. فهى لن تتحكم فيما تقع عينا الطفل عليه طوال الوقت.. ولا ما يسمعه بأذنيه.. وعندما يكبر قليلا .. تكون هذه المواضيع معتاده عنده .. وتصبح شخصيته ممهده للتفكير فى أمور لا يزال أمامه طريق طويل قبل أن يحين وقتها.

أعتقد أن ما فكر فيه صناع السينما الأميريكية و أرادوه عند بدء عصر السينما هو فرض ثقافتهم على العالم .. وقد نجحوا في ذلك .. أن ينشروا أى رسالة يريدون ويفرضوا هذه الصورة بغض النظر عن صحتها من عدمه و يقنعوا العالم بأن ما يقدم لهم هو العسل الصافى المحلى.. ويشرب العالم السم وهو سعيد .. وقد نجحوا فى ذلك.

لو حللنا مثلا موضوع الشذوذ الجنسى ومناقشته فى السينما نجد مناقشة هذا الموضوع عام 1993 فى فيلم
Philadelphia

يختلف تماما عن وضعه كأمر واقع فى أفلام 2010 مثل
I Love You Phillip Morris
وظهور شخصيات رئيسية فى الأفلام تتحدث عن هذا الأمر كشىء طبيعى ..كأنك تتحدث عن أحد حقائق الحياة.. والغريب أن أى شخص عربى شاهد عام 1993 هذا الفيلم استنكره تماما بل وتعجب من جرأة صانعه.. ولكن لو شاهدت مشهد الأن فى عام 2010 يتحدث عن هذا ستقول.. ما هذا السخف!! وتكمل المشاهدة على الرغم من أن فيلاديلفيا لم يصور مشهد واحد خارج طوال الفيلم ,و هذا هو جوهر نجاح هوليوود.

الأمل

2010-06-05T23:40:00.002+03:00

تتلاحق أنفاسه .. يشعر بالجوع المتوحش للأكسجين .. يعدو مرغما رئتيه على إبتلاع المزيد .. تخور قواه شيئا فشيئا.. يستشعر الخدر يسرى فى جسده ..بدأت عيناه تصطبغ بلون وردى ..بدأ يفقد إحساسه بما حوله لكنه يواصل العدو.

منذ متى يعدو؟ لا يعرف لكنه لا يهتم , سيواصل مهما كان الثمن ,بدأ يستشعر نصلا حادا فى صدره , يتحسس مكان الألم بحثا عن سكين وهمى يريد أن ينتزعه .. يريد أن يتخلص منه,لا يجد مقبضه , يدمى جرحه بدون نزيف, لن يتوقف الأن لا يمكنه التوقف , سيستمر ويقاوم.

يرخى رأسه أثناء العدو, يشعر كأنها أصبحت عبئا عليه,يغمض عيناه محاولا تركيز كل طاقته فى العدو , يفتحها فقط ليتبين طريقه, أصبح لا يسمع سوى صوت أنفاسه اللاهثه, لا يبالى ,يحاول الحفاظ على إنتظام أنفاسه على الرغم من إرهاقه, يستشعر الأن بصدره كأنه حمل ثقيل , يرفعه بكل ما أوتى من قوه ليسمح للهواء بالدخول لإنعاش خلاياه المتهالكه, يزفر الهواء الساخن كاللهيب وكأنه لاعب رفع أثقال يلقى بحمله على الأرض , لكنه يبحث من جديد عن الهواء , يسحبه بكل قوه داخله كأنه يروض ماردا جبارا.

يذكر نفسه بعواقب الإستسلام,وكأن هذا إكسير النشاط جرعه مرة واحدة.. يرفع رأسه مرة أخرى,يعدو بقامة مرفوعة كأنه بدأ الجرى منذ وقت قليل, يشعر بالدماء الحارة تجرى بداخله,تغذى خلاياه وتمنحها الحياه.

تصدر ساعته رنينا متصلا , منذرة بنهاية التدريب .. يتوقف عن العدو .. يحنى رأسه لأسفل وترتج مع حركته الشحوم المتراكمه

يلتقط أنفاسه

لقد أنهى أول خطوه فى طريق التغيير.. ينظر أمامه يتطلع لشروق الشمس تولد من داخل مياه البحر,إيذانا ببدء يوم جديد

و يبتسم فى ظفر

***

لما شوفت فيلم توم هانكس
cast away
شدنى مشهد خلع الضرس إللى كان مجننه , أيامها سألت نفسى , هو ليه الناس مش بتحب دكاترة الأسنان ؟

أيامها كنت كل إللى فاكره عن دكتور الأسنان هو خلع الأسنان اللبنية عديمة الجذور بتاعة زمان , ولأنى أيامها كانت أسنانى بومب و عال العال , مجربتش متعة الجلوس على كرسى الأسنان و العمل بدون بنج على أسنانى بإستمتاع يذكرنى بالنازية فى أزهى أيامها

أنا مش عارف ليه دكتور الأسنان إللى بروحله بيحب يشتغل من غير بنج .. ولا حتى بنج موضعى , لدرجة إنى يوم ما جيت أخلع ضرس العقل .. وبناء على خبرتى فى التعاملات السابقة دار بيننا الحوار التالى

الدكتور( بيشرح الروشته) ........................... و متنساش يوم العملية إن شاء الله تاخد الصبح قبل ما تيجي كاتافاست

catafast

بصيتله بذهول و قلتله هو حضرتك مش ناوى تدينى بنج وانت بتخلع ضرس العقل ولا إيه ؟

بصلى بإستغراب شديد و قالى لا طبعا العملية دى لازملها بنج

أه .. كده الفار إبتدى يلعب ,حبيت أعرف سبب الحنية الزايدة دى , فسألته عن الأشعة إللى عملهالى , قالى أصل الضرس بتاعك لسه مطلعش(محشور فى اللثه) بين عضمة الفك و الضرس إللى قبله حسيت إن الموضوع روتينى و إطمأنيت شوية ( طبعا فهمت بعد العملية إنه إضطر يحفر و يجرى البحث عن الضرس المختفى داخل اللثة قبل خلعه مما أدى لظهور مدقات و حفر إستغرقت وقتا طويلا للشفاء , ده طبعا بعد فك الخياطة إللى تخلفت فى فكى بعد العملية ... وده سبب إنه عطانى بنج )

و من ساعتها و أنا بقنع نفسى إن أسنانى بخير و مش محتاج دكتور سنان تانى

إدعولى بس متقعش بيا الطيارة فى الجزيرة بتاعة توم هانكس و أضطر أخلع الضرس بكعب حذاء تزلج على الجليد

***

الفيديو ده لازم تشوفوه

الأتوبيس

2010-06-04T05:25:00.042+03:00

حياة المدون كحوض أسماك.... التدوين هو الأكسجين الذائب فيه

***

مرت أكثر من ثلاث سنوات منذ أخر تدويناتى, شعرت بكل لحظة تمر كأنها سنوات لكن ها أنذاعدت من جديد لأصيب كل من يمر هاهنا بالملل, اصطحبوا معكم أى حاجة تسليكم لحد ما تخرجوا من هنا سالمين

***

على قدر حزنى لما حدث لموكب الحرية , إلا أن حزنى على النخوة العربية أكبر لماذا لم أسمع عن قطع العلاقات الدبلوماسية إلا فى بلاد لا تنطق بالضاد ؟

***

ياترى لو جه يوم على مصر .. و جت اللحظة اللى بقى المصرى يفتح الحنفية .. مش عارف هى حتنزل ميه و لا لأ.. بيدعى ربنا إنه يلافى ميه يشرب منها و يشرب عياله ... يا ترى , ذنبه حيبقى فى رقبة مين؟

اللى مخططش صح وساب ربع مية النيل تتبخر قبل ما تروح تروى الأرض؟

ولا إللى معملش حساب بكرة و عمل علاقات كويسة مع جيرانه بدل ما يعيش على عصر فات ومات و يحلم أحلام يقظة أنه لسه الزعيم؟

ولا إللى كان بيحلق دقنه و يسيب الحنفية مفتوحة؟

ولا إللى كانت بتغسل المواعين فى نص ساعة مكسلة كل ما تشطف تفتح الحنفية وتقفلها تانى بعدها؟

ولا إللى كان بيحس إنه حران يقوم فاتح الخرطوم و يرش الأرض عشان يجيب طراوة؟

ولا إللى ساب مشاريع كتير عالرف كان ممكن تغير خريطة مصر بدل ما المصريين بقو عاملين زى طابور العيش على خط النيل ؟

ولا .........كفاية كدة؟

***

حصلتلى حكاية غريبة قوى إمبارح

وأنا قاعد فى سلام الله عالفيسبوك لقيت أخويا جاي بيقولى بص على الرد ده... لقيت واحد كاتب

" أطالب بإعدام كل النصارى فى مصر"

بصراحة الكلمة مش بس مستفزة لكن مثيرة للعجب!! لإن المقالة كانت بتتكلم عن سيدة مسيحية تتحدث عن تجربتها الشخصية فى مصر و تنفى أن تكون مضطهدة كما تصور بعض الجماعات بالخارج, حبيت أشارككم بردى عليه

مطالبتك تلك تعكس عدة أشياء مثيرة للغاية
-أولا جهلك بجوهر الإسلام ألا و هو السلام,رسالة الإسلام لم تكن أبدا رسالة دموية تطالب بإعدام كل من ليس مسلما, يكفى أن غير المسلمين فى عهد الأندلس كانو يحظون بمعاملة أرقى من تلك التى لاقاها نظرائهم فى دول نصرانية, كان هذا سيدى فى عصر فهم المسلمون دينهم و طبقوه فى حياتهم قبل أن يتخذوه مظاهر و شعارات...
-ثانيا ظنك بأنه كلما زادت حدة حوارك تجاه غير المسلمين ظهر تدينك وحبك لدينك وهذا إن دل يدل على تعصب أعمى و تكرار لتيمة لا تصدر عن مسلم حقيقى
-ثالثا الرسول و القران والسنة لم يصدر فيهم أى دعوة لإباحة دم أهل الذمة , حتى الأيات التى حثت على القتال أباحته فقط للدفاع عن النفس و الدين و التوقف عن القتال إذا جنح الطرف الأخر للسلم
رابعا-نصارى مصر بشر لهم حقوق مثل أى مسلم يعيش فى مصر و من قتل نفسا بغير نفس فكأنما قتل الناس جميعا .. والفتنة أشد من القتل , ما تثيره بهذه الجملة هو إثارة للفتنة
-خامسا ستجد كثيرا فى السنة النبوية كفارا ليسوا من أهل الكتاب (لم يكونوا يهودا أو نصارى) تعاملوا مع الرسول سواء بحدة أو بإستفزاز ولم يبح دمهم مع أن ديانتهم وثنية.. من باب أولى كان ليبيح دمهم قبل أن تستبيح أنت دم أهل الكتاب!!
-سادسا كان الرسول يتزاور معهم , يهنئهم بأعيادهم .. يزور مرضاهم و يسأل عنهم,لو تريد أن تظهر إيمانك زرهم و تبادل الهدايا معهم بدلا من قتلهم
وأخيرا-ادع إلى سبيل ربك بالحكمة و الموعظة الحسنة .. دع سلوكك يتحدث عن دينك وكن خير دعوة تمشى على قدمين

***

تهيييس

كان ياما كان يا سعد يا إكرام , كان فى أوتوبيس ماشى فى سلام , مرة واحدة لقى قدامه واحد بيعدى الشارع, معرفش يفاديه... خبطة خبطة جامدة , طيره عالناحية التانية وخبطته عربية ماشية فى الناحية التانية طار من فوق السور ووقع من الجبل على نبتة صبار كبيييرة ........... مليانة شوك

***
عدنـــــــــــــــــــــــــــــــــــــــــــــــــــا للتدوين من جديد

كل سنه و انتم طيبين

2007-12-19T09:08:00.000+02:00

عيد سعيد علي كل المسلمين يا رب ..... كل سنه وانتم طيبين

***

حاجه اتعلمتها من الجيش .. احنا بنضيع وقت كتييير قوي كل يوم من غير حاجه مفيده , اتمني الناس تبدأ تقدر قيمه الوقت وتستفيد بيه .. اليوم فيه 24 ساعه منهم 18 ساعه صاحي .. ياتري بتستغل قد ايه منهم ؟

***

النعم لا تعد ولا تحصي.. لكن ما يحصي هو ما تفقده من هذه النعم .. ما تريد ان تتذوقه من جديد بعد ان حرمت منه , فحاول ان تتعلم كيف تشكر المولي علي النعم التي بحوزتك بدلا من البحث فيما فاتك منها

***

خبر غير سعيد بس مضطر اقوله

البلوج مغلق حتي اشعار اخر وبدون ابداء اسباب

والسلام ختام

احبائي اعزائي فلذات اكبادي

2007-10-22T15:48:00.000+02:00

خلاص العد التنازلي بدأ و حروح الجيش يوم 2 نوفمبر بس دي تعتبر اخر بوست قبل الجيش لو لم يجد جديد لاني مشغول خالص الايام دي , اتمني اني اقضي وقت ممتع و جميل في منتجع القوات المسلحه الكائن بفايد .. واكل مانجه و فراوله و تفاح

وكمان كنت اتمني ان يكون معايا دعوه مجانيه لاصحابي لمشاركتي في وقت الاستجمام ده , بس انا واثق انهم متفهمين مدي صعوبه احضار ناس للمكان المتميز ده ,خصوصا ان الواحد لازم يجتهد و يعدي اختبارات كتير جدا صعبه موت , و مش اي حد في الاخر بينجح , لازم يكون اما منحوس خالص او منحوس جدا عشان يعدي كل ده و ينجح

وواضح اني كنت من ده علي ده

----

طبعا ميصحش اختم من غير ما اعلق علي الكليه بتاعتي , اللي انا سيبتها من مده , بس لسه في تجمع دموي في دماغي لازم افرغه هنا الاول
.. بس نبتدي منين الحكايه ؟

نبتديها من الاول

كان ياما كان يا سعد يا اكرام , كان في طالب اسمه توني , الطالب ده مجتهد عبقري عارف هو عايز ايه , الطالب ده كان في بعض اللحظات مصدر تعاسه للبعض , خصوصا لما كان يقفل امتحان و يجيب فيه امتياز .. وناس تانيه متحطش فيه قلم , بس دي مش غلطته اكيد , ولا نقدر نلومه عليها .. يعني نلومه انه بيذاكر؟ ؟ وحتي لما كانت ماده تبقي نسبه النجاح فيها اقل من المتوسط .. و يتضاف درجات رفع للطلبه , عمره ما قال كلمه اعتراض ولا علق .. رغم ان في مواد كان بيبقي ظلم ليه ان ناس تانيه تاخد درجات رفع(دي مختلفه عن درجات الرأفه) , بعكس زميل تاني جه في سنه من السنين وجاب درجه نهائيه في ماده .. فقدم شكوي في الكليه يرفض اضافه اي درجات رفع لباقي الطلبه .. ساعتها عرفنا قد ايه انتوني انسان كويس و طيب و متواضع .. وفوق ده كله كريم

توني كان لامع من يومه , في اعدادي طلع الاول علي الكليه , و بنسبه تكاد تبلغ الكمال .. طلع الاول علي كل الدفعه في كل السنين ما عدا تيرم واحد فقط لا غير , طلع التاني

الفرق بينه و بين التاني علي الدفع كبييير لدرجه تخليه الاول حتي لو جه في تيرم محلش وجاب مقبول او ضعيف
بس الاول علي الجامعه مش توني
تقولولي بقي ليه ؟ هو في حد جاب اكتر منه ؟

لا , لانه جاب مجموع عالي جدا .. جاب حوالي 96% كمجموع تراكمي و ده رقم صعب تحقيقه فضلا عن تحقيقه

طب لما الاول جاب اقل من توني ..ليه مش توني هو الاول ؟
اقولكم بقي , اصل الحكايه ان لائحه الكليه عندنا حاجه كده زي دستور البلد .. كل سنه يجيبوا ترزي يفصلها علي مقاس اللي يعجبوا , والظاهر ان السنه دي محبوش توني .. او حبوا واحد تاني و حبوا يجاملوه الله اعلم

بس اللائحه بقي في حد ذاتها مهزله

بتقول ايه اللائحه ؟ بتقول ان تحديد الاول علي الجامعه مش حيكون زي ما العالم كله بيعمل , مش حيكون المقياس المجموع النهائي

امال ايه ؟

المقياس حيدخل فيه عوامل حيويه تانيه .. زي عدد طلبه القسم , عدد الراسبين بالاضافه للمجموع

الكلام شكله حلو اهو و منمق قوي .. بس تعالوا نتفرج علي النتيجه

لما تدخل عدد الطلبه في المعادله .. معني كده ان اول علوم ملوش اي فرصه في تحقيق اي مركز لو كان المنافس بتاعه من تجاره .. لان لو بتاع تجاره جاب جيد علي 10000 طالب انتساب وا نتظام .. وبتاع علوم جاب امتياز علي 20 طالب في دفعته .. يبقي بتاع تجاره هو اول الدفعه ..لان عدد الراسبين في دفعته اكبر من عدد الراسبين في دفعه بتاع علوم

وكانت النتيجه لتطبيق اللائحه علي توني ان اول الجامعه السنه دي شخص مجموعه اقل من مجموع الاربعه الاوائل علي قسم كهربا اتصالات , بل اقل من الاول علي قسم كيمياء

لانه من قسم مدني , القسم اللي فيه اعلي نسبه رسوب لانه ببساطه القسم اللي بيقبل اقل مجموع بين باقي الاقسام في تنسيق السنه الاعداديه

اللي عمل اللائحه و طبق القرار الكوسه ده نسي ان اول دفعه مدني السنه دي كان ال 72 علي دفعته في اعدادي هندسه في حين انتوني كان الاول علي الدفعه في الوقت ده .. ونسي ان قسم كهرباء لما قبل الطلبه كان بينهم حوالي 100 جايبين امتياز و مدني كان عنده 3 طلبه جايبين امتياز بس
وان عدد طلبه كهربا حوالي 450 طالب , في حين ان عدد طلبه مدني حوالي 900

يعني طبيعه القسم نفسها مختلفه تماما , و طبقا لمنطق السيد العبقري صاحب القرار فاي قسم عايز اول الدفعه يكون من عنده .. كل اللي يعمله انه يسقط كل الطلبه اللي عنده ما عدا واحد ..بشرط ان عدد الطلبه في القسم ده يكونوا كبير بالمقارنه مع عدد طلبه الاقسام الاخري

عمار يا مصر تحت قاداتك الرشيده

وربنا علي الظالم و المفتري

-----
حفله التخرج

بما اني لسه خريج جديد .. فمن حقي قانونا ان يكون ليا حفله تخرج , ومفهوم طبعا ان الحفله دي هديه الكليه للطلبه الخريجين منها , احتفالا بهم و بالمجهود الذي بذل في سبيل تعليمهم و اكسابهم المهارات المختلفه(يعني تخيلوا معايا ان في حاجه زي كده في التعليم المصري ) وطبعا عشان الحفله تكون ناجحه .لازم تكون بتخدم هدفين .. الهدف الاول هو جزء تقليدي يكون غالبا شيء مرتبط بعاده تراثيه تتوارث عبر الاجيال منذ انشاء الجامعه .. وتكون علامه مميزه لها , ولا يضير ان يكون هناك بعضا من الاساتذه يلقون كلمه قصير منعا للملل
والهدف الثاني ان تكون الحفله تخدم ايضا الجزء الشبابي وهم المحتفل بهم في الاصل , ويتم هذا عن طريق اعداد مفاجئه مثلا واحضار احد الفنانين المشهورين , او حتي اعداد برنامج ترفيهي

-" تقديرك ايه يا باشمهندز ؟ " سألني الراجل اللي واقف علي المكتب قدامي وطلعني من افكاري وانا بحلم بشكل حفله التخرج , الحفله اللي تعتبر اخر نشاط جماعي حعمله قبل دخول الجيش .. وعشان كده ليها قدسيه خاصه في قلبي

ومع خروجي من حلمي بدأت ادخل كابوس جديد , كابوس الحفله اللي الكليه محضراها مش اللي كانت في خيالي من شويه

اولا , الحفله و اللي اعدوها معدومي الحس و المسئوليه لانهم حددوا ميعادها يوم 25 و معروف ان طلبه الجيش المرشحين عساكر حيكونوا مطلوبين من يوم 24 .. ببساطه حتكون الحفله بعد ميعاد الجيش بيوم واحد , يعني مش كفايه الحسره اللي الشباب فيها .. لا و كمان ملهومش الحق في الفرحه بالحفله

ثانيا , البالطو والطربوش ابو خيط .. اللي بنشوفهم في الافلام حيكونوا مستعملين (ترشيدا للنفقات ) و بعد ما كان ايجارهم ب 20 جنيه من سنتين .. بقي بحوالي 70 جنيه

ثالثا .. كان زمان بيتم توجيه دعوه مجانيه للوالدين عرفانا من الكليه بدور الاسره , طبعا دلوقتي فكك بقي من الكلام بتاع مواضيع الانشا دي .. اسره ايه يا عم , صلي علي النبي , 20 جنيه ثمن تذكره السيما .. اقصد الحفله المصونه

رابعا وليس اخيرا بقي بروجرام الحفله ,
خد عندك
- السلام الجمهوري
-القران الكريم و خد بالك ان السلام الجمهوري قبل كلام ربنا .. يعني وجوده هنا مجرد رمز في المكان الخطأ وليس تعبيرا عن اي ايمان او ارتباط بالله

-طابور العرض , بالعربي تزنيب الطلبه .. مع عدم القيام بصفا و انتباه الشهيره
-كلمه الخريجين و دي حيقولها السنه دي واحد في رأي اخذ ما لا يستحق و رضي به بغض النظر عن اي شيء اخر , لان اي انسان نزيه سيرفض ان يأخذ ما يحق لشخص اخر طالما بامكانه ان يرفض

-قسم المهندس .. ولاحظ هنا ان اللي محجزش في الحفله مش حيقول القسم .. يعني كل الفقراء من اخواتنا المهندسين .. وكل المشغولين ولم يتمكنوا من الحضور بالاضافه الي المسافرين في الخارج لن يقولوا القسم
-كلمه علان و فلان و فلان لمده 25 دقيقه .. وحبقي افكرك , لو مقعدوش علي الاقل ساعه يبقي في حاجه غلط حصلت
-استراحه , مش عارف علي ايه
- وشويه تكريمات و اسامي تتنده
- السلام الجمهوري و الختام

فين بقي هشام عباس ؟ ولا المسرحيه ؟ ولا حتي الدي جي ؟(مع العلم ان في دي جي اتعمل في الكليه عندنا من كام شهر وحضره طلبه المعاهد و الكليات النظريه و كل من يتمتع باسم شاب ) يعني مش جديده عليهم .. ولا حتكون مسخره و لا بتاع

بس كل ده كوم .. وان انا ادفع 25 جنيه ثمن اشتراكي في الحفله و دعوتي كخريج جديد كوم تاني خالص , لييييييييييه ؟ هو الحفله ايه معناها من غيري ؟ مش انا ضيف الشرف ؟ مش انا اللي عاملين الحفله دي كهديه وداع ليا ؟ ولا البلد بقت طالعه واكله و نازله واكله .. حتي في حفلات التكريم ؟

-----

----

حاجه اخيره , اتأخرت شويه في الرد علي التعليقات بس ده لاني كنت خارج نطاق الخدمه

بس اكيد حتتعودوا علي الحكايه دي

بقيت خال في الوقفه

2007-10-14T13:05:00.000+02:00

طبعا حيجي الناس يقولولي ايه الوقفه دي ؟ اسمها المتمم .. لان الوقفه مش بتتقال غير علي وقفه عيد الاضحي عشان وقفه عرفات , حرد و اقول عارف والله .. بس الناس اتعودت بقي ان الوقفه هي اليوم اللي قبل العيد سواء كان فطر او اضحي .. ده غير ان الكلمه نفسها بقت علامه مسجله , يعني مين مثلا مش بيقول حنزل اجيب هدوم الوقفه .. ولا حتي .. هي امتي الوقفه ؟

عموما اختي حبت تخلي الوقفه يوم مميز في حياتي , فعملتني خال يوم الوقفه و جابت نونو صغنطوط ... يالا نقول سوا
بورك في الولود .. وشكرت الواهب .. ورزقت بره .. وبلغ اشده

طبعا كنت ساعتها قاعد في الاسكندريه .. سمعت الخبر روحت طاير علي القاهره علي طول .. وكله يهون عشان ابني الجديد .. مش هما بيقولو الخال والد برضه ؟

-----
كونداليزا رايس بتلعب اللعبه المعهوده .. اللعبه القذره طبعا روسيا عايزه تحافظ علي سيادتها و امنها في المنطقه المحيطه , و مش عايزه الدرع الصاروخي يتبني عشان ده ممكن يستخدم ضدها بعد كده , و هي طبعا عندها حق .. وامريكا عايزه تضغط علي روسيا , لكن واضح من المباحثات الاخيره ان روسيا مصره علي رأيها النهارده وبعد اقل من يومين علي المحادثات تقوم الاخت الفاضله كونداليزا ربنا يهدها يا رب بعمل محادثات اخري مع بعض الجمعيات التي تطالب بزياده الحريات في روسيا وبحث سبل دعمها في المستقبل.. وكلاكيت تاني مره ... يا بوتين حتخرس ولا نشعللها نار في بلدك و نوجع دماغك بالديموقراطيه ووجع الدماغ ده ؟؟؟ بس زي ما امريكا عندها ورق ضغط ضد روسيا .. روسيا برضه مش حتسكت , ماهي لسه عندها العراق و حادثه الخميس الماضي اللي مات فيها 15 طفل و امرأه بلا اي حساب لسه طازه و يا عالم ... ايه اللي بيحصل ورا الستاير دلوقتي كنت اتمني ان العرب يكونوا بالفصاحه دي و يتعلموا اللعب بالورق .. بس واضح ان مالهومش غير في توم و جيري
-----

شعره تفصل بين العلمانيه و الالحاد , اخشي ان البعض اعتاد مؤخرا التنزه عبرها باسم التقدم
-----

اعلان التلفزيون الخاص بتشجيع شباب الخريجين بالبحث عن صور بديله للعمل بدلا من انتظار العمل بمؤهل التخرج ليس الا صوره رخيصه لالقاء اللوم علي الضحيه واتهامها بالباطل بما لا يصح .. عزائي الوحيد انه لا يضر الشاه سلخها بعد ذبحها

فالقول بان الشاب الجامعي مقصر لانه يأبي ان يلقي بتعليمه جانبا و يعمل سباكا او بليه في ورشه بدلا من الجلوس علي القهوه ..عار علي الدوله بكل المقاييس , وهذا الكلام لا ينقص من شأن السباكين و اصحاب الحرف .. لانهم اناس افنوا حياتهم لتعلم هذه الصنعه الي ان اتقنوها .. ولهذا استحقوا العمل بها , اما شباب الخريجين فهم اناس صرفت عليهم الدوله الملايين ليتخصصوا في مجال اخر , وتم القاؤهم في الشارع في نهايه الامر

وبما ان الجميع مصيره الان الي القهوه او الي العمل كبليه .. فانا اقترح اختصارا للطريق و توفيرا لمال الدوله ان يحترف الطلبه في المدارس صنعه بدلا من تضييع الجهد والمال فيما لا يفيد

رشوه

2007-10-04T01:34:00.000+02:00

بقالي كام يوم كده قاعد في القاهره, لانه كان مطلوب مني اداء بعض الاختبارات في الكيلو 4.5 , طبعا ولا كان عمري سمعت بالكيلو العجيب ده قبل كده .. ده غير ان اسمه يخالف ابسط قواعد التسميه في العالم , الاسم عباره عن مسافه , ومطلوب حل الفزوره و معرفه المكان المطلوب يبعد 4.5 عن ايه و في اتجاه ايه ؟, شديت الرحال مره تانيه للقاهره في رحله كفاح جديده واكتشفت ان الكيلو ده ممكن اروحه بطريقتين .. يا اما من عند حلميه الزيتون اركب مواصله علي هناك , يا اما من رمسيس , انا قولت لنفسي .. حلميه الزيتون حتكون اقرب وحتاخد وقت اقل , ركبت المترو .. نزلت عند المحطه والحمد لله لقيت ميكروباص متهالك الي اقصي درجه و بينادي عمال يقول
اربعه و نص ... اربعه و نص

نطيت فيها وكنت اخر راكب في العربيه فالراجل طلع علي طول و لقيته طاير بالعربيه , اصل الساعه كانت 7 الصبح و الطريق فاضييي .و الغريبه انه جاب بيها سرعات اعجازيه بالمقارنه بحاله العربيه المفككه الاوصال, لدرجه اني سألت نفسي , يا تري السواق حيعمل ايه لو حد طلع قدامه فجأه؟ ياتري
1- حنموت في العربيه و اللي طلع حينجو ؟
2- اللي طلع هو اللي حيموت ؟
3-كلنا حنموت ؟

بصيت حواليا لقيت خير اللهم اجعله خير ناس كلها لابسه كاكي في كاكي , و علي اكتافها نجوم كتيير قوي و شويه طيور و زواحف كمان

روحت مايل علي اللي جنبي و سألته .. لو سمحت متعرفش فين وحده الانتقاء والتوجيه ؟

الراجل بصلي وبعدين بص للي قدامه و سأله ... فين وحده الانتقاء و التوجيه ؟
راحل الراجل اللي قدامه ساب المصحف اللي في ايده و قاله .. معرفش
اللي جنبي ماستسلمش .. راح سأله تاني
مش هي دي اللي جنب المدفعيه ؟

التاني راح قايله ايوه ,و طبعا طبقا لخبرتي المتراكمه في قدره اهل القاهره الاعجازيه في الارشاد والتوجيه .. خصوصا فيما يخص الطرق و الاتجاهات اقدر اقول ان الراجل اللي قدامه قال ايوه مش عشان هو عارف .. انما قال ايوه لانه عايز يخلص من الازعاج ده وخلاص

اثناء طيران العربيه , لقيت الراجل اللي جنبي بيبص قوي علي بوابه عدت جنبنا .. وبعد حوالي 200 متر كده قالي متهيألي البوابه اللي فاتت دي هي اللي انت عايزها .. روحت قايل للسواق علي جنب لو سمحت .. ولان الصوت بطبيعته يخضع لقواعد الفيزياء .. فكلمه لو سمحت موصلتش للراجل غير بعد حوالي 500 متر من البوابه وانتبه ان في بني ادم بيتكلم ورا

راح قايل نعم من غير ما يقلل السرعه و بص وراه.. وصلتلي نعم دي وانا علي بعد 600 متر من البوابه قولتله علي جنب بصوت اعلي .. هنا ادرك الرجل اخيرا اني عايز انزل .. فشال رجله من علي البنزين و بدا يهدي العربيه

وعندما توقفت العربه اخيرا .. كنت علي بعد حوالي 700 متر من القاعده و علي بعد شعره من ان افقد صيامي , تطوع احد الركاب ونصحني اني امشي الحبه دول وامري لله كأني منتظر اقتراحه!

وصلت الوحده وابرزت بطاقتي العسكريه (هي لسه مش بطاقه مجرد استماره بس تعتبر اداه التعارف الوحيده بيني و بين الجيش ) و دخلت

الاختبار كان عباره عن 4 اجزاء
اول حاجه التصوير .. طلعنا الدور الاول و دخلنا حجره متوسطه .. وبدأنا التصوير ... يدخل الفرد امام الكمبيوتر .. و يحط الباركود بتاعه قدام سكانر .. الكمبيوتر يطلع تيت
وياخد الصوره ..ز ويجي اللي بعده وهكذا

لحد ما واحد طويل ربنا يعمر بيته خبط اللمبه اللي تعتبر مصدر الاضاءه الوحيد (والبديله عن الفلاش ) في الحجره .. وتوقفت الدنيا .. قعدنا نتحايل علي اللمبه علشان تولع تاني .. بس مفيش فايده , راحل العسكري طالع من الاوده و نده علي واحد رتبته اعلي , الراجل ده وقعد يضرب اللمبه عشان تعترف .. اقصد تنور لحد ما ربنا كرمها و نورت في الاخر و خلصنا التصوير علي خير

المفروض في البدروم يدخل واحد يشرح لنا الاختبار التالي حيكون عباره عن ايه , ولان الاختبار كان عن طريق الكمبيوتر .. ولان الموجودين مش كلهم بيعرفوا يتعاملوا مع الكمبيوتر لان في ناس جايه من الارياف و الصعيد و تعليمها متوسط و فوق متوسط , فكان لازم الشرح ده يتم بالتفصيل

نزلنا البدروم و لقينا المفاجئه , او في الواقع , لقينا رشوه غير مقبوله

لقيت ظابطات برتبه ملازم اول داخلين هما اللي يشرحوا , ال يعني الجيش كده حيبقي احلي في عيون المجندين الجدد ..
طبعا الشرح كان في غايه السذاجه ويتلخص في اني حلاقي قدامي عدد اتنين زرار
واحد مكتوب عليه نعم
والتاني لا

وفوقيه سؤال , اقرا السؤال و اضغط اما نعم او لا

خلصنا المحاضره في البدروم , وطلعنا عشان نمتحن بقي فوق

واول ما دخلنا سألونا , في حد مش بيعرف يستعمل الماوس ؟

ناهيك عن ان الشاشات كانت تاتش سكرين كلها , ومش عارف ايه لازمه السؤال ده , بس عموما حمدت ربنا ان محدش قال لا , والا كنت ضيعت ربع ساعه كمان علي ما يدولو كورس في استعمال الماوس

وخلصت امتحاني علي خير اللي كان برضه بيراقب علينا فيه عنصر نسائي ,و كأنهم بيرشونا عشان نحل كويس في الامتحان و منحاولش نغلط عن قصد وننزل عساكر تاني

بعد كده بقي كان في المقابله الشخصيه .. وكانت عباره عن ضابط ليه رتبه عاليه قاعد جنب عنصر نسائي و قدامهم جهاز كمبيوتر , وانا قاعد ورا الجهاز بجاوب علي اسئله العنصر النسائي .. والرتبه قاعد يتفرج

عليا انا طبعا

بعد كده اخر حاجه بقي كانت عينه الدم , حوالي عشره سم من دمي اخدوهم ببلاش .. مع ان لتر الدم دلوقتي يعمل علي الاقل خمسين جنيه لو مدعم , حسبي الله ونعم الوكيل

ترتر

2007-09-17T15:18:00.000+02:00

اول يوم رمضان . كان اسوأ يوم اشوفه في حياتي , كأن الناس بتخزن كل المشاعر السلبيه في اليوم ده و تطلقها مره واحده , مش بس بتكلم علي المواصلات و الهبل اللي بيحصل فيها ... حتي المعاملات اليوميه بتبقي مشحونه بشكل فظيع , انا في اليوم ده شوفت عربيتين بيتكسروا قدامي .. و شباب بيحدف بعضه بالزجاج في معركه تصفي لمرتبه عين جالوت مع اختلاف العدو و سبب المعركه طبعا ... وكالعاده البوليس جه بعد خراب مالطه
----------

بعد غياب الاحزاب السياسيه من الساحه المصريه ما عدا حزبين احدهما طابق علينا و التاني محظور نتعامل معاه ... اختار الشعب المصري حزبين جداد خالص ... حزب الزمالك .. وحزب الاهلي , قولي بقي .. انت اهلاوي ولا زملكاوي ؟
---------
اول ما حطيت رجلي في القاهره .. شميت ريحه سبرتو(كحول) لدرجه اني بصيت بقرف لواحد كان معد جنبي . قولت لنفسي للدرجه دي الشعب بقي منحل و بيشرب سبرتو

تاني يوم نزلت الشارع لقيت نفس ريحه الكحول ماليه الشارع ... بصيت بقرف لمجموعه المحلات اللي معدي عليها .. وقولت لنفسي ... خلاص , بقت الحاجات دي بتتخزن عيني عينك في محلات البقاله و الخضار ؟

تالت يوم عديت جنب بنزينه .. حسيت اني لو قعدت عشر دقايق حعمل دماغ فظيعه من كتر تركيز الكحول في الجو .. سالت صاحب البنزينه , هي ايه الحكايه .. قالي اصلنا استوردنا بنزين من ليبيا .. و داخل في تكوينه الكحول والعربيات كلها ماشيه تطلع في الكحول ..لما احنا بنستورد بنزين بالكحول.. ليه بنصدر بترول ؟؟؟؟؟؟

----------

في ناس زعلانه عشنا اللي حصل مع رؤساء التحرير .. انا مش عارف زعلانين علي ايه ؟

يا جماعه احنا بنعيش عصر جديد من حريه الصحافه , عصر يفوق في نزاهته عصر جمال و السادات , جمال امم قناه السويس .. السادات عبر وحرر سينا(بس مبارك رفع العلم ) .. مبارك جه بالثوره الاقتصاديه و حريه الصحافه وبني مصر اللي دمرتها الحروب

من حق كل صحفي التعبير عن رأيه بكل صراحه ووضوح وشفافيه

ومن حق الحكومه التنكيل بيه في اي وقت ولأي سبب مهما كان

كل سنه و انتم بخير

2007-09-12T00:15:00.000+02:00

فاضل ايام و موسم الحسنات يبدأ
يالا بقي , استعدوا

وكل سنه وانتم طيبين

فلسطين في نظر الغرب

2007-09-11T14:46:00.000+02:00

كان دايما فلسطين محور حواري انا و صديقي .. وقضينا فيها ساعات و ساعات نتكلم .. ونزعق لبعض ساعات عشانها

كانت تقريبا هي الحوار الوحيد اللي ممكن صوتنا يعلي فيه, و ممكن واحد فينا يفقد اعصابه علي التاني , لا لا , مش زي مانتو فاكرين .. مكناش بنضرب بعض ولا نلعب تحطيب .. ابدا ابدا .. اسواء حاجه ممكن تحصل انه يقول مستحيل بس بالفرنساوي

c'est impossible

وساعتها اعرف انه جاب اخره في النقاش

الفكره تتلخص في الاتي , اولا اليهود كانو مضطهدين في اوربا , ثانيا اليهود قديما عاشوا في فلسطين .. ثالثا اليهود لهم الحق في تكوين دوله تكون اليهوديه هي الديانه الرسميه

-" اوربا لم تتخل ابدا عن فلسطين.. دائما ما تمد لها اليد بالمساعدات "

-" وتعتقد ان هذا كاف؟ وان اوربا بهذا تفعل ما عليها ؟"

-" طبعا"

-" اذن بماذا تسمي الحصار الاقتصادي المضروب الان علي الشعب الفلسطيني ؟"

-" اعتقد ان هذا خطأ "

-" خطأ ؟ الا تظن ان هذه الكلمه صغيره ؟ هناك شيء لا افهمه .. انتم تؤمنون بالديموقراطيه .. وتؤمنون بحق الشعوب في الاختيار .. الي ان يتعارض هذا مع مصالحكم انتم .. فترمون بكل القواعد جانبا و تفعلون ما يحلو لكم "

-"لماذا تقول هذا ؟ "

-" لان هذا ما حدث مع حماس "

-" حماس منظمه ارهابيه .. تقتل المدنين"

-" لا اعتقد هذا .. اتري .. هناك دوما وجهان للعمله .. فالالمان اطلقوا علي المقاومه الفرنسيه انها حركات ارهابيه .. متمرده .. لكن الفرنسين اطلقوا عليها المقاومه الفرنسيه , وهذا هو الحال هنا ... انت تتحدث عن حماس و غيرها كمنظمات ارهابيه .. لكن تتناسي ان اسرائيل هي الاخري دوله ارهابيه .. منشأها ارهابي .. قادتها كانوا اعضاء في عصابات و ارتكبوا جرائم حرب .. وجرائم الحرب لا تسقط بالتقادم .. انتم فقط اسقطتموها لان مرتكبيها يهود , انت تقول ان حماس ارهابيه .. لماذا لا تتحدث بالارقام ؟ كم يهودي سقط علي يد حماس ؟ وكم فلسطيني سقط علي يد اسرائيل ؟ ... لو قلنا ان النسبه 1: 5000 فانا اظلم الفلسطينين "

-" حسنا .. حماس و اسرائيل كلاهما مخطيء .!!"

-" لا يا صديقي ... حماس تتحرك بدافع اليأس .. تتعامل مع جيش نظامي بلا اي امل في الفوز .. كل ما تنجح فيه هو ان تقول انا هنا .. لكن بلا اي تأثير يذكر .. كل عمليه تقوم بها حماس .. يسقط امامها المئات من الفلسطينين ..لكن الاله الاعلاميه الاسرائيليه هي التي تملك اليد العليا هنا "

-" حماس لم تكن تريد السلام لهذا قاطعها المجتمع الدولي .. ولهذا توقفت المعونات الاوربيه "

-" في الواقع انا لا اتفق معك نهائيا مع هذه النقطه .. حماس هي الطرف الوحيد الذي ابدي النيه في السلام . هي الطرف الوحيد الذي قام بوقف اطلاق نار فعلي علي الرغم من تجاوزات الطرف الاخر .. لكن ماذا وجد في المقابل ؟ حصار اقتصادي .. تجويع شعب بهدف تغيير ارادته قسرا .. جرائم حرب من جانب اسرائيل بلا اي رقيب او معين , حماس هي التي قالت اريد سلاما .. واسرائيل لعبت لعبه القط و الفأر .. قالت بكل وقاحه .. لن اتعامل مع حماس .. علي الرغم من انها نتاج انتخابات ديموقراطيه نزيهه .. لا يوجد مثيل لها علي مستوي العالم العربي "

-" كيف تدعي ان حماس تريد سلاما وهي لا تعترف بحق اسرائيل في الوحود ؟ كيف ستقيم مباحثات مع طرف لا تعترف به ؟ "

-" تريد الحديث الان عن حق اسرائيل في الوجود ؟ حسنا .. ما وضع اسرائيل ؟ ما هي حقيقه جذورها التاريخيه ؟ "

-" اسرائيل هي موطن يهود العالم و مكان مقدس لهم وكانت وطن لهم قبل الشتات "

-" ومتي كان هذا ؟ في عصور قبل الميلاد . اي ان اليهود الذين عاشوا في تلك الحقبه قد ماتوا جميعا .. ومات ابناؤهم و احفادهم و احفاد احفادهم خارج هذه الارض ؟ كيف يمكن ان تجزم بحق يهود اليوم في ارض اجدادهم لم يعيشوا فيها عشرات القرون ؟ ومن اعطاك الحق لتستأصل شعبا لتضع شعبا مكانه ؟ "

-" ولكن من حق اليهود ان يكون لهم وطن قومي "

-" طبعا ... ولكن من قال ان هذا الوطن هو فلسطين ؟ "

-" لان اصولهم التاريخيه هناك !! "

-" وكذلك اصول العرب .. في الواقع العرب هم الاصل في هذه الحاله .. لا يمكن ان تأتي لتغير التطور التاريخي مره اخري لاستعاده حاله انتهت من قرون .. في الواقع لا يوجد دليل علي ان اليهود الذين جاؤا ليستوطنوا فلسطين ..هم حفاد اليهود الذين عاشوا قديما هناك .. وبالتالي ليس من حقهم ان يأخذوا ارضا ليست ارضهم "

-"اذن انت تقترح ان الحل هو اعاده اليهود مره اخري الي اوطانهم ؟ هذا مستحيل "

-" طبعا هذا مستحيل .. ولكن ما اريد الوصول اليه ان ارض فلسطين مغتصبه .. ليست حق كما تدعي .. بل هي سرقه و حاله فريده من نوعها في التاريخ الحديث .. فاصحاب الارض مهمشين .. و المغتصب يحظي بدعم دولي , لماذا ؟ لانه يريد ان ينقل مشكله اليهود الي ارض العرب بعيدا عن اوربا .. فبدلا من ان يدلع الاوروبين ثمن جرائمهم من اضطهاد لليهود .. يدفع العرب من دمهم "

-" لقد نصت حقوق الانسان علي ان من حق اي شعب ان يحظي بوطن مستقل "

-“ it is non of our business , let them have their own home , in USA in Kenya , in France even , I don’t care .. Palestine have the same right that Jews claims they have , Palestine have the right to exist and have independent home .. full control on their own land , it wasn’t a solution .. it was a crime towards a nation in favor for another nation “

-" في الواقع هذا شيء اليم .. لكن لا يمكن تغيره الان .. فالفلسطينين و اليهود يجب ان يتعايشوا معا "

-" لا اعتقد ان هذا ممكن .. لانه لا يوجد علي الساحه السياسيه الان اي بصيص امل .. في الواقع لا يوجد علي الساحه السياسيه الاسرائيليه اي شخصيه يمكن ان تسمي ( شخصيه محبه للسلام ) "

-" انت مخطيء .. هناك جمعيات كثيره اسرائيليه محبه للسلام و تنادي له يوميا "

-" اوافق .. لكن هذا الجمعيات لا تجيد سوي الطبل و الزمر .. لا تستطيع ان تغير من سياسه اسرائيل ... لكن اذكر لي حزبا واحدا قويا يدعم سلاما ولو امسك بزمام الامور فسيقدم تنازلات كافيه لاقامه سلام .. ما هو الحزب الذي سيوافق علي اعاده اللاجئين الفلسطينين ؟ من هو الحزب الذي سيقوم بهدم الجدار العازل ؟ من هو الحزب الذي سيهدم المستعمرات التي تعمل كمسامير في نعش السلام ؟"

-" هناك حزب اليسار .. لكنه ضعيفا ولا يمكن ان يقوم باي من هذه الاشياء , لكن اسرائيل ابدت الرغبه مره في عهد اسحق رابين "

-" حسنا .. اسحق رابين قتل .. هل يعطي لك هذا اي دلالات ؟ "

-" نعم قتل و لكن علي يد متعصب يهودي "

-" لا يا سيدي .. انت لا تستطيع ان تجزم ان رابين قتل علي يد متعصب .. المتعصب كان الاداه .. لكن الشعب الاسرائيلي كله رفض ما قام به رابين .. وفي رأي ان هذا دليل كاف علي ان السلام بين الفلسطينين و اليهود امر مستحيل لان من مصلحه اليهود الا تعطي الفلسطينين اي فرصه لالتقاط الانفاس .. لان اليهود يعلمون تماما ا ذا اعطوا الفلسطينين السلام . فان اول خطوه تاليه بعد هذا هي المطالبه بحقوقهم كامله .. اما بالسلام .. او بالسلاح .. وهذا ما تخشاه اسرائيل اكثر من اي شيء اخر "

-" انا اعتقد ان السلام ممكن .. العوده لحدود 48 من الممكن ان يعيد السلام "

-" والقدس ؟ و اللاجئين؟ "

-" انا اعترف ان موضوع عوده اللاجئين موضوع شائك .. و مستحيل ان توافق عليه اسرائيل بأي حال من الاحوال , لانه سيجعل ميزان السكان في صالح الفلسطينين .. غير ان الارض غير كافيه لهم "

-" اتدري لماذا ؟ لان العوده الي حدود 48 غير كاف.. لانه اذا عاد اللاجئين ( وهذا حقهم بما نصت عليه حقوق الانسان ) فان ميزان السكن سيصبح في صالح الفلسطينين .. مما يعني اعاده توزيع الارض علي اساس عدد السكان .. مما يعني ان حتي حدود 48 غير كافيه .. وغير عادله .. وهناك شيء اخر .. كم عدد اليهود الان في العالم ؟ "

-" لا توجد احصائيات دقيقه "

-" اتريد ان تقنعيني ان الهولوكوست احصائياته دقيقه ..بينما الان لا نعرف كم عدد اليهود في العالم ؟ "

-" طبيعي .. لان العديد من الدول تعتبر الان احصاء فئه بعينها نوع من التفرقه العنصريه .. لكن العدد يتراوح بين 36 مليون يهودي في العالم "

-" وكم يعيش منهم في اسرائيل ؟"

-" التعداد هناك وصل الي حوالي 6 مليون "

- " لنناقش مره اخري حق اليهود في ان يكون لهم وطن قومي , وفقا لمنطقك .. فان اغلبيه اليهود ينادون بان يكون لهم وطن قومي و هذا شيء يجب توفيره .. في حين ان عدد من يعيشون في اسرائيل الان حوالي 6 مليون .. اي اقل بكثيير من النصف .. في الواقع هم نسبه لا يعتد بها اصلا ... هل يوجد لك تفسير منطقي لطرد شعب بأكلمه و الاستيلاء علي ارضه من اجل رفاهيه 6 مليون .. طبقا لهذا العدد فان من يريد ان يعيش في فلسطين و ان يكون له وطن .. هم اقليه .. افليه متعصبه .. و العالم لسبب ما مجهول قرر ان يساعد هذه الاقليه بمنتهي الاخلاص كأنها قضيه وجود لليهود "

-" لا تقيسها بهذا الشكل .. اسرائيل تمثل الملاذ الاخير لكل اليهود علي مستوي العالم "

-" اذن انت تقصد ..لو قامت حرب عالميه جديد ه.. وظهر هتلر جديد في اوربا .. وبدأ في قتل واضطهاد اليهود من جديد .. فان اليهود وقتها سيذهبوا الي فلسطين ... ابهذا تفسر قتل الالاف من العرب .. من اجل اقامه بيت امن لليهود لتجنب اخطاء الغرب المستقبليه ؟ اي منطق هذا ؟ "

لم ينته الحوار بعد .. لكن اعتقد ما استطعت كتابته هنا كاف لادراك كيف ينظر الغرب الي قضيه فلسطين

في كارفور

2007-09-07T21:02:00.000+02:00

ذهبنا الي كارفور انا و ضيفي في العديد من المناسبات .. لكن في مجملها لم تكن مناسبات مشرفه , اول مره ذهبنا هناك كان السبب هو سحب مبلغ من المال بالعمله المصريه .. لان المبلغ الذي كان لديه كاد ان يستنفذ , ولسبب ما لا اعلمه حتي الان لم نستطع ان نسحب اي مبلغ من اي منفذ فيزا

ATM

كل البنوك اجمعت انه لا يملك رصيد كافي (والمثير للسخريه ان الدفع الفوري بالفيزا كان يعمل بشكل طبيعي لكن سحب المبالغ كان يبلغه انه لا يملك رصيد كافي ), في البدايه اعتقدت الخطأ في نوع الكارت الذي يملكه .. لكنه اخبرني انه استخدم هذا الكارت في دول اخري وعمل بشكل طبيعي

بالصدفه البحته اخطأت احد الماكينات ووافقت علي اعطاؤه 500 جنيه واعتقد انها اخر 500 جنيه يمكنه سحبها من مصر

طبعا كالمعتاد اكتشفت ان الكتاب الذي اشتراه كدليل لمصر يستحق رفع القبعه .. حيث كان هناك تحذير كبييير من مدي سوء خدمه الفيزا في مصر و ان علي كل سائح احضار مبلغ كافي من المال بالعمله المصريه قبل دخول الحمام .. اقصد قبل دخول مصر برجليه

لكن مصر لم تترك السائح محتاس علي عينه .. بل تركت له خيار الذهاب الي اقرب بنك لسحب المال بشكل يدوي تقليدي بدائي بحت

عمار يا مصر

ثاني موقف في كارفور كان عندما قرر صديقي ان يطبخ هو لنا طبخه فرنسيه , فذهبنا الي كارفور ولم الاحظ ان اليوم كان الجمعه ... وكانت كارفور مزدحمه لدرجه اني تمنيت لو توفر لنا مسارات ذات اتجاهات محدده وشوارع ذات اتجاه واحد ,ذهبنا الي القسم الخاص بالدواجن .. وطلبنا طلب عادي جدا .. نص صدر فرخه يكون وزنها اقل من 100 جرام , زي مانتو شايفين الطلب مافيهوش حاجه خااالص , تخيلوا الراجل يبتسم في وشي ؟ متخيلين قد ايه حسيت بالاهانه ؟

طبعا كان لازم تعليق صغنطوط بعدها عن ان الراجل بقاله 3 سنين شغال في المكان ده عمره ما سمع حاجه زي دي .. بس نقول ايه , ما باليد حيله

ماهو برضه الراجل معذور , الوصفه بتقول كده ... الحمد لله ان الراجل بتاع الخضار معلقش علي التلات طماطمات اللي اخدهم يوزنهم ... ولا علي الفلفل الاخضر اللي كان اقل من 50 جرام , اتخيل كده لو انا رحت بيه لخضري عادي من بتوعنا وقلتله عايز 50 جرام فلفل اخضر , مش بعيد اخد فيها شهرين مستشفي

تالت موقف برضه متعلق بالفراخ ... اصله مش معقول في الحر ده نمشي بالفراخ في كيس عادي , فصديقي استغرب لما لقي ان كل الكياس عاديه .. فسألني .. اطلب من الراجل انه يجيب اكياس حراريه .. عشان مينفعش كده .. طبعا كالمعتاد وكما اعتدت نقلت الكلام كما هو للراجل .. اللي في الاول فكرني بهزر معاه ... لكن لما اتأكد اني بتكلم جد .. قالي في كيس بيتباع جوه تمنه 9 جنيه .. ادخل خدلك واحد ... صديقي سأله عن المكان , بس بصراحه انا مكنتش في مزاج اني ادخل في الزحمه دي تاني عشان اجيب كيس واطلع . فربنا حيسامحني بقي .. انا وزعت صديقي لما وصلنا للنقطه دي و اقنعته ان الراجل ميعرفش المكان بالظبط .. المهم صديقي طلب مني اقول للراجل ان عليه توفير الاكياس دي بره للناس بعد كده , طبعا تعبير وش الراجل في اللحظه دي شيء ممكن اي حد يتخيله !!

شر البليه

2007-09-06T16:41:00.001+03:00

دي يافطه متعلقه علي احد العمارات في الاسكندريه .. شوفتها بالصدفه و قولت اصورها .. معلش الكلام مش باين كله .. بس ممكن فهم المضمون من الكلام اللي في الصوره

طلعت اوشاعه

2007-09-02T02:39:00.000+03:00

اخر رحله للقاهره واكبها العديد من المواقف السيئه .. بس كان اسوأها علي الاطلاق الاوتوبيس اللي انا ركبته , انا من اول ما وعيت عالدنيا و انا بروح القاهره بالقطار ... بس مؤخرا بقيت غير راضي تماما عن مستوي الخدمه بتاعه القطار عشان كده قولت خلينا نجرب القطاع الخاص .. واهو اشجع الاستثمار في بلدي

اول نوع من التشجيع كان البحث عن ميكروباص من موقف عام , وتجربه ما يسمي بالمكيف (ربنا يخليلنا تويوتا ايجبت )و لما روحت اسأل عنه الراجل اللي في الموقف مش عارف ليه حس بالاهانه .. وقالي عندنا ميكروباص بمروحه سقف .. ينفع ؟
طبعا انا لقيت التفاهم مستحيل .. فركبت ميكروباص عادي وسلمت امري لله .. خصوصا ان الساعه كانت قربت من حداشر بالليل

ونسيت بقي ان رجلي طويله حبتين .. فصعب تدخل في الفراغ اللي بيني و بين الكرسي اللي قدامي .. وكانت سفريه مهببه
عشان كده بعد التجربه دي قولت من فات قديمه تاه .. فقررت ارجع للقطر تاني .. بس واحد من اصحابي شكر جدا في شركه خاصه اسمها الجونه وقالي دي ممممتاااازه

قولت مبدهاش .. اهو اجربها .. و من سوء حظي اني اكتشفت انها بتقف في اسكندريه في الموقف اللي مرمي في الصحرا بره .. مش بتدخل جوه اسكندريه .... فبعد ما جيت في رحله من القاهره الي الاسكندريه في زمن يبلغ 3 ساعات و نصف (اصله التزم بالسرعه القانونيه) اخدت ساعه تانيه عشان الاقي مواصله تاخدني سيدي جابر مكان ما سيبت عربيتي قبل السفر

وقررت اركب تاكس للعربيه بتاعتي ... ودار حوار سياسي خطير جدا جوه العربيه بين الراجل اللي راكب جنب السواق .. و السواق نفسه (اصله كان واخدني معاه في نفس السكه ) الراجل بيقول للسواق
يا عم .. انا بقولك ده بيفرفر
يا راجل تف من بقك .. بيفرفر ايه بس .. ماهو زي البمب اهو رايح جاي
يا عم صلي علي النبي .. انت مش عارف ؟ فاكر اليوم اللي وقع فيه و هو في مجلس الشعب ؟ اهو ده عشان هو عنده مرض خطير
المرض ده بيخليه يغمي عليه من وقت للتاني .. عشان الدم مش بيوصل دماغه .. و الايام دي بقي الاغماءات زادت

وحالته خطر

طبعا انا التزمت الصمت حفاظا علي مبدأ عدم ارتكاب رذيله الغيبه و النميمه علي واحد ماعرفوش

خصوصا لو هو سيدي و تاج راسي

لكن تاني يوم بقي قريت في الجرايد ان صاحبنا طلع يقول
اللي بيروج للاشاعات دي انا عارفه
فكرني بالمدرس اللي يروح يكتب علي السبوره .. يجي طالب من وراه يفرقع صاروخ .. يدير و يزعق يقول انا عارفه .. حجيبه

بس انا عندي كلمه في قلبي
يا مستكبر الزمن اكبر .. والموت علينا حق

ولو دلوقتي مفيش حد عارف ياخد حقه منك , حيجي يوم كل واحد حياخد حقه بالتمام و الكمال

وسواء هي طلعت اوشاعه من عدمه

فانا عايز بس اقول
ومن نعمره ننكسه في الخلق أفلا يعقلون" "يس: 68".

في الكافتيريا

2007-09-01T16:21:00.001+03:00

خبره صديقي مع الكافيتريات كانت في مجملها بدون اي مشاكل .. واستمتع جدا بالعديد من الخلطات العجيبه .. زي عصير ليمون بالنعناع شربناه في الزمالك مره او حتي استمتاعه بالفرجه علي خلطات تانيه زي عصير سوداني باللبن في الاسكندريه

بس الحاجه الوحيده اللي استغربلها جدا .. هي الضريبه اللي بتضاف علي الفاتوره في اي كافتريا .. وقالي انت ليه بتدفع ضريبه .. المفروض السعر يكون شامل اي رسوم علي السلعه .. وانت تدفع الرقم المكتوب علي السلعه بس في اي مكان .. كنت عايز اقوله يبقي انت اكيد اكيد في مصر .. بس مقدرتش بصراحه . بس علي العموم دي ضريبه .. حاجه تبع الحكومه , لكن اللي عمره ما قدر يبلعه هي بند الخدمه اللي بيتضاف في اي فاتوره في الكافيتريات ... لما هما بيدفعونا خدمه .. ليه ميحطوهاش علي تمن العصير او الحاجه وخلاص ؟؟؟

افتكر كمان موقف سيء حصلنا .. لما دخلنا كافتيريا و طلبنا جاتوه وعصير .. و لما دفعنا الحساب مجاش باقي .. علي اساس ان ده سائح و حيسامح .. لكن هو طبعا استشاط غضبا و قال دي سرقه ... و اشتكي للاداره .. قال لو عايز بقشيش انا كده كده بدفع بقشيش .. لكن يديني الباقي في ايدي و انا للي اديله البقشيش

وبما اننا جيبنا سيره البقشيش ححكي حكايه صغيره

بعد ما خلصنا الرحله النيليه .. وخرجنا من القارب .. الراجل بعت بنته الصغيره تجري ورانا تنادي .. بقشيش لو سمحت بقشيش يا بيه ... فهو بصلي وقالي

In france we always tell children .. what is the magic word and they say

Thank you

In Egypt the magic word is TIP

انا كنت في نص هدومي ساعتها , لانه كان بشكل مباشر بيعلق علي طريقه تربيه الاب لابنه الصغير و بيعلمه الجشع وقله الذوق

في حين في فرنسا مهما كان المستوي الاجتماعي , فالطفل بيتعلم ابسط قواعد الادب حتي لو بعد كده ساءت اخلاقه .. فالمصدر نادرا ما بيكون من الاباء

الصياد

2007-09-01T16:04:00.000+03:00

ركبت معه القارب لم يكن هناك موعد سابق او حتي سابق معرفه معه , لكنه عرض علي انا و صديقي ان نذهب في رحله بحريه فركبت معه .. سألته بعد قليل ونحن نخرج من الميناء ... هل تكسب عيشك من الصيد .. قال لي نعم .. سألته ما هي الصعاب التي تواجهك كصياد .. لم يفهم السؤال في البدايه .. فسألته بشكل اخر .. ماهي الصعاب التي تواجهك مع الحكومه مثلا .. كرسوم زياده او شيء من هذا القبيل .. اشياء تقف في طريقك كصياد من تحقيق مكسب عالي .. قال لي الرزق بيد الله .. لكن سأخبرك بشيء .. لقد قامت الحكومه بمنعنا من الصيد في شهري 6 و7 .. في عز موسم الصيد .. في الصيف حيث جميع المصطافين علي شواطيء الاسكندريه .. قالو لنا انها مناورات عسكريه ولا يحق لنا الخروج من الميناء جلسنا في بيوتنا .. انت تعرف طبعا اننا علي باب الله .. نأكل اليوم بيومه ..لا ندخر الا القليل ويكاد ان يكون البحر هو مصدر رزقنا يوما بيوم , عندما نجلس في بيوتنا من اين سنطعم عائلاتنا ؟

لقد اعطتنا جمعيه الصيادين خمسين جنيها في مقابل هذه الكارثه ؟ قل لي يا باشمهاندز .. ماذا تفعل لنا خمسين جنيها ؟

اتدري انهم نشروا في الجرائد انهم اعطوا كل صياد خمسه الاف جنيه في مقابل الجلوس في البيت ؟

اقسم بالله انهم لم يصرفوا لنا شيئا .. اجبرونا علي الجلوس في بيوتنا بدون عمل و بدون مصدر رزق

انا صياد ..وليس لي حرفه اخري , لا اعرف اي صنعه سوي البحر .. اتدري ان عائلات الصيادين كانت في هذان الشهران تأكل وجبه واحده في اليوم .. لانها لم تكن تملك مال يكفيها طوال الشهرين ... انت تعرف اننا بسطاء , ونعيش عيشه شعبيه .. من الصعب ان نخفي حقيقه كهذه عن جيراننا .. انا لا اطلب من الحكومه ان تطعمني .. ولكن تطعم عائلتي .. انا سأكل من الزباله .. لا يوجد عندي مانع ..لكن ماذنب عائلتي في هذه البهدله ؟

كان هذه جزء من حديثي المطول مع صياد بسيط ... تحدثنا عن بعض الامور المتعلقه بالسفر .. المني جدا انه وصف الليبين باوصاف سيئه .. وتحدث كثيرا عن احتقارهم للمصريين بشكل خاص وسوء المعامله التي لاقاها هناك .. وقارنها بالمعامله الحسنه من المغاربه و التونسيين

تحدث كذلك عن نظره البعض للمرأه المصريه في ضوء ما عرض مؤخرا في الاعلام المصري من افلام تدعي انها منفتحه وصريحه , في المجمل كان ه ذا الصياد دليل حي علي ان الانسان المصري البسيط .. قد يكون صامتا , صابرا .. لكنه ليس ساذجا ابدا , فمن نقاشي معه اظهر الرجل درايه واسعه بما يجري حوله حتي من احداث عالميه .. ربما اكتسب هذا من كثره ترحاله .. ولكنه في النهايه

صياد بسيط

ورغم اني سكندري الاصل .. الا ان هذه كانت اول مره اتعامل وجها لوجه مع صياد , ولكن اتمني الا تكون الاخيره

وبالحديث عن الصيادين .. احب اقارن بين رحله بحريه ورحله نيليه علي قارب نيلي ... في الرحله البحريه .. الصياد كان نفسه يلف بينا لحد ابوقير ويرجع تاني ... اما الرحله النيليه .. فبعد ما اجرنا القارب لمده نص ساعه .. الراجل الطيب رجع بينا بعد ربع ساعه و هو بيقول ان دي نص ساعه .. طبعا مكانش معاه ساعه اصلا عشان يتكلم .. وبعد محاورات و مداولات اقتنع انه مش حياخد مني مليم غير لما يكمل النص ساعه بالتمام والكمال .. و الحمد لله اخدت منه عشر دقااايق بحالهم .. وحمدت ربنا علي كده , مش عارف ليه القاهره كل ما اروحها يجيلي شعور ان الناس هناك الضمير عندها اقل من عندنا في الاسكندريه ؟

الصديق

2007-09-01T00:47:00.000+03:00

منذ اكثر من عام قابلته .. بالصدفه البحته اكتشف المدونه القديمه لي .. ورغم انه فرنسي الا انه داوم علي زياره المدونه التي كانت بالانجليزيه وقتها .. وداوم علي قراءتها .. وبعدها تبادلنا الايميلات , وبدأنا في المناقشات .. في شتي المواضيع .. وكلما تحدثنا كلما لمست مدي تعمقه في كثير مما يهم العالم العربي , ودعاني لزيارته في فرنسا .. لكني رفضت لعدم قدرتي علي تحمل نفقات قضاء عطله في فرنسا .. انا مازلت طالب .. ناهيكم عن صعوبه ادخار مبلغ مناسب لرحله كتلك .. ورغم انه اصر و عرض تحمل كافه نفقاتي هناك .. الا اني رفضت بشكل نهائي ... ومع الوقت فكرت .. لماذا لا ادعوه هو الي مصر .. يعيش معي اسبوعين .. بشكل كامل .. نتبادل الخبرات و الاراء طوال هذه الفتره ... عرضت عليه الفكره وقبل الدعوه بسعاده بالغه

صديقي يتحدث بطلاقه الانجليزيه والفرنسيه و الاسبانيه و الالمانيه و قليل من الصينيه و العربيه و التركيه مما و تخصصه هو التاريخ الاسلامي الاندلسي و العربي بشكل عام .. موسوعه جغرافيه متحركه , و مستودع تاريخي جعلني اشعر بمدي جهلي بتاريخ بلدي

علي عكس العاده .. كان هو مرشدي السياحي داخل بلدي , و لاول مره اتجول في القاهره بلا خوف من ان افقد طريقي .. لان صديقي احضر معه خريطه تفصيليه لشوارع القاهره .. التي طالما ظننت انها بلا خريطه (وقد كان لي عذري لاني اكتشفت ان خرائط كتلك متاحه فقط للسائحين في بلدهم .. لكن اهل مصر المحروسه لا يملكون الحق ولا التطور الكافي لامتلاك مثل هذه الخرائط) طبعا ناهيك عن الدليل الذي احضره و الذي يحتوي علي كل صغيره وكبيره لمصر .. كل ما تحتاجه في جولاتك في كتاب لا يتعدي حجم عدد خاص من قصص ادهم صبري

الزياره كانت جزءان .. جزء في القاهره و اخر في الاسكندريه , ولكن بشكل عام .. صديقي لم يكن سائح عادي , مثلا لم يبدي اهتماما كبيرا لزياره الاهرام او ابو الهول .. رغم اهميه الحدث الا انه فضل زياره اماكن اكثر حيويه في نظره ... اهتم بشكل خاص بقاهره المعز .. و المنطقه المحيطه بكنيسه ماري جرجس

زار كثير من المساجد الاثريه و اخذ يشرح لي بالتفصيل النقوش الموجوده في كل مسجد.. ما هي الحقبه التي بني فيها .. ماالوضع السياسي المحيط بتلك الحقبه .. باختصار , كانت الزياره تتعدي بكثير مرحله المشاهده .. الي رحله داخل الزمن.

طبعا لم تكن الزياره خاليه من المفاجأت , وباذن الله سأحكي بالتفصيل الكثير من المناقشات التي دارت بيننا وبعض الاحداث التي تتعلق باختلاف العادات و التقاليد

الي متي ؟

2007-08-14T07:16:00.001+03:00

الي متي يستمر قمع بدو سيناء ؟

الي متي سيستمر التعامل معهم علي انهم خونه حتي يثبت العكس ؟
الي متي ستستمر سياسه القهر والاستعباد والتجاهل معهم؟

من الواضح ان بطل الحرب نسي ان البدو هم من ساندوا و دعموا الجنود المصرين سواء في النكسه او بعدها في حرب الاستنزاف ونسي انهم قدموا للوطن الكثير والكثير . ويستحقوا علي الاقل بعض العرفان بالجميل

لانهم بشر
وان اجلا او عاجلا .. سيظهر فيهم جيل كاره لمصر .. ولترابها
جيل عديم الانتماء ..لانه لم يجد من يزرع فيه هذا الانتماء

مصدر القوه

2007-08-14T04:49:00.000+03:00

المتصفح في التاريخ , القديم منه و الجديد , سيجد انه لم يكن دوما كمياه راكده .. دوما كان هناك حجرا يلقي ليحرك الاحداث , ولكن .. كانت الاحداث متشابهه بحيث يمكنك دائما دراستها واستخلاص الدروس المستفاده

فالتاريخ معلم لا يستهان به لمعرفه الخطوه القادمه , فلكي تعرف ماذا تفعل , يجب ان تنظر الي الخلف لتعرف اين انت , نحن اين ؟
نحن الان في زمن التتار , حيث المسلمون متفرقون بين باحث عن الثروه و الجاه .. واخر باحث عن المجون و الشهوات, ولكن هناك خطر .. خطر رهيب محدق بنا

لقد سقطت بغداد ..ياللهول
ما الحل؟
نهرب للصحراء .فيملوا المطارده ويتركونا لحالنا ؟

لا, بل يظهر قطز ليوحد الصفوف
بكل المقاييس الماديه الانتصار مستحيل , فانت في اخر معقل تواجه اكبر قوه في هذا الوقت.. اكبر قوه , وافظعها
ولكن ينجح قطز في تحديد نقطه الضعف ويقويها
لم يهزم المسلمون في بغداد بسبب الضعف ولا قله العتاد , بل هزموا بالحرب النفسيه , فقد كان التتري يواجه عشره من المسلمين وهو اعزل , فيطلب منها ان يقفوا حيث هم .. ويذهب ليأتي بيسفه بيذبحهم كالنعاج , كانوا مهزومين حتي قبل دخول المعركه
المعارك لم تكن يوما بالعدد والعتاد , بل بالعزيمه والعزم علي الفوز
فكلما كان يقينك في الفوز كبير و اعتمادك علي الخالق يقيني ازدادت فرصك في الفوز ..لماذا؟ لان هذا وعد الله لنا
وهذا ماحدث بالفعل , حيث اعد قطز ما استطاع من قوه .. وتوكل علي الله
فانتصر ولكن لم يات هذا من فراغ
لم ينشأ القاضي من العدم
بل كان نتيجه اعداد جيد
فقطز نشأ كمملوكي
كيف كان يربي المماليك ؟
كان الملك أو القائد يشتريهم صغاراً ثم يقوم بتعليمهم اللغة العربية قراءة وكتابة، ثم بعد ذلك يُدفع بهم إلي من يعلمهم القرآن الكريم، ثم مبادئ الفقه الإسلامي، وآداب الشريعة الإسلامية.. ويُهتم جداً بتدريبهم على الصلاة، وكذلك على الأذكار النبوية،ثم إذا وصل المملوك بعد ذلك إلى سن البلوغ جاء معلمو الفروسية ومدربو القتال فيعلمونهم فنون الحرب والقتال وركوب الخيل والرمي بالسهام والضرب بالسيوف، حتى يصلوا إلى مستويات عالية جداً في المهارة القتالية، والقوة البدنية، والقدرة على تحمل المشاق والصعاب ،ثم يتدربون بعد ذلك على أمور القيادة والإدارة ووضع الخطط الحربية، وحل المشكلات العسكرية، والتصرف في الأمور الصعبة، فينشأ المملوك وهو متفوق تماماً في المجال العسكري والإداري.

وكان لهذة التربية أثر كبير على حياة قطز.

[1]

اين نحن الان ؟
نحن في عهد الصليبين الان
المسلمون مفككون , ما بين خائن موالي للصليبين وضعيف متواكل كل همه جمع الضرائب و تخزين الاموال , الاقصي اسير , المسلمون مهددون بالفناء علي يد الحملات الصليبيه .. التي تأكل من الارض يوما بعد يوم

الي ان ظهر صلاح الدين الايوبي
ماذا كانت العله ؟
الانكباب علي الدنيا و نسيان الاخره
نسيان ان كل شيء فان .. كل ما هو علي وجه الارض مصيره الي زوال
هذه هي نقطه الضعف .. الانكباب علي الدنيا و التفرق , هذه هو مصدر ضعفنا , اذن ما الحل ؟
زرع الدين من جديد في قلوب الرجال , زرع الدين القويم .. وليس التطرف و العنف , الدين الذي وضعنا في مقدمه الامم لثمان قرون .. الدين الذي يرسخ العدل و المساواه بين البشر .. الذي يضع حق المسيحي امام المسلم يضع حق المحكوم اما سلطه الحاكم

الدين لم يكن ابدا مصدر عنف.. انما الاوعيه الفاسده التي تحفظه وتسيء فهمه هي التي تتحول بعد هذا الي وحوش لا تمت للاسلام بصله , والدليل هو الاندلس .. نموذج مختلف عن النموذجان السابقان
نموذج مثالي للفشل

ولكن لا يخلو من العظه
عندما دخل المسلمون الاندلس .. دخلوها بقوه السلاح.. لكن نجحوا علي مدار عده قرون في تحويلها الي مناره من منارات العلم .. وكانت قبله للفرنجه في هذا الوقت لتلقي العلم.. وكان الفرنجي يفخر بانه يتحدث العربيه وانه تعلم في بلاد العرب .. ماذا حدث ؟
كأي دوله غنيه بمواردها .. يصيبها الترف بالترهل والضعف
فتنسي انها محاطه بالطامعين .. وبمرور الوقت ينسي الملوك حياه القتال والحرب .. ويميلو للترف و الراحه , فينقض عليهم العدو وهم في غفله عنه .. تاره بسلاح الخداع , وتاره اخري باثاره الفرقه
حتي تحولت الاندلس الي امارات مستقله ضعيفه في ذاتها
فاستولوا عليها اماره بعد الاخري , ثم بعدها قاموا باكبر عمليه تطهير عرقي في تاريخ البشريه
حتي خلت الدوله او كادت من المسلمين
بعد ان كانت دوله مسلمه .. والملفت للنظر في التجربه الاندلسيه .. ان اسلام اهلها جاء بعدما تعاملوا مع المسلمين وتعرفوا علي الدين من اخلاق حامليه

فالدين كالامانه .. تحملها علي عنقك وتسير بها.. اما ان تكون مثالا جيدا لدينك ... او نموذج يسيء له

لماذا؟
لان الدين اي دين يحمل داخله الجانب الروحي .. الجانب الغير ملموس في الكائن البشري
الجانب المحرك لطاقاته الكامنه التي لا يمكن اي دافع مادي ان يحركها

فاليابانين في الحرب العالميه رغم قلتهم كدوله صغيره الحجم .. الا انهم تغلبوا علي الصين واحتلوها
هانيبال استطاع تحقيق تهديد حقيقي لروما .. بل كاد ينجح في دخول روما نفسها لولا ان الروم بادروا بالهجوم علي عقر داره فانسحب وانهزم بعد ذلك

الاسكتلندين كادوا ان يحققوا النصر علي يد ويليام والاس يوما ما .. الا ان الخيانه نالت منه و قتلته قبل تحقيق حلمه

ما هي الدروس المستفاده من كل هذه الاحداث التاريخيه ؟

مصدر القوه كان دائما هو الارتكان الي عقيده راسخه .. ايا كان مصدر هذه العقيده فوجودها مهم
سواء كانت عقيده وثنيه كما في حال اليابانيون .. او وطنيه كما عند الاسكتلنديين فوجودها مهم او عقيده سماويه كالمسلمين الاوائل..فهذه هي الوقود المتجدد الذي

الخيانه اخطر سلاح امام العقيده

الاتحاد اول مفاتيح التغيير ... لانه اول مفاتيح الهزيمه

عدونا علي مر العصور لم يبدأ ابدا بالقوه العسكريه .. بل كان يسبقها دوما بالمكائد والدسائس .. لدب الفرقه والبحث عن المصالح التي يمكنه من خلالها استماله احد الاطراف له

---------- 1 wekipedia

حماس و فتح

2007-08-10T05:18:00.000+03:00

اذا كان عباس وطني و شهم
لماذا يقبل علي شعبه الجوع لتصفيه حسابات مع حماس ؟

واذا كان رئيس دوله بحق .. لماذا يقبل الوقوف في صف المحتل فقط لاستعاده جزء من سلطته الزائفه ؟

الا يذكرنا هذا بدروس التاريخ ؟ عندما كنا صغارا نقرأ عن فلان ذهب الي الصليبين ليعينوه علي علان ؟

وكنا نقول .. خائن

ماذا حدث ؟
ولماذا انقلبت الموازين ؟

بغض النظر عن موقف الحكام العرب بخصوص الانتخابات في فلسطين .. فان العار كل العار يقع علي الغرب الذي يتشدق بالديموقراطيه و كيف يقدسها هو ككيان متقدم وندوس عليها بالاقدام ككيان متخلف

العار علي مجتمع دولي شهد بنزاهه الانتخابات ثم عاد ليعاقب شعب بأكمله علي اختياره .. باتباع احقر سياسه عرفها التاريخ
تجويع الشعب ليرضخ و يثور علي من اختاره

كثرت الذئاب يا فلسطين .. فهل من منقذ ؟

والام يؤدي كل هذا العبث ؟

ماذا بعد عزل غزه و تجويع اهلها ؟

امجاعه ننتظر ؟ ام وباء ينتشر ؟

افيقوا يا عرب , فكل شهيد في غزه من الجوع او نقص الدواء ستسألون عنه يوم لا ظل الا ظله

نعم .. كلنا سنموت .. ونبعث ونحاسب

ولن ينفع احد دعم امريكا له .. ولا معونتها التي تسقينا الذل وتزيدنا جوعا علي جوع وفقرا علي فقر .. ولا تستخدم الا في كسر انف قوادنا المغاوير

في المترو

2007-08-10T04:52:00.000+03:00

وانا نازل من المترو .. طالع السلم , وسط الزحام تصاعد صوت رخيم
ينشد ترانيم كنائسيه
ويسير بكل بطء وهو يمعن النظر في وجه المقابلين له .. وكأنه يتحداهم

بمنتهي البطء .. وباعلي صوته واصل صعود السلم وهو ينشد هذ ه الترانيم وانا انظر له و اتعجب

لفت انتباهي مدي ما يحتويه هذا التصرف من استفزاز لمشاعر المحيطين فالرجل لم يكن يفعل هذا من باب التدين .. والا كان اولي بالقساوسه المشي وهم يتلون ترانيم الكنائس , انما فعلها فقط ليثير استفزاز احدهم .. ليجعل شخص ما في مكان ما يلقي تعليق يستطيع من خلاله ان يضج بالشكوي مطالبا بالمساواه مع المسلمين .. و يتحدث بعدها عن الاضطهاد الذي يعيشه في مصر

اتعجب لمن يسعي لاثاره فتنه .. واتسائل لمصلحه من ستكون هذه الفتنه ؟

كان لي في الكليه اصدقاء .. مسلمين و مسيحين .. ولم نكن كمسلمين ننظر ابدا الي هذا ..لكن ما لفت نظري ان المسيحين انفسهم كانو منقسمين الي فريقين .. فريق منطوي علي نفسه .. لا يختلط باحد مسلم .. و كانو للاسف اغلبيه .. وفريق اخر يتعامل بشكل عادي .. ويمتزج في المجتمع المحيط بيه .. كجزء منه

واعتقد ان هذا السلوك منتشر جدا في الجامعات

والسؤال هو.. اذا كان اغلبيه المسلمين , يتعاملون بشكل طبيعي مع المسيحين .. واذا كان بعض المسيحين لا ينظرو ابدا الي الديانه فيمن يصادقون , ما فائده الاحزاب التي تتكون داخل الكليات ؟ ومن يغذيها بافكار العزله ؟
------------------------------------
اعجبني مسيحي عندما ذهب الي جنازه احد المسلمين .. و دخل الي مكان الدفن .. ودعا مع المسلمين للمتوفي .. و جاء الي سرادق العزاء ليلا ليسمع ربعا من القران قبل ان يؤدي واجب العزاء

كان خائفا في البدايه
ظن ان المسلمين سيفتكوا به لو اكتشفوا وجوده .. لكن سرعان ما تأكد من ان هذه اوهام .. وانه في البدايه و النهايه
مصري

عدنا

2007-08-05T08:17:00.000+03:00

انا جييييييت تاني

معلش يا اخوه و يا اخوات
انا كنت مسافر .. ولسه راجع من كام ساعه .. كنت في اجازه وقررت عشان تبقي اجازه اني ابعد فيها عن كل ما هو حاسوبي و كومبيوتري

القرار كان صعب صدقوني .. بس كان لا مفر منه

انتظرونا

الحكيم 2

2007-07-23T03:34:00.000+03:00

اخر حاجه وصلنلها
اننا كنا خلصنا اكل
وطلعنا نتمشي شويه

الحكيم سرح شويه .. وبعد كده قالي
هي الناس فاكره الديموقراطيه حتنزل عليهم من السما ؟
مستنين الحكومه قلبها يرق و تطلب معاها ديموقراطيه ؟
قلتله
عشان اجاوب علي السؤال ده لازم اخرج عن الموضوع شويه
قالي ازاي ؟
قولتله .. ايه متطلبات العمل السياسي في مصر ؟
طبعا الكلام ده لا ينطبق علي الموالين للحكومه

اولا تكون مستبيع .. ومعندكش حاجه تخسرها , لانك غالبا بتخسر كتير قوي
ثانيا تكون اعزب .. ولو متزوج ميكونش عندك اولاد ولوعندك اولاد يكون في حد يرعاهم لو لا قدر الله حبيت تزور الشمس و يا تيجي يا متجيش
ثالثا ان تكون ذا قابليه لتحمل الشائعات و السمعه التي ستخرج من العدم مشوهه صورتك اسوأ تشويه
رابعا ودي مش مهمه قوي انك تكون غني .. عشان لما يتقبض عليك غالبا بيتاخد منك كل ما هو غالي و ثمين .. وكل ما خف حمله وغلا ثمنه اثناء الاعتقال .. وساعتها لازم يكون عندك حاجه تحت البلاطه تأمن بيها عيالك و مراتك لو في يعني

سؤال تاني .. الكلام ده متوفر عند كل الناس ؟
طبعا لا . بس في فئه واحده بس متوفر عندها بشكل رائع واكثر من رائع

الاخوان المسلمين

استدرت الي الحكيم و سألته .. لماذا تعتقد الاخوان اكثر منافس للحكومه ؟
هل لحب الناس ؟
هز رأسه بالنفي

استدركت انا قائلا

بكل بساطه .. الناس تختار الاخوان لانهم لا يريدون الوضع الحالي ولانهم الوحيدين في الساحه ناشطين و منظمين و لهم عمل ملموس في الوسط السياسي.. مش خيال مأته .. اذن اختيار البسطاء للاخوان لان الاخوان ناشطون وليس لانهم يحبون الاخوان او ينتمون لهم.. وجماعه الاخوان هي الاجابه علي سؤالك الاول .. لماذا لا يتحرك الناس ؟ الديموقراطيه لن تهبط علي رؤوسهم

لان العمل السياسي المصري ينطوي علي الكثير من التضحيات .. اولا اضطهاد الحكومه , و تشويه السمعه , و الاعتقال و التعذيب .. الاستيلاء علي الممتلكات الخاصه .. وعلي احسن تقدير .. اتصالات التهديد التي لا تنقطع ليل نهار لتقودك تدريجيا الي الجنون , فلا يتحرك الا جماعه من الاشخاص متحده و متعاونه وعلي استعداد للتضحيه حتي بقوت اليوم من اجل اداء هذه الرساله

وللاسف هذا هو بيت القصيد .. فعند الافراد .. اذا وجدت الرغبه في المشاركه بشكل فعال .. غاب التنسيق و وجود تجمع .. يساعد بعضه بعضا و هذا اعطي اليقين عند البسطاء ان السياسه خطر مميت وليست حق كأي حق اخر مثل المأكل و المشرب

اما بالنسبه لجزئيه لماذا لا يريد الناس حتي مجرد ابداء الرأي في اي شيء فهذا غير صحيح
فالشعب يكاد يكون متحد علي نقاط اساسيه .. ويدرك انها موجوده
يدرك ان هناك فساد
يدرك ان البلد تمر بأسوأ ظروف ممكنه , وان الديون المتراكمه في اخر 25 سنه فاقت مجموع الديون علي مصر منذ الثوره بعده اضعاف
يدرك ان دوام الحال من المحال وانهم ان اجلا او عاجلا سيحدث انفجار .. لكن يدركون ايضا ان اي شراره و لو صغيره يصنع منها النظام عبره لكل من تسول له نفسه بالاعتراض ولو حتي في سبيل حق من حقوقه

الحكيم قالي ده لان الشعب عندك لا يعرف عن العمل السياسي شيء .. وسأضرب لك مثال

السياسه مبنيه علي المصالح .. فكل شخص له اجنده يريد تحقيقها و يسلك اي سبيل في سبيل ذلك
فمثلا مثال كارفور الذي ضربته .. كان يمثل مصالح بين السلطه وراس المال

كل ما علي الناس فعله هو البحث عن ثغره في هذه المصالح لدي الطرفين .. تستطيع بها اقناع طرف منهم للعمل لصالحك انت كمواطن , لو استطعت ايجاد هذه الثغره ستفرق بها بين مصالح الاثنان و تجعل نفسك شريكا قويا

هذه هي السياسه .. فالسياسي البارع .. يبحث عن نقطه تثير اهتمام الطرف الاخر وتجعله راغبا في التعاون لتحقيق هذه الاجنده .. من المهم ايجاد اجنده مشتركه

وجدت في الكلام (نظريا) الكثير من المنطق والصواب .. الا انه لا يصلح لبدء الديموقراطيه من الصفر
فرأي الشخصي ان من نضج و تربي في بيئه ديموقراطيه , من السهل عليه استغلال هذه المباديء لانها تخضع للمنطق و لقواعد الديموقراطيه .. فالفروض الواجب تواجدها هنا
وجود حريه كامله .. وجود امان كامل .. واهم شيء وجود شفافيه في العمل السياسي بحيث يكون هدفه مصلحه البلد في المقام الاول وليس المصالح الفرديه
فمثلا في مسأله ايجاد اجنده مشتركه
من السهل اذا كان هناك شفافيه ان ندرك مدي سهوله ايجاد مثل هذه الثغره
فارتفاع مستوي المعيشه ..يرفع مستوي الرفاهيه .. ويجعل القوي الشرائيه قادره علي استيعاب منتجات جديده .. وهذا يصب في مصلحه راس المال و كذلك مصلحه الافراد

وبهذه الطريقه (نظريا) لا يوجد تعارض وراء سعي رجال الاعمال الدؤوب وراء كراسي مجلس الشعب .. و مصلحه الشعب
الا ان الرياح لا تأتي بما تشتهي السفن .. فمصلحه الرأس مالي عندنا الاولي هي الحصول علي الحصانه ليتمتع بحريه اكبر في التلاعب و الفساد , وبالتالي اجنده الرأس مالي ليس فيها شيء يخص مصلحه الافراد او تقدم الوطن (لا اقصد التعميم .. لاني اقصد بكلامي فئه بعينها من اصحاب رؤوس الاموال) ولذلك .. السياسه في مصرفي رأي امامها الكثير والكثير حتي تصبح بهذا المستوي المثالي الذي يريده الحكيم

فالانتخابات مزوره .. تأتي باشخاص اخر اهتماماتهم رعايه مصالح الناس العاديه .. و القوانين تسن لتبقي الفقير فقيرا .. و تزيد الغني غني

و حتي تطبيق القانون ..سيف علي الفقير .. جيلاتي باللبن علي الكبير

اي قاعده ..لها فروض .. اذا اختلفت الفروض اختلفت نتائج هذه القاعده .. فالحال في دوله بالغه ديموقراطيا .. يختلف تماما عن الحال في دوله تحبو في الديموقراطيه

وبالتالي انا اري في رؤيه الحكيم الكثير من الصواب .. بشرط تحقق الفروض الذي بني عليها كلامه

فلا يوجد معني للكلام اذا كانت المصلحه الاولي بين الرأس مالي والنظام هو ان يستمد الاول القوه والمسانده ويستمد الثاني الثروه والغني
فيجمع الاول بين ثروه كبيره و سلطه
والثاني بين سلطه و نفوذ وثروه

لن تجد في هذه الحاله مصلحه مشتركه بين الشعب واي من الطرفين

الحكيم

2007-07-21T13:58:00.000+03:00

في يوم من الايام و ليله من الليالي .. زار مصر حكيم

الحكيم كان عايش في برجه العاجي .. مش حاسس بالناس اللي في مصر .. ولا عايش مشاكلهم

لما جه مصر .. كان فاكر انه جاي جنه , مفيهاش مشاكل ولا هموم

اول ما جه .. نزل يتمشي .. انزعج جدا من حاجه , الحاجه دي غريبه قوي .. حاجه مش ممكن تخطر علي بال حد

لانها حاجه عاديه في نظر الناس

طبعا يا اولادي حتسألو .. ايه هي الحاجه دي ؟

اقولكم يا حبايبي

الحكيم اول ما نزل مصر .. حب يتمشي علي الكورنيش .. استمتع قوي بالجو .. خصوصا ان الدنيا كانت ليل و الجو جميل .. بس معجبوش الوضع و هو بيعدي الشارع .. عربيات رايحه و عربيات جايه

وحس ان حياته في خطر

فانزعج و سأل

ليه الناس مش بتشتكي ؟ ليه الناس مش بتتكلم ؟

ليه الناس متطالبش باشارات مرور للمشاه ؟

الحكيم جه وسألني .. ليه يا مشمش الناس عندكم ميطلبوش من الحكومه توفر لهم الامان في عبور الشارع ؟

كنت ساعتها باكل سمك في المطعم مع الحكيم .. سيبت السمك و سرحت شويه

بصراحه .. عمري ما فكرت في الحكايه دي قبل كده

ليه صحيح الناس بتعدي الشارع و هي حاسه ان دي حاجه طبيعيه ؟

ليه الناس متسألش عن حقوقها ؟

قولتله .. يمكن عشان الناس همومها اكبر بكتير من مجرد عبور شارع .

ويمكن كمان عشان الناس خايفه

قالي الحكيم .. خايفه من ايه ؟

قولتله من السياسه

اندهش الحكيم و قالي .. بس دي مش سياسه .. دي حقوقهم .. وبيطالبو بيها

فكرت شويه .. وبعدين قولتله طب خليني معاك للاخر

نيجي مثلا عن منطقتين

كارفور علي الطريق الصحراوي .. الحته دي في وشها داون تاون .. والناس بتعدي كل شويه بالعشرات من المنطقه دي والعربيات طايره طير

وحته تانيه تكون عامره بالسكان و بيمر فيها طريق العربيات بتجري فيه

و بصيت في وش الحكيم وقولتله .. انت يا حكيم من وجهه نظرك شايف فرق بين المنطقتين ؟

قالي لا .. مفيش

قولتله طب حقولك انا بقي الفرق

عندك في برجك لو روحت طلبت اشاره مرور في اي حته من دول .. حكام البرج حينظرو في الموضوع و يعملو دراسه يشوفو هل انت محتاج حاجه زي دي و لا لا .. لو محتاج حيعملوها علي طول .. صح ؟

رد وقالي صح

قولتله هنا بقي .. حيروح صاحب كارفور للحكومه يقولها انا مصالحي متضرره .. وبتاع داون تاون كمان حيروح يشتكي .. تيجي الحكومه (بعد شويه حاجات من تحت الترابيزه ) تبص للموضوع و من غير دراسه جدوي ..و حتلاقي تاني يوم كوبري ارتفاعه عشرين دور للمشاه .. طبعا بعدها المشاه حتفضل تعدي من تحت الكوبري لان الكوبري عالي قوي .. لكن حتبقي الحكومه ساعتها عملت اللي عليها .. وبنت الكوبري .. بغض النظر بقي العواجيز اللي حيجيلهم ازمه قلبيه في رحله الكفاح علي السلم .. او المقعدين اللي حيبصولوا و يتحسروا علي الجبل اللي قدامهم ده

اما بقي بالنسبه للمنطقه السكنيه .. فاصحابها حيكتبوا للحي .. ويقدموا طلبات .. وبعدين يروحوا للمحافظ برضه يطلبوا مساعده .. ومحدش حيعبرهم

لحد في يوم حتحصل حادثه .. الحادثه دي حيموت فيها عيل صغير .. او بنت علي وش جواز .. يجي اصحاب المنطقه السكنيه يثوروا .. ويحرقوا كام عجله كاوتش علي كام قنبله مولوتوف (ده لو منطقه عنيفه ) وساعتها ممكن تحصل حاجه من اتنين

يا الاهالي يعملوا مطب ارتفاعه 3 متر و عرضه ربع متر يكسر في العربيات اللي رايحه واللي جايه .. او الحكومه تبتدي تبص للموضوع بعد ما تحس ان في شغب جامد في الحته دي بسبب الكوبري

وسواء كده او كده النتيجه واحده

محدش من الناس اللي بتعدي قدامك الشارع دلوقتي حيفكر في انه يطالب باشاره .. لسبب بسيط ... في حاجات اهم من اشاره تسهل لهم عبور الشارع ده ... ده غير ان في شوارع غيره كتييييير في البلد فمجتش علي ده

سألني الحكيم .. طب ليه انت قولت انهم خايفين وان المطالبه سياسه

قولتله لان الحكومه ماشيه بنظام ..لو مش معانا تبقي مع الناس التانين .. والناس التانين دول احنا مش بنشوفهم غير ورا الشمس .. والناس عندها ولاد عايزين يربوها .. فمش حيخاطروا و يروحوا ورا الشمس , ده غير ان اللي انت بتقوله ده ..لما تبقي البلد رايقه وفايقه و مش لاقيه مشاكل حواليها غير فلان معلي الكاسيت .. وعلان دهن عمارته بلون عمل ازمه نفسيه لواحد فرفع قضيه

احنا هنا عندنا الناس مش لاقيه تاكل .. اكيد واحد مش لاقي ياكل .. مش حيبص للشارع وايه الوسائل اللي حتزود راحته في عبور الشارع

الحكيم بصلي .. وقالي طب تعالي نكمل كلامنا في السكه .. انا خلصت اكل

العوده

2007-07-17T22:52:00.000+03:00

يستيقظ مبكرا .. يخرج من الشاليه ليصطدم بهواء بارد منعش .. يملأ رئتيه بالهواء .. ثم يبتسم في رضا

تقع عينه علي الفيلا المقابله .. يشاهد اللافته المعلقه (قائد القوات البحريه) .. يسرح بذاكرته
يتذكر كيف كان الحال منذ ثلاثون عاما .. ايام الحرب .. ايام التضحيات
ينفض ذكرياته
ويستعد للذهاب الي الشاطيء
يقع الشاطيء امامه مباشره , يري امامه الرمال الصفراء ,لا يفصله عنها الا سور صغير
يستعد بالكاميرا .. ويرتدي الشبشب استعدادا للذهاب

يشعر بالانتعاش , يقترب من الرمال .. يداعب الهواء المنعش شعره .. تغوص قدماه في الرمال الناعمه , لكنه يسير غير عابيء بالرمال وما يعلق منها بقدمه .. يسير مشدوها ساهما
يسير وقد خلا عقله تماما من المنغصات التي ملأت عليه حياته مؤخرا

تناساها مؤقتا واستعد لهذه الاجازه .. يعلم انها قصيره .. وانها ستنتهي لتلقي به مره اخري وسط بحر من الهموم .. لكنه غير عابيء بهذا الان
كل ما يشغل عقله .. هو البحر .. وجماله

يشعر كأنه يملك كل العالم بلحظات الهدوء تلك
يشعر كأن العالم كله يحسده علي لحظات الهدوء تلك

يشاهدها .. لاول مره
تجري امامه بخجل .. وسرعه
يخفق قلبه
لم ير ابدا مشهد في هذا الجمال .. ولا مخلوق بهذه الخفه

قد يراها في التلفاز , ولكن علي الطبيعه رؤياها شيء اخر
شيء مميز

كانت تجري بخفه .. متجهه امامه الي الماء , اخرج الكاميرا بسرعه
والتقط لها عده صور خلسه

حاول الاقتراب منها .. الا انها كانت كالزئبق .. تتسلل مسرعه في كل مره

هل هو الخوف ؟ من ماذا ؟ لن يؤذي ابدا مخلوق بهذا الجمال
كل ما يريده نظره .. نظره قريبه

توقف قليلا يتأملها وهي تغوص في الماء لتختفي من نظره

ثم مد بصره علي امتداد الشاطيء ليكتشف انه ليس وحيدا كما تصور .. كان هناك المئات منها تجري علي الرمال

مئات من الكابوريا

يستغرق تماما في مراقبتها عن بعد , يشاهدها تجري هنا وهناك .. بل ان بعضها تأخذه الجرأه لتعبر السور الي داخل القريه .. يسمع المؤذن من بعيد يؤذن لصلاه الفجر .. كأن الاذان كان جرس الانذار لها .. بدأت تنسحب بسرعه
اراد ان يصرخ فيها
انتظري .. لا اريدك ان تذهبي
الا انها تختفي

يهم بالاستداره مبتعدا .. عندما يرها .. تأتي في خفه . . تقترب في بطء .. ولكن بثقه
انها الشمس .. تأتي معلنه عن يوم جديد
تأتي ليتخلل نورها من بين السحب منيرا المكان كله بنور احمر خلاب
لا يكفي لاضاءه المكان .. لكنه يصنع لوحه رائعه مع البحر الذي يترامي امامه بزرقته الخلابه

يأخذ نظره اخيره , ثم يتبسم في حسره

يودع المكان بعينيه .. ويستعد للسفر
والعوده

جاست اناذر تاج

2007-07-15T13:04:00.000+03:00

ربنا رزقني بتاجين اتنين زي بعض .. واحد جالي من بيتنا القديم (سمسم )والتاني من العربي (ممدوح)
انا عارف اتأخرت في الرد شويه بس المشاغل كانت كتيير قوي الفتره اللي فاتت

انت مين؟
حاليا خريج جديد , عاطل زي ناس كتير (بس طبعا ده لاني خريج بقالي يومين اتنين بس ) مستني جيش (واكيد حلاقي العبر هناك و حاجي افضفض هنا ) ولو مفيش جيش ححاول اسافر اي حته اتعلم فيها بجد .. نفسي اتعلم بجد
مين اكتر 6 اشخاص بتحبهم؟
انا بحب ناس كتير وطبعا صعب احدد سته بس , مش عدل
انت سعيد؟
الكلمه دي فضفاضه قوي , يعني السعاده نسبيه , ومش دائمه .. السؤال الاصح هل انت راضي ؟
اه , الحمد لله راضي بقضاؤه و قدره
لو اجتمعت انا وحسني مبارك في غرفة واحدة؟
اقوله افتكر دايما انك مش خالد , وانت مش اول واحد من نوعك و اكيد مش الاخير بس اكيد انت من اكترالحكام اللي سابو علامات علي وش مصر
لو معاك مليون ونص جنيه......تعمل بيهم ايه؟
وهما دول يعملو ايه يا حسره ؟ السؤال ده لازم يتغير عشان التضخم اكل المليون خلاهم الف جنيه

لو مليار جنيه اعمل ايه ؟
همم اشتري بمليون ونص عربيه
و احط الباقي رصيف في البنك اصرف بيهم علي العربيه لما تتخبط
بس لو عملت انا كده ابقي انسان مستهلك جدا , طب بلاش دي , انا استثمر فلوسي في البورصه ... لا مش مضمونه خصوصا ايام التلات , بتبقي ضلمه

طب بما انهم مليار , اكيد حكون سارقهم , يبقي اسافر بره و اشتغل نائب من نواب القروض في لندن
بتحب مصر؟
حب ؟ والله هو خليط من الحب و الحسره .. بس اكيد الحسره بتيجي علي حاجه احنا بنحبها قوي
بتحب البنات؟
ده سؤال ملتف و سطحي شويه .. اشمعني البنات يعني؟
انت مسلم؟
ده بقي سؤال عنصري شويه افرض التاج راح لواحد مسيحي , يقول ايه ؟

الحمد لله مسلم بس مش شايف اي هدف للسؤال
ليه؟
ليه ايه ؟ ليه مسلم؟
طب افرض كنت مسيحي .. كنت اجاوب اقول ايه ؟ اعيب في الاسلام عشان صاحب التاج ينبسط ؟

عموما الحمد لله مسلم عشان انا اهلي مسلمين ده اولا
وعشان انا مؤمن ان ده الدين الحق ثانيا
مين اكتر شخصية ما تقدرش تستغنى عنها في حياتك؟وليه؟
والدي ووالدتي , كده عشان من غيرهم الحياه من غير طعم ولا لون ولا ريحه .. ده غير انهم دعم قوي جدا في حياتي

ايه اكتر موقف محرج اتعرضت ليه في حياتك؟واتصرفت ازاي؟
همم مش فاكر حاجه دلوقتي .. بس اكيد كان في مواقف كتير يعني
ايه الأمنية اللي بتدعي ربنا دايما انه يحققها لك؟
يوفقني في حياتي و يرزقني الذريه الصالحه في الزمن الاغبر ده
تمرر التاج دة لمين؟
اميره البلطجيه
يامراكبي
اوماس
مارفل
كوكوالكميل
واي حد تاني مجالوش التا ج وعايز يجاوب عليه

خمسه تعليم:الاقتصاد الدولي

2007-07-14T20:37:00.000+03:00

احد الاشياء التي كانت تميز التعليم في كليتنا المبجله هو انها كانت تعطي ماده نظريه في كل تيرم .. ماده لا تمت بصله بالعلوم التطبيقيه .. فتاره كانت هذه الماده محاسبه وتكاليف .. وتاره اخري كانت قانون .. كلها كان الهدف من ورائها جعل المعلومات متنوعه بدلا من ان يكون المهندس جاهلا بكل النواحي الاخري من العلوم الانسانيه

وقد كانت هذه الخطوه في التفكير امرا رائعا ... ولكن كحال الكثير من الافكار .. عندما تأتي مرحله التنفيذ يتحول الامر الي كابوس , الي كارثه .. تذهب بكل النواحي الايجابيه في الفكره وتأتي لتحل محلها بكل السلبيات الكفيله بتحويل الامر الي مجرد حجر يضاف الي بناء الفشل في العمليه التعليميه

تم هذا عن طريق العديد من العوامل التي سأحاول تلخيصها الي نقاط

اولا لا يوجد شكل محدد او كيان ملموس لمحتويات المنهج الاضافي هذا ..ولا الهدف من اضافته

فبدلا من اختيار مناهج تصب في مصلحه المهندس و تنمي من قدرته في التعامل مع العالم الخارجي .. و كذلك التعامل مع جميع المواقف التي من المحتمل التعرض لها .. كان احيانا يتم اختيار مواد لا علاقه لها بالهندسه

اذكر علي سبيل المثال .. ماده القانون .. مهم جدا ان يلم المهندس بالقوانين المتعلقه بالاتصالات مثلا .. او حتي القوانين المتعلقه بالصناعه بشكل عام , الا ان الدكتور الموقر كان قد اختار لنا القانون البيئي المصري لتدريسه .. فكان لزاما علينا ان نعرف ان مدخنه بلبع للمشويات لابد ان تبعد عن اقرب بلكونه مسافه لا تقل عن 17 متر .. والا فان بلبع سيدفع غرامه لا تقل عن كذا ولا تزيد علي كذا

ثانيا عدم وجود رقابه او متابعه للدكاتره المنتدبين لتدريس هذه المواد

فكنا في احسن الاحوال نري الدكتور قبل امتحان الميد تيرم باسبوعين . .ليبيع الكتاب , ثم يأتي بعدها مره اخري قبل امتحان التيرم لتحديد الفصول التي يجب ان نحفظها حتي نستطيع تسميعها في الامتحان , و اذا كان الدكتور من ذوي الضمير المتيقظ , يكون غالبا من سوء حظنا ان يكون ايضا من النوع الذي لا يملك القدره علي الشرح

فكان يصر علي ان يأتي اسبوعيا لمجرد التنكيد علينا وكانت فكرته عن الشرح غالبا عباره عن قراءه من الكتاب كنوع من الدعايه لمدي جودته .. واحنا طبعا كنا بنموت من الملل

وهنا انا بقول لطلبه الكليات النظريه الله يكون في عونكم , انا مشوفتش دكتور من المجمع النظري بيشرح حاجه .. كلهم قراء جيدين للكتب .. لكن بلا اي روح تدريسيه

ثالثا اتباع سياسه اشتري الكتاب تنجح(والتي تطبق بالعكس .. يعني اشتري الكتاب ممكن تنجح لو حليت, لكن متشتريش الكتاب حتسقط اكيد)

وكان يتم هذا بمساعده احد المكتبات الخارجيه احيانا , او فراش المدرج الذي يحاضر فيها الدكتور احيانا اخري , وكان العنصر المشترك دائما هو كشف باسامي الطلبه وعلامه صح امام الطالب اللي اشتري الكتاب

رابعا الامتحان في اغلب الاحيان يعتمد علي الحفظ والتفريغ

السؤال الاول .. سمع الفصل الاول

و كنوع من التحسين في شكل الامتحان .. كان يكتب اسم الفصل بدلا من رقمه فيكون

السؤال الاول اكتب ما تعرفه عن المحاسبه

وبالتالي كانت ورقه الامتحان عباره عن اربع اسطر .. وورقه الاجابه مطلوب الا تقل عن عشرين صفحه بالخط الرفيع

خامسا ميعاد المحاضره في حد ذاته كان يعبر عن مدي الاهمال الذي تحظي به مثل هذه المواد

فقد اصرت الاداره علي مدار 5 سنين في الكليه ان يكون الميعاد دائما يوم الخميس الفتره الاخيره التي تنتهي الساعه 7 مساء

وهذا طبعا كان يعطي انطباعا سيئا لدي معظم الدكاتره المنتدبين عندما يأتوا الي الكليه ليكتشفو انهم في اخر القائمه , ولربما كان هذا من احد العوامل التي ساعدت علي ان يهملوا هم انفسهم في الشرح والحضور بانتظام لانهم لمسوا الاهمال من اول وهله من اداره الكليه المبجله

ناهيك عن ان الطلبه اصلا كانو بحلول ميعاد المحاضره جثثا هامده بلا اي طاقه للتركيز او التفكير

سادسا بناء الامتحان علي التوقعات المرئيه

وهذا عيب خطير وجدت انه عنصر مشترك في جميع الدكاتره المنتدبين من الكليات النظريه

فقبل الامتحان , يجب ان تكون هناك محاضره .. اول شروطها ان نحضر الكتاب معنها لنضع علامه علي الاجزاء المهمه , او بشكل اخر , نضع علامه علي الاجزاء التي سنذاكرها ونترك الباقي لانه لن يأتي في الامتحان

وهذا ينسف الهدف من الامتحان اصلا , لانه يعطيني ما سأحفظه ويحذف ما كان سيساعدني علي الفهم

وكذلك لانه ينسف الهدف من اضافه هذه الماده اساسا , فالهدف كان اكساب المهندس مهارات متعدده , تحول الامر الي عبء علي المهندس لابد ان يحفظه لينجح فيه , بدون تحقيق اي من الاهداف التي اتخذ بسببها قرار اضافه مثل هذه المواد

بالاضافه لكل هذه السلبيات تأتي اخر ماده , ماده اخر تيرم في سنه البكاليريوس .. ماده الاقتصاد الدولي

اولا يجب ان نتعرف علي خصائص هذه الماده علي مدار السنوات الماضيه

1 هذه الماده لم يرسب فيها احد السنه الماضيه والسنوات التي قبلها لانه لا يوجد مبرر لارساب طالب هو مهندس فعليا واكمل ما عليه من متطلبات ليكون مؤهلا بشكل كامل , فهذه الماده ليست في صلب تخصصه و بالتأكيد لا تؤثر علي مستقبله المهني , الا ان رسوبه فيها قد يدمر مستقبله المهني لانه سيكون خريج دور نوفمبر (وصمه في شهاده اي مهندس)

2 دكتور هذه الماده في السنوات الماضيه كان يكسر القاعده العامه للاهمال , ويأتي مره واحده قبل امتحان التيرم بدلا من ان يأتي مره اضافيه قبل امتحان الميدتيرم والنتيجه طبعا ان هذه الماده كان يوضع لها امتحان واحد فقط هو امتحان التيرم و تستغل درجات الميدتيرم في انجاح الطلبه

اذا كانت الحياه ورديه هكذا ؟ لماذا اتحدث عن هذه الماده هذا العام ؟

اولا , لان الملامح الرئيسيه تشوهت تماما علي عهدنا , فتم تغيير الدكتور المسئول والاتيان باخر في منتصف العام الدراسي , كانت النتيجه انه اتي غاضبا و اصر علي انهاء الكتاب , اول محاضره له كانت قبل الميد تيرم باسبوعين , قرر في هذه المحاضره ان المحاضرات القادمه كلها ستكون لمده لا تقل عن 3 ساعات وتنتهي 8 مساء اي بعد انتهاء الوقت الدراسي الرسمي في الكليه بساعه كامله

ثانيا, اصر علي اكمال الكتاب كاملا معنا (رغم اني قرأت مقدمه الكتاب فوجدت انه موجه لطلبه تجاره بشرط ان يكونوا قد انهو مواد معينه لان الكتاب كان يبني عليها بلا شرح الاساسيات ) اي ان الدكتور اساء اختيار المنهج .. اختار احد المواضيع المتقدمه بلا اي تمهيد

ثالثا , الكورس كان مكثفا جدا نتيجه لقرار الدكتور المتعلق بانهاء الكتاب كاملا , ولعلمه باستحاله مذاكره كل هذا , انزل بعد فتره كتاب اخر مثل كتب دليل تقويم الطالب , عباره عن سؤال وجواب حتي نستطيع المذاكره

رابعا, لاول مره ظهرت النتيجه النهائيه لطلبه البكاليريوس وقد خرج الكثيرين بنجاح في كل المواد ما عدا هذه الماده

الدفعه حوالي 350 طالب سقط منهم هذا العام في هذه الماده 53 طالب , والكارثه ان الدكتور لا يدرك انه بقراره الاحمق هذا يعلق مستقبل 53 طالب علي ماده تافهه لا علاقه بينها وبين كفائه او قدرته كمهندس مستقبلي

او انه يدرك ويحاول اضافه اهميه زائفه لوضعه في الكليه عن طريق اظهار قدرته علي التأثير في مستقبل الطلبه بطريقه مريضه

لا احد ينكر حقه في اخراج النتيجه بهذا الشكل , فالطلبه غالبا لم يضعوا اجابات بشكل سليم يعبر بهم الي بر الامان , لكن ايضا هناك اعتبارات اخري كان يجب وضعها في الحسبان .. اهمها هل هو قدم شرحا وافيا بحيث يطالب هؤلاء الطلبه بحد ادني من الاجابات ؟؟؟؟؟ هل المنهج الذي اختاره تم التمهيد له بالشكل الكافي ؟

هل هذه الماده مهمه لدرجه تعطيل اكثر من خمس الدفعه عن الاستمتاع بفرحه التخرج وبدلا من الاحتفال تتحول الدفعه بين باكي علي حاله واخر اسف لحال اصدقاءه؟

كلاب و خنازير

2007-07-07T09:30:00.000+03:00

تفسير اسرائيل لهذا الفيديو .. ان المصور الذي تم استهدافه حتي بعد اصابته .. ليس صحفيا انما مصور لحماس تستخدم صوره في الدعايه للارهاب , وبالتالي يحق لها في هذه الحاله استهدافه وهو مصاب . وخرق معاهده جنيف ..بل و ضرب كل القيم والاخلاق بعرض الحائط.... ولم لا ؟

لكم كل التقدير يا شعب فلسطين
تخلي عنكم كل حكام العرب و تمسكو بخيار الذل

كوللابسيد

2007-07-07T08:31:00.000+03:00

للاسف بمر حاليا بحاله نفسيه سيئه جدا , ماليش نفس اكتب في اي حاجه او اعمل اي حاجه حتي في العالم الواقعي مش بس الافتراضي.. !!

السبب تراكمي في المقام الاول , بس برده ليه علاقه باخر اسبوعين ماهو مش سهل ابدا ان واحد يقضي سنه من عمره بيحاول يعمل حاجه .. يتعلم حاجه .. و في اخر الطريق يلاقي الباب مسدود .. في الواقع .. يلاقي الباب وهو بيتهبد في وشه , يلاقي عدم التقدير .. و التجاهل .. يلاقي ناس مريضه بتصفي حسابات قديمه بمنتهي القسوه .. و الغريب ان قدره الناس دي علي اصابتي بالاحباط فاقت كل حدود توقعاتي , للاسف ... !!

شعوري العام معقد.. حتي انا مش عارف هو ايه بالظبط؟ ياتري هو احساس بالظلم ؟ القهر ؟ مش عارف , بس هو شعور فظيع وخلاص

متهيألي ده اكتر وقت مناسب ادور فيه علي اجازه ... اجازه من اجهاد بدني وعصبي استمر سنه بالتمام والكمال .. اسافر اي حته اغير جو
.. اراجع اولوياتي من اول وجديد .. والاهم من كده , انسي شويه الواقع المحبط

انا بحاول التظاهر ان مفيش حاجه , او الموضوع مش كبير قوي كده .. بس اصحابي اللي عارفني كويس .. عارفين برضه قد ايه انا محبط ومكسور حاليا, و رغم اني عارف ان مفيش حد فيهم حيجي يقرا الكلام ده , بس انا بشكرهم .. علي كل حاجه

رغم ان جدولي مليان لحد اول شهر 8 .. لكن مفيش قدامي غير اني ادور وسط الجدول ده علي اسبوع اروح فيه اي مكان , اغير جو .. وانسي اللي حواليا ده مؤقتا
.. واستني , اصبر .. يمكن الوضع يبقي احسن من كده , و ان الاسواء يكون خلاص حاجه مريت بيها مش حاجه لسه جايه

ومين عارف .. يمكن ساعتها احكيلكم علي الموضوع من طأطأ لسلامو عليكم .. وانتو تحكمو

انا اسف

2007-07-01T03:39:00.000+03:00

انا اسف .. انا عارف اني مبقتش معاك زي زمان
وعارف انك مستني مني اكتر من كده
وعارف انك مستعد تديني اكتر واكتر من غير ما اطلب
كل اللي انت مستنيه
اني اكون زي الاول

انا كمان نفسي اكون زي زمان

بس مفيش حاجه بتفضل علي حالها

كله بيتغير
والظروف كمان بتتغير

وهي دي المشكله

ساعات اصحي من النوم..و افتكر .. زمان , وايام زمان

احلم اني لسه عايش هناك
في عالمي القديم
عالم بسيط
جميل
هادي

وواضح

عالم من غير مصالح
وكل حاجه فيه مبنيه علي شيء واحد بس

الحقيقه

الحقيقه العاريه البسيطه , بلا اي رتوش او تجميل
حقيقه واضحه و بسيطه , ليهاشكل واضح .. وكيان اوضح

بس كل ده بيتقتل لحظه ما اقوم من السرير
وابدأ حياتي مره تانيه
المشاغل مبتنتهيش
والحياه مش بتقف لحظه
ماهي مش حتستناك
يا تلحقها
يا تسيبك وتكمل هي مشوارها
الشاطر .. اللي يستني شويه
يبص وراه كل شويه
ويشوف ايه فاتو ويحاول يجيبه تاني

انا متغيرتش , بس الظروف هي اللي اتغيرت
ناس ظهرت في حياتي
وناس تانيه اختفت

ناس غيرت في حياتي
وناس تانيه اتغيرت

ناس استحملتني
وناس تانيه جرت

مش طول الوقت بلاقي الفرصه اللي اقولك كل اللي بحس بيه
ولا بقدر اوريك انت ايه في حياتي
بس اكيد انت عارف
اكيد انت حاسس

لما اقعد بالشهور متكلمش معاك
اعرف انك كل يوم علي بالي
في فكره
في ذكري
في رغبه

رغبه اني اسأل
واطمن
ياتري انت عامل ايه ؟
ياتري انت فطرت ايه النهارده ؟
ايه تفاصيل حياتك اللي فاتتني؟
ياتري مين دلوقتي بقي بالنسبالك زي ما كنت انا زمان ؟

في حاجات كتير تفسر التناقض ده
ناس بتقول الظروف
وناس تانيه تقول سنه الحياه
بس انا بقول
السبب
هو ان مفيش اراده
مفيش تصميم
مفيش حته انك مهما كانت الظروف تروح ترفع سماعه التليفون وتسأل

بس العيب مش مني
مش مني لوحدي
الغلطان هو انا وانت
انت برضه بطلت تسأل
صعب نقول مين اللي بدأ .. لكن النهايه واحده
اننا مبقيناش زي زمان

ممكن نتغير .. بس الغالب اننا مش حنتغير
حنفضل كده
دايما نقول
الدنيا تلاهي

انا اسف

وقت المذاكره

2007-06-30T00:41:00.000+03:00

لا لا .. مينفعش كده يا مشمش ..لازم تقف وقفه رجاله قدام الحكايه دي .. انت لازم تذاكر

طبعا محدش كان بيقولي الكلام ده .. انا بس بفتكر مقطع اتكرر كتير جوايا علي مدار فترات حياتي

كل ما كان يجيلي النداء ده كنت اقول.. خلاص

طالما مذاكره يبقي لازم اعمل طقوسي

اولا .. لازم اجيب كيس شسيبسي .. لا لا مش كفايه انا حجيب شيبسي عائلي .. وكمان شيكولاته , وياسلام لو مولتو بالشيكولاته او الفراوله

وايه كمان يا مشمش ؟ نفسك في ايه قبل ما تذاكر .. متتكسفش انا عازمك

همم , يعني بما انها مذاكره .. يبقي لازم الواحد يشرب كوبايه نيسكافيه..لا لا مش كفايه النيسكافيه عشان اصحصح انا كده محتاج حاجه تانيه عشان اتسلي .. يبقي كوبايه نيسكافيه تليها كوبايه كاكاو

ها ؟ ناقصك حاجه تانيه يا سي مشمش عشان تذاكر ؟

يتثائب مشمش بتثاقل شديد وقد امتلأت معدته بما لذ وطاب قائلا

لا .. انا الحمد لله اكتفيت .. انا داخل انام بقي , حبقي اذاكر بكره

تصبح علي خير يا ضميري

ومنك لله يا شيطان يا رجيم

فضيله الكذب

2007-06-29T19:06:00.000+03:00

مع تصاعد العمليات العسكريه في انحاء متعدده من العالم الاسلامي و تصادف ان تكون هذه الاهداف اما مناطق غنيه بالموارد الطبيعيه .. او مناطق تتميز بنشاط في مجال البحث العسكري و النمو الاقتصادي السريع.. من المخجل ان نتصور ان هذا كله محض مصادفه .... او من الغباء!!

في نظر الساسه الكذب فضيله ..لان الغايه تبرر الوسيله هو القانون الاوحد الذي اتفق عليه الساسه منذ ابد الابدين كل شيء مباح ,فمثلا طالعتنا الصحف منذ عده ايام بتصريحات تنتهي بنا الي نتيجه مؤكده ان فضيحه ليوكربي كانت في الاول موجهه لايران و سوريا .. الا انها سرعان ما تحولت الي ليبيا لانهم احتاجو فرض عقوبات عليها لاي سبب حتي يثنوها عن برنامجها المثير للقلق المتعلق بالاسلحه الكيماويه والبيولوجيه, وطبعا اتسم الموقف العربي بالسلبيه , فالتعامل بين العرب الان اصبح اشبه بموقف البقرات الثلاث ولا يوجد ما يبشر بتغير هذا الاسلوب عما قريب ,ورغم ان سياسه فرق تسد هي اول ما نطلع عليه عندما نتحدث عن التاريخ الحديث وعصر المستعمرات الا ان الحكام العرب لا يلتفتوا ابدا الي التاريخ لينهلوا منه العظه

والكذب ايضا فضيله في نظر الحاكم .. عندما يكون حاكم ظالم , فلا يضجر ابدا من كثره الكذب .. ويوما بعد يوم يتحول ما يقوله من كذبه الي يقين .. فيقع في فخ تصديق كذبه , فيتحول الوضع من سيء الي اسوأ ولكن بلا اي امل في الاصلاح و يساعد في هذا عاملين مهمين .. اولا سيطره الحاكم علي الاله الاعلاميه الداخليه .. فيغسل امخاخ البسطاء بكذبه الفج وتصريحاته الخياليه .. والعامل الثاني هو الحاشيه المحيطه به التي تصور له ان من يعارضه هو بالتأكيد اما حاقد او طامع في كرسي الحكم .. وانهم هم الخدم المطيعين له والموالين لنظامه .. ولكن تدريجيا .. بعد ان يتورط كلا الطرفين .. الحاكم و الحاشيه في وحل الكذب . تتحول العلاقه من ولاء الي ستر وغطا علي بعض وربنا حليم ستار

وهنا تكون الكارثه قد احبكت خيوطها المعقده علي رقبه الشعب .. فطبقه الحكم اصبحت متورطه جنبا الي جنب في مستنقع الفساد .. ولا يكون هناك مجال للتراجع ..او الصدام .. فكلا الطرفان الحاكم والفاسد اصبحو في معسكر واحد .. كلاهما يستطيع الحاق اقصي ضرر بالثاني لانه اصبح يملك من العوامل والمعلومات ما تمكنه بالحاق اقصي ضرر ممكن بالطرف الاخر اذا ما قرر التراجع , ومسأله التراجع اصلا تصبح امرا بعيدا عن الخيال لان من ذاق طعم الحرام مره يتناوله في كل وجبه بعد ذلك

وفضيله الكذب هي المفضله عند وسط العسكريين وامراء الحرب , لانه وسيلتهم الوحيده للبقاء واذكاء نار الحرب .. واحيانا تكون وسيله لاخفاء الفشل مثلما حدث في حرب 67 او ما يحدث يوميا في العراق و افغانستان

اخفاء الحقيقه .. و اعلان معلومات مكذوبه اصبح ملازما لاي حرب تدور رحاها الان

والضحيه هم الابرياء الذين تهدر دماءهم ..بل تسكب سكبا بلا ثمن, مثلا اليوم طالعتنا وسائل الاعلام بخبر قيام حلف الاطلنطي بشن هجوم علي افراد تابعين لطالبان .. وقتلو 4 افراد من الارهابيين, والمثير للحزن والاسف والسخريه , ان في نفس الوقت .. يظهر احد ناشطي حقوق الانسان ويقول ان من قتل كان جد وحفيديه وابنه .... عائله قتلت .. وبدلا من ان تتوجه قوات الحلف بالاعتراف بفشلها وخطأها .. تعلن ان من قتلوا هم من طالبان .. ربما لان طالبان بلا ثمن , في حين قد يطالب احدهم بثمن ما اقترف في حق العائله البسيطه , و الامثله بلا حصر في هذا المجال , وللاسف الكذبه الناجحه هي التي لا تكتشف ابدا ... ولا يمكن تقدير حجم الكذبات الناجحه .. لكن بوجه عام يمكننا ان نتنبأ بمدي كبر حجم هذه الكذبات من خلال تتبع كميه الكذبات التي كشفت مؤخرا فكلما كثرت محاولات الكذب كلما زاد احتمال اكتشاف بعضها

وطبعا يجب الا ننسي فضيله الكذب في مجال المال والاعمال , فالغش والخداع و حب الربح السريع كلها عوامل مساعده في انتشار الكذب والخداع والغش في هذا السوق الواعد .. والذي يؤدي الي عوامل وخيمه في النهايه فيبطيء عجله الاقتصاد للدوله و يضعف الثقفه في استقرار الوضع الاقتصادي .. وبالتالي تنسحب الرؤوس المستثمره من هذا الجو المريض بحثا عن اجواء اخير اكثر امانه .. والتي غالبا ما تجدها متاحه في الاسواق الغربيه اكثر من تلك الموجوده في الاسواق العربيه الاسلاميه التي يحثها دينها علي التحلي بالامانه و الشرف

وهذا يفسر احد الاسباب وراء هروب رؤوس الاموال العربيه كلها الي جيوب الغرب .. لانه ادرك العله منذ زمن وادرك ان الاستقرار الحقيقي لن يتحقق سوي بتوفير وسط من الشفافيه والحياديه في اداره الاقتصاد .. وبالتالي كسبوا ثقه كل صاحب رأس مال يرغب في جو صحي يستثمر فيه امواله دون خوف من ضربات تأتيه من تحت الحزام

ووسط كل هذا نجد انه حتي المواطن العادي يجد في الكذب فضيله تخرجه من الازمات التي يتعرض لها .. فتحمل مسئوليه افعاله لم يعد البديل الوحيد المتاح امامه , بل احد البدائل الغير مرغوب فيها .. الاسهل هو اختلاق كذبه يهرب بها من المسئوليه امام اسرته او مديره في العمل

وبين هذا المستنقع اللا متناهي من الكذبات المتتاليه ..نجد اننا امام فضيله جديده اسمها فضيله الكذب

فضيله الفاسدون في كل زمان ومكان.. فضيله تؤدي الي كل انواع الرذائل التي عرفتها البشريه

فالكذاب يفعل اي شيء بعد ذلك .. الكذب ابشع الرذائل .. اذا ارتكبها الفرد استخدمها لاخفاء باقي رذائله مهما عظمت

يقول رسول الله صلي الله عليه و سلم إن الصدق يهدي إلى البر، وان البر يهدي إلى الجنة، وإن الكذب يهدي إلى الفجور وإن الفجور يهدي إلى النار

ويقول آية المنافق ثلاث: إذا حدث كذب وإذا وعد أخلف، وإذا أئتمن خان

ويقولكل خصلة يطبع عليها المسلم إلا الخيانة والكذب

وقد سئل الرسول صلي الله عليه وسلم:

ايكون المؤمن جبان.....قال:نعم
ايكون المؤمن بخيلا....قال :نعم
ايكون المؤمن كذابا....قال:لا

صدقت يا رسول الله

man of the year

2007-06-25T08:52:00.000+03:00

Politicians are alot like diapers, They should be changed frequently

السياسين يشبهون كثيرا حفاظات الاطفال , يجب تغييرهم باستمرار

الجمله دي مش عباره ثوريه لواحد عايش في مصر .. عشان بس الامانه الادبيه .. الجمله دي هي ختام فيلم جميل .. مليان معاني كتيير قوي اسمه

man of the year
رجل العام

الفيلم كوميدي ..لكن بيناقش قضيه مهمه جدا ..بيسأل سؤال بسيط جدا , لو الحاكم اكتشف ان الانتخابات اللي نجحته كان فيها خطأ والخطأ ده ميعرفوش غيره هو و الاشخاص المسئولين عن الخطأ .. بمعني تاني , الخطأ مش حيتكشف ابدا الا لو واحد فيهم ضميره رجعله وصحح الغلطه واعترف بيها
يا تري ايه يكون تصرف المشتركين في الخطأ او بمعني تاني المستفيدين منه ؟

في الفيلم ده كان احتمال ان اللي سببوا الخطأ يعترفوا علي نفسهم مستحيل تقريبا ,لان الخطأ كان عيب في برنامج كمبيوتر, والشركه اللي صممت البرنامج لو اعترفت بالخطأ حتفلس , ولو ما اعترفتش بالخطأ حتلحق تصححه في الانتخابات اللي بعدها , مع الاحتفاظ بحق اداره العمليه الانتخابيه مره تانيه.. مؤلف القصه نجح في انه يخلي الكوره في ملعب الرئيس.. ومش اي رئيس
مش رئيس دوله متخلفه من العالم التالت تسعي جاهده بكل ما اوتيت من ذل الاحتفاظ بالمعونه مهما كلفها هذا من كرامه

لا , كان الرئيس المره دي هو رئيس الولايات المتحده احد اقوي بلدان العالم اقتصاديا .. واكثرها قوه , باختصار حلم اي بني ادم .. دوله بموارد غير محدوده .. ومشاكل ذات بعدين علي اقصي حد(مش زي مشاكلنا اللي وصلت في الكلكعه للبعد السابع) .. اللي عجبني في الفيلم , كلمه اكثر من رائعه

I am a jester, the jester doesn't rule the kingdom , he makes fun of the king !
انا مهرج .. المهرج لا يحكم المملكه ,فقط يسخر من الحاكم

رحم الله امريء عرف قدر نفسه

انصح كل اللي بيدور علي فيلم هادف و ترفيهي جدا جدا انه يشوف الفيلم ده, كثير من احداثه بعيده عن الواقع , لكن كثير جدا من معانيه مرتبطه بالواقع الذي نعيشه

حاجه اخيره بخصوص الفيلم
عجبني جدا التحذير الحذر جدا من خلال الفيلم لقوه الاعلام
علي لسان احد الممثلين يشرح سبب عدم ثقته في التليفزيون

التيلفيزيون يضع الناس جنبا الي جنب في هذا الصندوق الصغير علي احد الجوانب تجد هذا المجنون القابل للتصديق الذي يقول ان الهولوكوست لم تحدث اطلاقا , وبجانبه تجد هذا العالم المحترم و المؤرخ البارز الذي يعرف كل شيء عن المحرقه
ويجلسون جنبا الي جنب وكل ما يقولوه يبدو حقيقي و في النهايه لا شيء يبدو حقيقي

رغم ان هذه الكلمات تأتي في صالح اليهود حتما .. الا انها تعبر عن حقيقه مؤلمه بعض الشيء للعرب
الاعلام اداه قويه .. وللاسف لان اليهود يملكونها استطاعوا ان يظهرو من ينكر المحرقه كالمجنون .. ومن يأتي ليثبت صحتها كالعالم المشار له بالبنان
لقد اضاف الاعلام الغربي الكثير من المصداقيه علي احد اكثر القضايا هشاشه في تاريخنا المعاصر .. ومع ذلك لم يستطع احد ما ان يفتح فمه ليقول الحقيقه او يعمل عقله ليقرر بنفسه ايهم اقرب للعقل والمنطق

team work

2007-06-24T18:54:00.000+03:00

العمل بروح الفريق
موضوع مهم .. ويعتبر من اساسيات اي عمل ناجح , ويمكن هو سبب اساسي لتأخرنا كعرب في مجالات كتير
لان مفيش الروح دي عندنا, مثال بسيط
الجامعات بره .. بتعمل ابحاث مشتركه..تبادل خبرات , كل ده في ظل التنافس ومفيش هناك تعارض بين التعاون لانجاح عمل ..والتنافس من اجل الحصول علي سبق في عمل
لان الهدف هو الوصول لنتيجه في نهايه المطاف

انا بكتب عن الموضوع ده من واقع خبرتي الشخصيه مع روح الفريق
مفيش اوضح من مثال مشروع التخرج في الكليات العمليه
اللي اما يتحول الي نجاح ساحق ,سرعان ما يتحطم علي صخور الاهمال بعدها بعده اشهر
او يتحطم قبلها بقليل عند الاصطدام بواقع ان البعض غير معتاد علي العمل بروح الفريق .. لسبب بسيط , هم لم يتعلموا لمره واحده في حياتهم العمل كفريق , و للاسف الكثيرين عندما يجدو انفسهم في وسط الامواج , يلجأون الي الاستسلام لها بدلا من محاوله تعلم العوم , للاسف جامعاتنا لا تعرف شيئا علي التعاون .. بل اقسام الجامعه الواحده لا تعرف شيئا عن التكامل فيما بينها من اجل الوصول بالبحث الي احسن المستويات

فكيف نطلب من الطلبه ان يتمتعوا بما ليس عند معلميهم ؟

فاقد الشيء لا يعطيه , اذا كان النظام التعليمي لا يتمتع كاداره بروح الفريق,فاين للطلبه بالمثال الذي يحتذوه للوصول الي هذا المستوي؟

فشل فرق العمل يكون لعده اسباب
اما لعدم وجود اداره جيده للفريق
او لعدم وجود روح الفريق واقصد بها القدره علي التضحيه بمصالحنا الشخصيه من اجل انجاح العمل
او حتي لعدم توافق افراد الفريق_ وهذا غالبا ما يحدث , لان اختيار الفرق يخضع كغيره من الامور للعشوائيه والتخبط والقرارات المتسرعه , فمثلا في كليتي يتم اختيار اعضاء المشروع طبقا لورقه الرغبات .. التي تؤدي في الاخر الي وجود مجموعه من الناس ,في معظم الاحيان لا يكون بينهم اي علاقه سابقه , معا في مشروع واحد ومطلوب منهم ايجاد نهايه سعيده لهذا الكابوس

الا اذا كان لديك ما يحميك من همجيه التنسيق في هذا الشأن كحالي مثلا , فتختار فريقك بنفسك .. وتذهب الي الدكتور الذي تراه مناسبا .. واذا كان دكتورا كبيرا بالقدر الكافي ..سيتمكن من امرار اسماء الفريق كما هي لم يمسسها ضرر في عمليه التنسيق

وايا كانت الطريقه .. ففي نهايه المطاف , يكتشف الجميع ان المسأله كلها لا تعدو ان تكون تمثيليه سخيفه .. هذه التمثيليه تتلخص في مناقشه المشروع حيث مطلوب منك ان تعرض مجهود عام كامل في عشر دقائق مع الوضع في الاعتبار غلاسه الشخص الذي سيقوم بالمناقشه و كميه الاسئله التي سيسألها في هذه العشر دقائق

وهنا يمكنك المرور من الموقف بمنتهي البساطه .. انسي انه مشروع
فقط ركز علي العرض الذي ستقدمه
ماذا ستقول فيه
وكيف ستلقي بمسرحيتك لتقنع الجميع انك اصبحت مؤهلا لحمل هذا اللقب الساحر

خريج جديد

حرق وقت

2007-06-21T04:56:00.000+03:00

حشرحلوكو العنوان ..حاضر من غير استعجال

اصل انا بصراحه كده قاعد بعمل في كتاب المشروع .. وما ادراكم ما كتاب المشروع .. وطبعا في قسم خاص للسيميوليشن

simulation

ودي بقي بالذات علمتني شعور الناس في التمانينات لما كانو يشغلو البرنامج .. ويسيبوه اسبوع ويرجعو ياخدو النتايج.. طبعا الناس تسمع الكلام ده دلوقتي تقول احنا فين وزمان فين ... ما عدا الناس الغلابه زيي .. اللي بيتعاملو مع حاجات اتصالات الفظيعه , عادي جدا في الوسط بتاعنا انك تقابل واحد يقولك البرنامج ده قعد 12 ساعه لحد ما طلع النتيجه .. وياحظك بقي لو البرنامج اللي انت عامله فيه غلطه .. تستني يا مسكين 12 ساعه .. وتطلع رساله تقولك علي الغلطه .. تصلحها وتستني تاني 12 ساعه تستني النتيجه

السنه اللي فاتت كنا شغالين علي برنامج بيحاكي حاجه زي قنوات الاف ام بتاعت الراديو كده .. وده بقي كان بيدي رساله خطأ جميله خالص
out of memeroy

كنا قبل ما نشغله نخلي الذاكره التخيليه للجهاز 4 جيجا .. واصلا كان الجهاز اللي شغالين عليه عنده رامات جيجا , يعني كان البرنامج ساعات بيحتاج اكتر من 5 جيجا ذاكره عشان يكمل عملياته الحسابيه

نرجع بقي للعنوان .. انا مشغل برنامج من اياهم و مستني النتيجه تطلع .. فاديني اهو بتكلم لحد ما اشوف اخرتها ايه مع البرنامج ده
بس واضح ان الموضوع حيطول
عشان كده انا شكلي ماشي و حروح ادور علي حاجه تانيه اعملها غير الكتابه

لا .. مينفعش شات .. مين صاحي دلوقتي ؟ الساعه خمسه الفجر دلوقتي والكتاكيت نامت خلاص

(بعد ما لقيت ناس صاحيه وقعد اتكلم شويه)

رجعت

عموما واضح ان وشكو حلو عليا
البرنامج خلص بعد ساعه الا ربع بس .. وبما انكم معايا من الاول فحفرجكم علي النتيجه المفرحه

ياسلام حاجه تفتح النفس بجد

ايه الجمال ده

بس يا ريت محدش يسأل ايه معني الرسمه اصلا .. هي رسم بياني جميل وخلاص

خمسه تعليم:شيء في نفسي

2007-06-20T03:46:00.000+03:00

بعد طول تفكير .. وبعد مراجعه حياتي خلال الفتره السابقه .. اكتشفت ان الحياه التعليميه كانت اكبر تجربه خضتها في حياتي .. تجربه قعدت كتييير قوي قوي قوي

ولان الواحد عنده لسه كلام كتير في الموضوع بتاع التعليم ده .. من اول حضانه لحد دلوقتي .. وياعالم .. يمكن اتخبط في دماغي واكمل تعليمي بعد كده وتبقي كملت .. ويكتبو بعد كده علي شاهد قبري .. مات وعاش طالب
هههه ايه التفاؤل ده يا مشمش

المهم ..قررنا نحن مشمش افندي انه يخصص قسم اسمه خمسه تعليم .. عشان القراء يختصرو السكه و يقرو عن حاجه هما اكيد شايفين انها مشتركه معاهم

وكما قال العنوان .. سنتحدث اليوم عن
شيء في نفسي

وما ادراكم ما في نفسي

------------------------------------
بيدأ الناس حياتهم في الكليه و كل واحد فيهم طالع من ثانوي و الحياه قدامه ورديه .. فاكر ان اسوأ كوابيسه هي التعليم الثانوي وان حياته بعد كده ورديه .. يمكن بيكون ساعتها عنده حق
مش لا سمح الله لان التعليم الجامعي خالي من المشاكل .. بس لانه مش بيقرا في الجرايد غير البلاوي السودا اللي في التعليم الثانوي .. اللي غالبا بيكتشف انها كانت ملاك وديع بجانب البلاوي الزرقا اللي مستنياه بعد كده

وكالمعتاد الاغلبيه عندما تصطدم بحائط التعليم , تقرر الابتعاد وبشكل نهائي عن كل ما هو مكتوب ومقروء وتقرر انها تلعب استيماشن لو هي في هندسه .. او كوتشينه لو هي مش في هندسه .. او طاوله لو هي علي القهوه .. او شطرنج لو جدها علمها اللعبه القديمه قوي دي
اول لو هي بقي متابعه .. تلعب بلاي ستيشن تو او كمبيوتر او تقعد تعمل شات .. او حتي تفتحلها بلوج وتنفسن فيه زي حالاتي

بس مين قال ان كل الناس بتعمل كده ؟احنا بكده نبقي نسينا الاقليه .. اللي دايما بنبصلها من تحت لتحت ونقول .. انا بس لو اغمض عيني وافتح الكتاب حبقي زيها

اقصد طبعا فئه الاوائل .. بعيد عن السامعين

وطبعا يجي كل واحد يفتي ويقول .. اه بس لو نظام التعليم اختلف .. كان زماني بقيت انا الاول .. ومفيش غيري ..لولا بس انا مكبر , محظوظ ابن اللذينه ده , العملاق نايم وهو هايص في العسل(يقصد ان هو العملاق طبعا ) بس نعمل ايه , نظام التعليم الفاشل هو السبب .. لو اتحسن اكيد حعمل اللي عليا

بس اللي الباشا مسألش نفسه عنه هو : اذا كان هو كان الاول في اسوأ ظروف ممكنه .. اللي هي نفس الظروف اللي منعتك تكون متفوق , ما بالك بقي لو اتوفرت ليه ظروف احسن من كده شويه ؟
اكيد حيسحقك يا حلو .. لان التعليم المصري بكل بساطه عباره عن اختبار تحمل طويل التيله
لو انت بتستحمل .. وبتقرقش في الصخر .. حتبقي متفوق , لو انت مش كده .. عمرك ما حتبقي متفوق .. لان اللي تفوق في اسوأ ظروف اكيد حيبقي متفوق في اي ظروف تانيه(بس ده مش اكيد قوي لو الموضوع معتمد علي الحفظ و بس ) كل اللي حيتغير لو ظروف التعليم اتغيرت , انه حيبقي احسن من وضعه الحالي (وقد تتوفر له فرصه للمنافسه ) لكن ابدا لن يصبح الاول

وده يجيبني لمعيار انا كنت بفكر فيه من مده , معيار الذكاء ؟ ايه هو ؟ عباره عن ايه ؟
و كل ما فكرت زياده في الموضوع ده وصلت لنفس النتيجه

الذكاء مش معيار اد ما هو فن , فن اداره موارد
بمعني تاني .. لو واحد سريع البديهه قوي الذاكره عبقري ..بس لعبي .. مش بيذاكر , بيضيع وقته .. ده لو قارناه بواحد تاني اقل منه في مستوي الذكاء لكن اعلي منه بمراحل في استغلاله لوقته .. و صبره .. وجده .. وتعبه , يبقي اكيد التاني ده اذكي من الاولاني بمراحل
ليه ؟
عشان الذكاء هو تقدير المرء لقدراته واستغلالها احسن استغلال ممكن , لو لم يستطع الوصول بموارده الذاتيه ( الفروق الفرديه) الي الاستغلال الامثل .. ده يبقي انسان بعيد تماما عن صفه الذكاء .. لانه لم يقدر بذكاؤه المحدود رغم عظمه ان يحدد هدفا يليق بمستوي هذا الذكاء و يسعي لتحقيقه

عشان كده
لو الشخص ذكي لكن مش بيذاكر ومتعود من صغره انه ميذاكرش .. اكيد عمره ما حيتفوق علي شخص تاني بيذاكر ليل نهار وهو في اسوأ ظروف ممكنه و ساعتها لا يعدو كلامه عن (اه لو الظروف اتغيرت ) اكثر من مجرد حقد طبقي , لانه لو تحسنت الظروف لن تتغير نتيجته (فكما قال الحكماء : تأتي الرياح بما لا تشتهي السفن ) والسفينه الشاطره هي اللي تقدر تسخر الريح لاهدافها , عمر ما حتلاقي نظام تعليم كامل بدون مشاكل واخطاء
فلا تضيع الوقت بحثا عن سراب لن تجده وابدأ العمل بجد

هم يبكي وهم يضحك

2007-06-19T15:31:00.000+03:00

كنت بتمشي جوه موقع بي بي سي العربي
واثناء قراءه خبر جاد عن العراق مسكتني بضحك وبشده

طبعا مش عشان الشعره ساعه تروح وساعه تيجي
, لا .. ده كان عشان اللغه اللي مكتوب بيها الخبر لا تؤدي الا الي الضحك
طب احكمو انتو

ويأتي الانفجار في اليوم الثاني لرفع حظر التجول في بغداد الذي كان قد فرض عقب تفجير منارتي مرقد الامامين العسكريين في سامراء.

ولعلع صوت اطلاق الرصاص في المنطقة عقب الانفجار الذي وقع في حوالي الساعة الثانية من بعد الظهر بالتوقيت المحلي.

حد في الدنيا يقول في خبر زي ده
لعلع؟؟

عشوائيه السياسه وسياسه العشوائيه

2007-06-16T06:47:00.000+03:00

دائما ما تتصف سياسه مصر في معظم_بل اكاد اجزم انه في كل_ الاحيان بالعشوائيه ,وقد ادي انتهاج هذا النوع من السياسه _والذي ينبع اساسا من انفراد اشخاص بأعينهم بالقرار بدون مرجعيه ديموقراطيه صحيحه _ الي نتائج وخيمه لها اثار ستمتد لسنوات او عقود .

السبب في هذا الي ان رأي الافراد يكون خاضع لقواعد الصواب والخطأ ولا يعتمد الفرد المنفرد بالقرار علي قواعد علميه سليمه في اغلب الاحيان لاتخاذ قراراته ..بل يعتمد علي منهج بدائي (الصواب والخطأ) فلكي يعرف الصواب .. يجرب حل ..وثان ..وثالث .. الي ان تتعقد المشكله وتتفرع منها قضايا فرعيه فيتخلي عن الاصل ويبدأ في حل المشاكل الناتجه عن الفروع .. مما يدخلنا في شبكه عنكبوتيه لا نهائيه

وهذا هو ما يعرف بعشوائيه السياسه .. حيث تكون السياسه بسبب جهل القائمين علي تنفيذها وعدم كفائتهم عشوائيه سواء في خطواتها او في النتائج المترتبه عليها .. وتتركز خطوره مثل هذه السياسات .. انها علي المدي الطويل تؤدي الي نتائج متراكمه .. و بعكس سرعه تكون هذه التراكمات الا ان حلها اعقد بمراحل من سهوله تكوينها .. حيث قد تمتد اثارها الي اجيال و اجيال

اما سياسه العشوائيه .. فهي سياسه يكون هدفها الاساسي ان تكون في ظهارها عشوائيه .. لتغطيه خطأ اخر اكبر , مثل سياسات الدوله تجاه الميزانيه السنويه .. فالميزانيه يقصد ان تكون عشوائيه في تكوينها او طريقه عرضها , حتي تختفي الحقائق و تضيع الحقوق والمسئوليات .. وتمثل هذه السياسه مؤشر مباشر لمدي انتشار الفساد في بلد ما

ويعتبر النوع الثاني من العشوائيه اخطر بمراحل من النوع الاول ..لانه في الغالب يستخدم لخدمه اغراض ضررها لا يزول بسهوله .. ولا يمكن الرجوع فيها .. فالفاعل في هذه الحاله .. هو شخص يريد ان يخفي مصيبه عن طريق خلط الاوراق .. فتكون المصيبه اثنتان :

اولا اخفاء حقائق
ثانيا وجود العشوائيه كعنصر اساسي في تحقيق الهدف

و يظهر هذا النوع في قطاعات مختلفه من الحكومه .. فمثلا وحده تنفيذ الاحكام اصبحت تخضع لهذا النوع من العشوائيه .. والهدف من العشوائيه هنا هو التستر علي مجرمين .. و اهدار الاحكام القضائيه

وهنا يجب ان تكون لنا وقفه .. فمع تصريحات الحكومه وتشدقها باستقلال القضاء نجد ان الوضع الراهن يتعارض مع هذه التصريحات في نقطتان اساسيتان

اولهما ان القضاء له وزاره حكوميه تحكمه .. وتتحكم فيه .. ويرأسها وزير (قاضي) باع استقلاله كقاضي منذ اول وهله قبل فيها المنصب
ثانيهما ان الوحده الملحقه بالقضاء والتي تعتبر اليد الطولي للقضاء والقوه التي تلزم القضاء لاقرار العدل وتحويل الحكم من ورقه الي واقع اصبحت تعمل كسيف حاد علي الصغير .. و تتحول الي قط وديع اذا ما تعلق الامر بالكبير

وقس علي ذلك العديد من مظاهر سياسه العشوائيه في بلدنا المصون
فقطاع التعدين يخضع لهذه السياسه .. وقطاع الخصخصه .. و البورصه .. والغزل والنسيج.. والزراعه .. و الحديد والصلب .......والامثله لا حصر لها
فقط تحتاج الي وقفه لدقيقه وستكتشف فيها ان سياسه العشوائيه اصبحت عنصر فاعل في معظم قطاعات البلد الان

منتهي الدقه

2007-06-16T00:23:00.000+03:00

حد لسه بيتفرج علي القنوات الارضيه؟

اصل النهارده كنت معدي قدام التليفيزيون .. عادي بتمشي في الشقه
ولقيت خبر بيجري علي التاب اللي تحت في الشاشه

سقوط مروحيه امريكيه اف 16 علي متنها راكب واحد

بصراحه .. مقدرتش امسك نفسي من الضحك .. اتخيل كده لو الاف 16 طلعلها مروحه من فوق .. وبقت مروحيه

منظر مضحك مش كده ؟ والاكثر اثاره للسخريه .. ان اللي كاتب الخبر مالوش لا في الطور ولا في العجين وبيكتب وخلاص

مش عارف اعلامنا الجميل حيفضل ينزل لحد فين ؟

المؤامره .. ام الارهاب

2007-06-15T05:05:00.000+03:00

11/9

هل كانت هجوم ارهابي ؟ام عمل مدبر امريكي ؟

نفس السؤال لكن اجابته مدعمه بادله جديده

الجيل التالت

2007-06-15T03:01:00.000+03:00

طبعا كلنا عارفين ان مصر مؤخرا دخلت الجيل التالت من الموبايلات مصر .. واعلنت ده علي اساس انه نصر اخر للحكومه
ده بافتراض يعني ا احنا اللي اخترعناه

انا لحد دلوقتي مش فاهم ايه منطق الحكومه في الافتخار بقدرتها علي شراء تكنولوجيا معينه ؟
يعني نشتري قمر صناعي ونشتري صاروخ ونأجر قاعده لاطلاقه .. نهلل ونقول دخلنا عصر الفضاء
ونشتري شبكه موبايل ونستورد المعدات من بره .. ونجيب شركات اجنبيه تركبها و تشرف عليها
نهلل ونسقف و نقول احنا دخلنا عصر الاتصالات و ثوره المعلومات

يعني بنضحك علي نفسنا وش كده

وياريت جت علي كده
ده كمان الحكومه تفننت في ازاي تسرق الشركات لاجنبيه المحترمه اللي جت تشتغل هنا .. مثلا كلنا شوفنا اعلان فودافون اللي قالت فيها انها جيل تالت

وكلنا برده شوفنا اعلان شركه اتصالات وهي بتقول احنا جيل تلاته ونص

ايه حكايه النص ده ؟
تسألوني هو اصلا في حاجه اسمها جيل تلاته ونص
اقول فيه
تسألوني
طب واللي في مصر ده كام ؟
اقولكم 3 بس
تيجي تسألو بقي .. امال ايه حكايه النص الزياده ده ؟

ده بقي يا جماعه راجع للحكومه و ذكاءها العالي
الجيل التاني للموبايلات اسمه
gsm
وده شغال في اوربا .. ومعظم الشرق الاسط ما عدا العراق عشان تبع امريكا دلوقتي فشغاله بالتكنولوجيا الاميريكيه
الجيل التاني ده كان سرعه نقل الداتا فيه مش عاليه .. فطلع ليه تعديلات زي
GPRS
وده اللي معروف في مصر باسم فودافون لايف .. اللي بتدخل بيه عالنت وتعمل كل اللي نفسك فيه .. و بعده ظهر حاجه اسمها
EDGE
وده تصنيفه في الجي اس ام تكنولوجي علي انه الجيل اتنين و تلات تربع
2.75
وده بقي اللي حكايتنا عليه النهارده
لما جت اتصالات تدخل .. قامت فودافون بعمل دراسه جدوي لقت ان تعديل البنيه التحتيه لشبكتها عشان تحولها جيل تالت مكلفه جدا ..فقالت احنا نوصل لمستوي اداء قريب لو استخدمنا ال
edge
وعلي الاساس ده طلبت رخصه من الحكومه بتعديل الشبكه بتاعتها
وده كان متزامن مع الكام مليار اللي اخدتهم الحكومه من شركه اتصالات عشان تصرح بعمل الجيل التالت في مصر
وواضح ان مصر خادتها حلوانا في سلوانا وقررت تجمع اكبر عائد من المولد ده ..فقالتلهم ..بصو بقي .. علي بلاطه , انتو حتدفعو زيكو زي بتوع الجيل التالت .. يا اما مفيش تصريح..طبعا فودافون قطعت قلبها مع الحكومه تفهمها ان ده مش جيل تالت وان العالم كله شغال بيها علي انها جيل تاني خصوصا ان الجيل التالت اصلا عباره عن حاجه مختلفه تماما ..بس الحكومه قالت لا حتدفعو .. وده جيل تالت مش تاني .. طبعا فودافون مش حترمي فلوسها في الارض .. وبما انه بقي رزق الهبل و المجانين ... فقررت هي كمان تسمي التعديل انه حيخليها جيل تالت ..الله بفلوسها بقي , هي حره

جت بقي اختنا اتصالات اللي هي جيل تالت وشغاله علي حاجه اسمها
WCDMA UMTS
زي مانتو شايفين الاسم مختلف خالص عن الجيل التاني _

عملت ايه ؟ قالت مش انا دافعه كام مليار ؟ لو نزلت السوق وانا اسمي الجيل التالت .. الناس مش حتبصلي .. طب والعمل ؟ المشكله ان اصلا في مواصفات جديده نزلت باسم الجيل التالت ونص .. بس بما ان مصر عالم غير العالم .. وماشيه بمزاجها
يبقي مافيش ضرر لو احنا كمان زودنا جنب الرقم نص
عشان نفرق عن الشركه المنافسه وقد كان
نزلت باسم الجيل التالت ونص .. والناس قالت طالما دي تلاته ونص
يبقي اكيد احسن من تلاته واحدث .. وراحو يشترو الخط الجديد وهما اصلا مش عارفين ايه الفرق بين الجيل التاني والتالت .. ولا عارفين هما بيدفعو فلوس في ايه .. ولا ايه الزياده في الجيل التالت .. المهم انه جيل تالت .. يعني جديد .. يعني لو اشتريناه نبقي متابعين التطور ..وهو ده المهم

ومحدش عارف الكارثه و عمليه التطوير اللي عملتها الحكومه عشان تمشي بنظام غير اللي ماشي بيه كل العالم في سبيل جمع كام مليار زياده منعرفش بيروحو في جيب مين في نهايه المطاف